කතා බහ
- බාලදක්ෂයින් ගැන කතා වෙන වැදගත් දේවල්
සමාජයට වැඩදායී සමාජයට පිළිලයක් නොවන සමාජයට ගරු කරන ඉතා යහපත් පුද්ගලයකු බිහි කිරීම බාලදක්ෂ ව්‍යාපාරයේ හොඳ මාර්ගය බව ප්රධාන බාලදක්ෂ කොමසාරිස් මහාචාර්ය නිමල් ද සිල්වා මහතා පැවසුවා. ඔහු මේ අදහස් පළ කළේ 2015 පෙබරවාරි මස 22 වනදාට යෙදී තිබූ 158 වන ලෝක බාලදක්ෂ දින සැමරුම් උත්සවයට සහභාගි වෙමින්. එහිදී වැඩිදුරටත් අදහස් දැක්වූ මහාචාර්යවරයා පැවසුවේ විභාග මූලික අධ්‍යාපන ක්‍රමයක් පවතින පාසල තුළ විභාගවලින් පිටස්තරව දරුවන්ට ලැබිය යුතු දැනුම, ප්‍රායෝගික දැනුම සහ සතුට මේ සියල්ලම ලබාගත හැකි එකම ක්‍රමය බාලදක්ෂ ව්‍යාපාරය බවයි.මහාචාර්ය නිමල් ද සිල්වා
ප්රධාන බාලදක්ෂ කොමසාරිස්
- 158 වැනි ලෝක බාලදක්ෂ දිනය
-----------------------------------------------------------------------------------
එම්. ඊ.එස් ජයසිංහ
හිටපු ජාතික පුහුණු කිරීමේ කොමසාරිස්
පළමු අදියර පුහුණු පාඨමාලාව
සුමේධ විද්‍යාලය, ගම්පහ දිස්ත්‍රික් දිසා බාලදක්ෂ සංගමය
-----------------------------------------------------------------------------------
ජාති, ආගම්, භාෂා කුල ආදී භේදයකින් තොරව සමස්ත ජනයා ශ්‍රේෂ්ඨ ලෙස සලකන බාලදක්ෂ ව්‍යාපාරය අප සියල්ලෝම ආදර්ශයට ගත යුතු යැයි අග්‍රාමාත්‍ය ආචාර්ය දි.මු. ජයරත්න මැතිතුමා පවසයි. සමස්ත මනුෂ්‍ය වර්ගයා වෙත ශ්‍රේෂ්ඨත්වයෙන් සලකන බාලදක්ෂ ව්‍යාපාරය, ලෝකය එක පවුලක් බවට පත් කරන බලවේගයක් බවට පත්ව ඇතැයි අග්‍රාමාත්‍යතුමා පැවසීය. මිනිසා උසස් මිනිසකු වශයෙන් ද, ඔහුගේ උසස් බව මිනිසාගේ යහපතට පරිවර්තනය කරන බාලදක්ෂ ව්‍යාපාරය තුළින් ගුණගරුක යහපත් සමාජයක් බිහි කිරීමේ හැකියාව පවතින බවද අග්‍රාමාත්‍යතුමා ප්‍රකාශ කළේය.
“මිනිසා උසස් මනුෂ්‍යයකු බවට පත් කර ගත හැකි වන්නේ මානසික දියුණුව ඇතිකර ගැනීම මගිනි. සිත පාලනය කිරීම සහ සිත මගින් ශරීරය පාලනය කර ගැනීම මගින් පුද්ගලයා ශ්‍රේෂ්ඨ මනුෂ්‍යයකු බවට පත්කර ගත හැකියි. නැත්නම් ඔහු උසස් මිනිසකු බවට පත්වන්නේ නැහැ.
නමුත් වර්තමාන සමාජයේ සිදුවන මිනී මැරුම්, සොරකම් කිරීම් ආදී විවිධ බාල ක්‍රියා සිදු වන්නේ මිනිසා තත්ත්වයෙන් පහළ අයුරින් හැසිරෙන නිසයි. එවැනි පහළ පන්තියේ ක්‍රියාවන් තුළින් පුද්ගල සමාජය විනාශය කරා යනවා. එසේ වුවද, පහළ පන්තියට ආදර්ශයක් ලබාදීමට උසස් ආදර්ශමත් ව්‍යාපාරයක් වන බාලදක්ෂ ව්‍යාපාරයට හැකියාව ලැබෙනවා.
අග්‍රාමාත්‍ය ආචාර්ය දි.මු. ජයරත්න
මහනුවර බාලදක්ෂ සංගමයේ ශත සංවත්සරය
- සමාරම්භක උත්සවය, 8වන කැන්බෝරිය සහ කැඩ්සා ශත සංවත්සර (KADSA)
පල්ලේකැලේ, එස්.ඩබ්ලිව්.ආර්.ඩී. බණ්ඩාරනායක විදුහල් ක්‍රීඩාංගණය
-----------------------------------------------------------------------------------
ආදරණීය දරුවනි, ජීවිතයේ ඕනෑ ම අභියෝගයක් ආවත් අපි එයට මුහුණ දෙන්න ඕනෑ. එතකොට තමයි අපට ජීවිතයේ දියුණු වෙන්න පුළුවන් වෙන්නේ. අද ඔබ සැමට ම බිය සැක නැතිව නිදහසේ ජීවත් වෙන්න පුළුවන්.
