අධ්‍යක්ෂණය | ලක්ෂ්මන් පුෂ්පකුමාර
නිෂ්පාදනය | සරත් ගුණසේකර
මම මුලින්ම නිර්මාණය කළේ වටරවුම කියන වේදිකා නාට්‍යය. ඉන් පසුව මම ප්‍රසිද්ධ පාරක් නොවේ කියන වේදිකා නාට්‍යය වේදිකා ගත කළා. මම ඉන්පසුව නිර්මාණය කළ ‘ෂා’ කියන නාට්‍යය තමයි මහත් ආන්‍ෙදා්ලනාත්මක ලෙස කතාබහට ලක්වුණේ. එහි තිබෙන දේශපාලනය පිළිබඳව එකල විසල් විධියට බොහෝදෙනෙක් කතාබහ කළා. මේ නාට්‍යයෙන් පසුව මම රූපවාහිනිය පිළිබඳව හදාරන්න පටන් ගත්තා. ටෙලිනාට්‍ය කලාවට පිවිසෙන්නෙ ඉන්පසුව. මම සිනමාව පිළිබඳව හදාරන්න පටන් ගන්නෙ සහ මගේ දායකත්වය සිනමාවට ලබා දෙන්න ආරම්භ කරන්නෙ ඉන්පසුව. මේ දවස්වල මගේ කුලුඳුල් සිනමාපටය නිර්මාණය කිරීම වෙනුවෙන් මහන්සි වෙනවා. මම දැන් මගේ ටෙලිනාට්‍ය දිවියට මඳ විරාමයක් ලබා දී බලා සිටිනවා. නමුත් මම මගේ දායකත්වය හැකි සෑමවිටෙකම ලබා දෙන අතර මගේ සිනමාපටය වන මීදුම තරණය වෙනුවෙන් වැඩ කටයුතු කරගෙන යනවා.
මීදුම තරණය සිනමාපටය නිර්මාණය වෙන්නෙ කොහොම ද?
මෙම සිනමාපටය නිෂ්පාදනය කරන්නෙ සරත් ආර්. ගුණසේකර. මේ කතාව ගොඩනැඟෙන්නෙ බාලදක්ෂ ව්‍යාපාරය කේන්ද්‍ර කරගෙන. ලෝකයේ පවා බාලදක්ෂ ව්‍යාපාරය ඇසුරෙන් සිනමාපට නිර්මාණය වෙනවා ඉතා විරලයි. මම ජනාධිපති සම්මාන ලබපු බාලදක්ෂයෙක්. මට අවශ්‍ය වුණා මේ ළමයි කේන්ද්‍ර කරගෙන සිනමාපටයක් නිර්මාණය කරන්න. ඔවුන් ගැටලුවලට මුහුණදෙන ආකාරය ඒවා සමඟ තම වැඩ කටයුතු කරගෙන යන ආකාරය, මට සිනමාවට ගෙන ඒමට අවශ්‍ය වුණා. මෙහි තිරපිටපත රචනා කළේ සෙනලි ගයාරා, සෙනත් සවිරු නිසුමි සඳකිණි කියන දරුවන් තිදෙනා. . මෙම කතාවෙහි එන ළමයි ඉදල්ගස්හින්නෙන් බැහැලා ඔහිය හරහා ලෝකාන්තය බලන්න යන ගමනක කතාවක් තමයි මේ සිනමාපටයට පාදක වෙන්නෙ. මේ ළමයි දෘශ්‍යමාන සහ අදෘශ්‍යමාන බලවේගවලට මුහුණදෙන අයුරු සහ එම බාධක මඟහරින අයුරු තමයි මෙම කතාවෙ අන්තර්ගත වෙන්නෙ. මේ දරුවන්ට අද්භූත මායාකාරියක් මුණගැසෙනවා. ඇය මොවුන් සිර කරගෙන සිටිනවා. අවසානයේ මේ දරුවො මොන වගේ ඉරණමකට මුහුණ දෙයිද කියන චකිතය මුළු කතාව පුරාවටම තිබෙනවා. මේක තනිකරම බාලදක්ෂ ව්‍යාපාරය ඇසුරින් නිර්මාණය වුණු සිනමාපටයක්. මේක ආශ්වාදජනක සිනමාපටයක්.
නිර්මාණයට දායක වූ පිරිස් කවුරුන්ද?
නදීෂා හේමමාලි,මේ සිනමාපටය නිර්මාණය වෙන්නෙ කදුකර පෙදෙසක් කේන්ද්‍රගත කරගෙන. මෙවැනි පරිසරයක මෙය රූගත කරන්න බලපෑවේ කුමක්ද?
