1899 මාර්තු ඇරඹි දෙවන බෝයර් සටනේදී බෝයර් වරුන් 6000 කට අධික පිරිසක් විසින් 1899 ඔක්තෝබර් 13 දින මැෆ්කින් නගරය වටලන ලද අතර 1900 මැයි 17 වන දින බ්‍රිතාන්‍ය හමුදාව විසින් මැෆ්කිනය මුදාගනු ලැබීය .
බෝයර් වරුන් වටලා සිටි මැෆ්කින් නගරයේ දෛනික පැවැත්ම සඳහා බේඩ්න් පවෙල් සාමිවරයා විසින් නගරයේ ළමා පිරිසකගේ සහාය ලබා ගත් අතර ඔවුන් මැෆ්කින් ශිෂ්‍යභටයන් ලෙස නම් කරන ලදී.රෝගීන්ට සාත්තු සප්පායම් කිරීම,පණිවිඩ ගෙනයාම මෙන්ම නගරයේ තැපැල් සේවාව පවත්වාගෙන යෑම එම ශිෂ්‍යභටයන්ගේ ප්‍රධාන කාර්‍ය විය. අනපේක්ෂිත වූ එක් කුතුහලය දනවන කරුණක් වූයේ තැපැල් මුද්දර හා එදිනෙදා භාවිතයට අවශ්‍ය මුදල් නෝට්ටු හිඟයක් පැවතීමයි. නගරය තුල භාවිතා සඳහා දකුණු අප්‍රිකාවේ ස්ටෑන්ඩර්ඩ් බැංකුවේ අනුග්‍රහය ඇතිව දේශීයව මුද්‍රණය කරන ලද මුදල් නෝට්ටු නිකුත් කරන ලදී .
තැපැල් මුද්දර සඳහා වික්ටෝරියා රැජිනගේ රුව වෙනුවට අනදෙන නිලධාරී බේඩ්න් පවෙල්ගේ රුව සහිත මුද්දයක් හා මැෆ්කින් ශිෂ්‍යභටයන්ගේ සැරයන් වරයා වූ වෝනර් ගුඩ්ඉයර් බයිසිකලයක් සහිතව සිටින රුව ඇතුලත් මුද්දරයක් නිකුත් කරන ලදී. බ්‍රිතාන්‍ය තැපැල් මුද්දරයක් සඳහා රාජකීය නොවන අයකුගේ රුවක් භාවිතයට ගත් ප්‍රථම අවස්ථාව මෙය විය. ලාබාලම ශිෂ්‍යභටයා වූයේ ෆැන්කි බ්‍රවුන්.
1891 උපත ලැබූ ෆැන්කි බ්‍රවුන් මැෆ්කින් වටලෑමට පෙර ජොහැන්ස්බර්ග් අසල කෆ්‍රාරියා හි ජීවත් වූ අතර 1899 දී ආරක්ෂාව පිණිස මැෆ්කින් නගරය වෙත තම දෙමාපියන් සමඟ පැමිණි අතර ඔහු මැෆ්කින් ශිෂ්‍යභට කණ්ඩායමට එකතු වී තිබුනි. ඒ වන විට ඔහුගේ වයස අවුරුදු 8 කි. 1900 ජනවාරි 1 වනදා පුපුරා ගිය ෂෙල් වෙඩිල්ලක් ෆෑන්කිගේ කොඳුඇට පෙලට මාරාන්තික ලෙස තුවාල කළේය. සතියක කාලයක් දුක්විඳි ඔහුගේ කකුල්වල යම් සෙලවීමක් ලැබූවද ඔහුගේ තත්වය බරපතල එකක් විය. 1900 ජනවාරි 17 දින ඔහු මිය ගියේය.
බේඩ්න් පවෙල්ගේ දිනපොතේ "" බෝයි බ්‍රවුන් අද උදෑසන මැරුණා "" ලෙස සටහනක් තැබූ අතර මේ සිදුවීම ඉතා කණගාටුදායක සිදුවීම් වලින් එකක් ලෙස බේඩ්න් පවෙල් විසින් සඳහන් කරන ලදී.බීපී ෆැන්කි හැඳුන්වූයේ බෝයි බ්‍රවුන් ලෙසිනි. මෙහිදී කණගාටුව දනවන කරුණක් වන්නේ ෆැන්කි බ්‍රවුන් ශිෂ්‍යභටයකු ලෙස නිලධාරීන්ගේ නම් ලැයිස්තුවේ නාමිකව පමණක් සිටියෙකු බවය. ඔහුගේ නම ලේඛන ගත නොකර ඇත්තේ ඔහු වයස 11 ට වඩා අඩු වයසින් සිටීම හේතුවෙනි.
කෙසේ නමුත් ඉංග්‍රීසි සම්භාව්‍යයක් සහිත ෆැන්කි හට ශිෂ්‍යභට ක්‍රියාකාරකම් කිරීමට අවසරය ලබා දී තිබු අතර ඔහු මැෆ්කින් ශිෂ්‍යභට බලකායේ පණිවිඩ ඛණ්ඩයට අනුයුක්තව සිටියේය. ෆැන්කි බ්‍රවුන් වෙනුවෙන් ස්මාරකයක් මැෆ්කින් නගරය මුදාගැනීමෙන් පසු ඉඳිකළ අතර එය වර්ථමාන මැහිකේන් නගරයේ ඇත. මේ ලාබාලම ශිෂ්‍යභටයා මැෆ්කින් නිල් මුද්දරය නිසා ප්‍රසිද්ධියට පත් සැරයන් (පසුව සැරයන් මේජර්) වෝනර් ගුඩ්ඉයර්ගේ ප්‍රසිද්ධියටත් වඩා ඉක්ම ගියේය.
විශේෂ ස්තූතිය#KD
No comments:
Post a Comment