ආදරණීය බාලදක්ෂයිනි, ඔබ හැමෝ ම හොඳින් ඉගෙන ගන්න ඕනෑ. අනාගතයේ දී හොඳ නමක් ලබා ගන්න ඕනෑ. කීර්ති ප‍්‍රශංසා ලැබෙන විදියට ජීවත් වෙන්න ඕනෑ. හැමදෙනාගෙ ම ගෞරවයට ඔබ පාත‍්‍ර වෙන්න ඕනෑ.
මේ බාලදක්ෂ ජම්බෝරියේ ඉන්නවා වගේ හැමෝ ම සහෝදර ප්‍රරේමයෙන් ජීවත් වෙන්නට ඕනෑ. එක ම මවකගේ දරුවන් හැටියට ජීවත් වෙන්න ඕනෑ. ඒකයි මගේ ආශාව. උතුරු නැගෙනහිර පළාත් වල බාලදක්ෂයෝ දහස් සංඛ්‍යාත පිරිසක් සේවය කරනවා.
මම දන්නවා උතුරු නැගෙනහිර ත‍්‍රස්තවාදය තිබුණ කාලෙත් ඒ පළාත්වල හිටිය දරුවෝ බාලදක්ෂ ව්‍යාපාරයට බැඳුණා. අපි එක ම සහෝදරයෝ වගේ එකට ජීවත් වෙන්න ඕනෑ කියන අදහස මේ දරුවෝ තුළ තියෙනවා.
ආදරණීය දරුවනි, ඔබ හැමෝටම සුබ අනාගතයක් අනිවාර්යයෙන්ම උදා වෙනවා. ඒ පිළිබඳ ව මට ලොකු විශ්වාසයක් තියෙනවා.
දරුවනේ, ඔබ බාලදක්ෂයෙක් විදියට මේ රටේ ජනතාව ඉස්සරහා දෙන පොරොන්දුවේ තිබෙනවා "මගේ ආගම හා රට කෙරෙහි යුතුකම් ඉටු කිරීමට ද බාලදක්ෂ නීතියට කීකරු වීමට ද මාගේ අවංක විශ්වාසය උඩ සම්පූර්ණ උත්සහය යෙදීමට පොරොන්දු වෙමි" කියලා.
දරුවනේ, අපේ ජීවිතයේ කොටසක් තමයි රට සහ ආගම. අද ඔබට නිදහසේ ජීවත් වීමට නිදහස් රටක්, අපි උරුම කර දී තිබෙනවා. මේ නිදහස් රටට සහ අපගේ ආගමට අවංක ව ඔබ සේවය කරන්න ඕනෑ. ඒ වගේ ම මේ රටේ සංස්කෘතිය, සභ්‍යත්වය පිළිබද අවබෝධයක් ලබාගෙන එය ආරක්ෂා කරගෙන ඉදිරියට යන්න ඕන.
08 වැනි ජාතික බාලදක්ෂ ජම්බෝරියට සහභාගී වුණ සියලු ම බාලදක්ෂ දරුවන්ට මම කියන්නේ දරුවනේ ඔබ ලෝකයට වැඩකරන්න, නමුත් කිසි දවසක ලාභයක්, ප‍්‍රශංසාවක් බලාපොරොත්තු වෙන්න එපා. අද ඔබ කරන සේවයට කවුරු හෝ දොස් කිවුවත් අනාගතයේ ඔබ කළ සේවය අගය කරාවි. ඒ නිසා ඔබ කරන සේවය අවංක ව කරන්න හිතා ගන්න.
ඔබ සැමට සුබ අනාගතයක් !
මහින්ද රාජපක්ෂ
හිටපු ජනාධිපති, ප්රධාන බාලදක්ෂක
08 වන ජාතික බාලදක්ෂ ජම්බෝරිය
රන්න, අඟුණුකොළපැලැස්ස, එරමිණියාය කි‍්‍රඩාංගණයේ දී
-----------------------------------------------------------------------------------
"අද පවතින අධ්‍යාපන රටාව නිසා ගැහැණු ළමයෙකුට කුස්සියේ කෙරෙන වැඩ ගැන අවබෝධය අඩුයි. මෙවැනි කඳවුරකදී දරුවන්ට ඒ ගැනත් හොඳ අවබෝධයක් ලැබෙනවා. ගෙවල්වල මහත් පීඩනයකින් හිටපු ළමයි ජිවිතයෙන් වින්දනයක් ලබනවා. දරුවන්ට ළමාකම හඳුනා ගන්න මෙවැනි බාලිකා බාලදක්ෂ කඳවුරු මහත් පිටිවහලක්’’
එම් .කේ. සිරිවර්ධන
රත්නපුර දිසා බාලදක්ෂ කොමසාරිස්
බාලදක්ෂ බාලිකාවන්ගේ ප්‍රථම නේවාසික දිස්ත්‍රික් කඳවුර
කුරුවිට මධ්‍ය මහා විද්‍යාලය
-----------------------------------------------------------------------------------
පාසල් ශිෂ්‍යාවන් හා බාලදක්ෂ මානව මානවිකාවන් හැටියට කිසිම විටෙක තමුන්ගේ
දෙමාපියන්ට හෝ ගුරුවරුන්ට හැර වෙනත් කිසිම කෙනෙකුට තමුන්ගේ වන්දනීයත්වය
පිදිය යුතු නැහැ.මොන බලයක් තිබුනත් ඒ කිසිම කෙනෙක් ඉදිරියේ නැමිය යුතු
නැහැ.ඔවුන්ට වැද නමා අචාර කිරීමට පුරුදු වෙන්න එපා.ඒ අපි ඉගෙන ගත්ත පාඩම.අප
ඔබට දිය යුතු ආදර්ශය එයයි.”