ලංකාවේ වෙනත් සිනමාපටයක නැති පරිසරයක් තෝරාගන්න තමයි මට වුවමනා වුණේ. ඉදල්ගස්හින්න කියන පෙදෙසෙන් ඇතුළට ගියහම හමුවන බඹරකන්ද දිය ඇල්ලෙත් මුදුන වන ලංකා ඇල්ල කියන කවුරුත් වැඩිය නොගිය තැනක් තමයි මම මේ නිර්මාණයට යොදා ගත්තෙ. මීදුම් තරණය චිත්‍රපටයේ රඟපෑම් කටයුතු අතරේදී අපි බඹරකන්දේ ඉහළටම ගියා. ඒ යන ගමනේදී ලෙස්සලා වැටුණු අවස්ථාවන් කවදාවත්ම අමතක වෙන්නේ නැහැ.
මේ පරිසරයෙදි සිනමාපටයේ කාර්ය මණ්ඩලය සහ කලාකරුවන් මුහුණ දුන් අභියෝග මොනවාද?
අපිට කිලෝමීටර් දෙක හමාරක් පමණ උඩට කඳු නඟින්න සිද්ධ වුණා. මම ළමයි හය දෙනෙක් සමඟ මේ දුෂ්කර කන්ද තරණය කළේ. ඊට සති දෙකකට කලින් ඒ රූගත කිරීම් කළ ස්ථානය සමීපයේ තරුණයෙක් මිය ගිහින් තිබුණා. මේක ඉතා සැලසුම් සහගතව කළ වැඩක්. මේ මහන්සිය නිසාම අපේ කාර්ය මණ්ඩලයේ බොහෝ දෙනෙක් අසනීප තත්ත්වයන්ටත් මුහුණ දුන්නා. අපි අශ්වයන් සමඟ රූගත කිරීම් සිදු කළා. පොලිස් අශ්වාරෝහක කොට්ඨාසයෙන් තමයි අපිට එම අශ්වයන් ලබාදුන්නෙ. මේ කටුක පරිසරය තුළ අශ්වයන් නොසන්සුන් වීම හේතුවෙන් අපි බේරුණේ අනූ නවයෙන්. අපි අධික ශීතලකට මුහුණ දුන්නා. තොල්වලින් ලේ එන තරමට මේ සීතල දරුණු වුණා. නමුත් අපි අවසානයේ මේ අභියෝග සියල්ල ජයගත්තා.
ඔබ ලංකාවෙ සිටින ප්‍රවීණ තිරපිටපත් රචකයෙක්. ඒ ගැන කතා කරමු?
තිරපිටපත කියන දෙය නිර්මාණයක ප්‍රධානම දෙය ලෙස පෙන්වා දෙන්න පුළුවන්. වේදිකාව කියන දෙය රංගන ශිල්පීන්ගේ කලාව. සිනමාව කියන දෙය අධ්‍යක්ෂවරයාගේ කලාව. ටෙලිනාට්‍ය කියන්නෙ තිරපිටපත් රචකයන්ගේ කලාව. ටෙලිනාට්‍ය කියන දෙය රඳා පවතින්නෙ තිරපිටපත් රචකයාට.
ඔබ ප්‍රවීණ ටෙලිනාට්‍ය අධ්‍යක්ෂවරයෙක් ලෙස ලාංකික ටෙලිවිෂන් කලාව පිළිබඳව දරන මතය කෙසේ ද?
මම ටෙලිනාට්‍ය හැටක පමණ ප්‍රමාණයකට දායක වෙලා තිබෙනවා. මම විශ්වාස කරන දෙයක් තමයි මම තමයි ලංකවේ වැඩිම එපිසෝඩ් ගණනක් රචනා කළ සහ අධ්‍යක්ෂණය කළ නිර්මාණකරුවා වෙන්නේ. මම මෙගා නාට්‍ය විශාල ප්‍රමාණයකට දායකත්වය සපයලා තිබෙනවා. මේ ටෙලිනාට්‍ය කලාවේ අවසන් කාලය. එය විශාල ගැටලු රැසකට මුහුණපා තිබෙනවා. ඒ නිර්මාණකරුවන්ගේ අඩුපාඩුවක් නිසා නෙවෙයි. පරිපාලනයේ සහ නාළිකාවල තිබෙන ආකල්ප ඉතා පසුගාමීයි. ඒ වගේම විෂමයි. ඔවුන්ට ඕන අම්මා තාත්තව හරි විකුණලා රේටින් ලබාගන්න. අද නාළිකා රේටින් ලබාගන්න ලිංගිකත්වය පවා හුවා දක්වන්න පෙලඹෙනවා.
ලාංකික කලාකරුවාගේ මහන්සියට නිසි ඇගයීමක් ලැබෙනවා ද?
කිසිම ඇගයීමක් ලැබෙන්නෙ නැහැ. නමුත් දේශපාලකයන්ට කඩේ යනවා නම් නිසි ඇගයීමක් ලැබෙනවා. කලාකරුවට සම්මාන උළෙලකදී පවා සාධාරණ විනිශ්චයක් ලැබෙන්නෙ නැහැ. මැරුණට පස්සෙ තමයි මල් වඩම හම්බ වෙන්නෙ. මම කියන්නෙ නැහැ කලාකරුවට ගෙවල් හදලා දෙන්න, පින් පඩි දෙන්න කියලා. කලාකරුවන්ගේ නිර්මාණ කරගෙන යන්න නිසි ක්‍රමවේදයක් හැදුවා නම් කලාකරුවා තමන්ගෙ දේවල් කරගෙන යයි.
ඉදිරි වැඩකටයුතු ගැන කතා කරනවා නම්?
මම මේ වනවිට ටෙලිනාට්‍ය දෙකක් නිර්මාණය කරලා තිබෙනවා. ඒවා ඉක්මනින්ම විකාශය කිරීමට බලාපොරොත්තු වෙනවා. ඉන් එකක් වර්තමාන දේශපාලනය සිදු කරන පුද්ගලයන්ගේ දිවිය සහ ඔවුන්ගේ අතීතය වටා නිර්මාණය වුණු කතාවක්. එහි නම ධවල රාක්ෂ. තව ගැමි තරුණයෙක් කේන්ද්‍ර කරගෙන නිර්මාණය වුණ කේශර කියලා ටෙලිනාට්‍යයක් විකාශය වීමට නියමිතයි. තව චරිත් අබේසිංහ කියන අධ්‍යක්ෂවරයාට සිනමාපටයකට තිරපිටපතක් රචනා කරලා අවසන් කළා. තවත් සිනමාපටයකට තිරපිටපතක් ලියමින් මේ දවස් ගෙවමින් සිටිනවා. එයත් ඉක්මනින්ම අවසන් වෙයි කියලා සිතනවා.
ශ්‍රී ලංකා බාලදක්ෂ සංගමය නියෝජනය කරමින් නියෝජ්‍ය ප්‍රධාන කොමසාරිස් එම්.එෆ්.එස්.මුහීඩ්, ජාතික වැඩසටහන් කොමසාරිස් සරත් මාතරආරච්චි සහ සහාය ප්‍රධාන කොමසාරිස් රුවන් ආරියරත්න යන කොමසාරිස් වරු සහභාගි වූහ. වැඩසටහන් කොමසාරිස්වරයා රැස්ව සිටි පිරිස අමතා බාලදක්ෂ ව්‍යාපාරය පිළිබඳ පැහැදිලි කිරීමක් සිදුකළ අතර බාලදක්ෂ වෙළෙඳ පොළට චිත්‍රපටයක් නිර්මාණය කිරීම අගය කළේය. ශ්‍රී ලංකා බාලදක්ෂ සංගමය වෙනුවෙන් නියෝජ්‍ය ප්‍රධාන කොමසාරිස් සහ ජාතික වැඩසටහන් කොමසාරිස් සහ නිෂ්පාදක සරත් ගුණසේකර විසින් නිල ගිවිසුම අත්සන් කරන ලදී. වක්‍ර ලෙස බාලදක්ෂ කටයුතු ප්‍රවර්ධනය හා සමාජගත කිරීමද මෙමඟින් සිදුවේ.
“Meeduma Tharanaya” The film to be produced to market scouting Directed by our own former President scout of LaSalle Open Scout Group of Mutwal, Colombo 15, Lakshman Pushpakumara who had risen to fame in the Teledrama field starting with his own Drama ” Wata Ravuma” as a scout. This film is produced by Sarath Gunasekera and directed by Lakshman Pushpakumara as his first film. The muhurath Mangalya was held today 3 August 2023 at Tharanganee, Film Corporation Studio in Colombo 7 at the auspicious hour of 9.15 a.m. in the midst of a large and distinguished gathering of artists in the Film and Drama field.
Officially Movie Title and The Cast has revealed on MUHURATH CEREMONY… Scouts face off with the Mysterious ADVENTURE.. From the Veteran Director Lakshman Pushpakumara. produced by Sarath R. Gunasekara..
The Sri Lanka Scout
Association was represented by Deputy Chief Commissioner M. F.S.Muheed,
National Program Commissioner Sarath Matararachchi, and Asst. Chief
Commissioner Ruwan Ariyaratne. Program Commissioner addressed the
gathering and gave references and details of the Scout Movement and
appreciated the making of a Film to market scouting. The official
Agreement was signed by the Deputy Chief Commissioner and National
Program Commissioner on behalf of the Sri Lanka Scout Association and
Sarath Gunasekera the Producer.