නීතීඥය උපුල් ජයසූරිය
– මීගමු දිසා බාලදක්ෂ රැලියේ ආරම්භක උත්සවය
මීගමුව කටුවපිටිය සා.සෙබස්තියන් විද්‍යාල ක්‍රීඩාපිටියේදි
-----------------------------------------------------------------------------------
ඉතිහාසය පුරාවටම අධ්‍යාපනයට පමණක් නොව,
සමාජයීය සහ මානව සුබසාධනය වෙනුවෙන් ප්‍රායෝගිකව ක්‍රියාත්මක තාරුණ්‍යයේ ජවය
පිරි බාලදක්ෂ ව්‍යාපාරය, බලශක්ති සංරක්ෂණය සම්බන්ධව එක් එක් පුද්ගලයාට
සෘජුවම දැනුවත් කළ හැකි මාධ්‍යයක්. අද වනවිට වික්ටෝරියා ජලාශය ඉතා දුර්වල ජල
විදුලි උත්පාදනයක් දක්වා සීමාවෙද්දී, මහජන කැපවීම මත විදුලිය සංරක්ෂණයට
පෙළඹවීම හේතුවෙන් අඛණ්ඩ විදුලි සැපයුමක් තවදුරටත් පවත්වාගත හැකිවී තිඛෙනවා.
මෙය ඉදිරියටත් පවත්වාගැනීමට නම් අප මිනිසුන් මත විශ්වාසය තබා කටයුතු කළ
යුතුයි. සැවොම එක්වී තම තමන්ගේ යුතුකම බලශක්ති ක්ෂේත්‍රය වෙනුවෙන්
සිදුකරනවා නම් මෙම අභියෝගය ජයගැනීමට වැඩි අවස්ථාවක් පවතිනවා. විදුලිබල හා බලශක්ති අමාත්‍ය පාඨලී චම්පික රණවක
- පළමු බලශක්ති සංරක්ෂණ වැඩමුළුව
සමාරම්භක උත්සවය
බණ්ඩාරනායක සම්මන්ත්‍රණ ශාලාවේ මිහිලක මැදුර
-----------------------------------------------------------------------------------
එක එක පුද්ගලයාගේ රස වින්දනය වෙනස්. ඒ නිසා අපට ඒ ඒ අයගේ රස වින්දනයට සීමා දාන්න බැහැ. කලින් කලට පුද්ගලයාගේ වගේම සමාජයේ රස වින්දනය වෙනස් වෙනවා. එක කාලයකදී ප්‍රිය කරන දේවලට වඩා ප්‍රමුඛව වෙනත් දෙයක් තව කාලයකදී හදවත් තුළට එන්න පුළුවන්. මට ඉතිං හොඳ ඔපවත් කටහඬක් නෑනේ. ඒ නිසා ඔය ට්‍රිප් එකකදි, බාලදක්ෂ ජම්බෝරියක දි වගේ ඇරුණාම තනිවම සින්දු කියන්න ගියේ නෑ. සිංහල සංගමයේ නාට්‍යයක වතු කම්කරුවකුගේ පොඩි චරිතයක් කළා. එකේ වර්ජනයක ගීතමය ආකාරයට පිරිමි කියනවා 'අපි පොල් කඩන්නේ නෑ', එතකොට ගැහැනු කියනවා 'අපි ලෙලි තලන්නේ නෑ' ආදී වශයෙන්. ඒ තමයි රඟපෑම.
නිමල් සිරිපාල ද සිල්වා
හිටපු වාරි මාර්ග හා ජල සම්පත් කළමනාකරණ අමාත්‍ය
ශ්‍රී ලංකා නිදහස් පක්ෂ‍යේ ජ්‍යෙෂ්ඨ උප සභාපති
-----------------------------------------------------------------------------------
අධිරාජයවාදීන් විසින් මෙරටට මොන දේ සිදුකලත් මෙහෙට ගෙන අාපු වැදගත් ම දෙයක් තමා බාලදක්ෂ වයාපාරය. බදුල්ල ධර්මදූත විද්‍යාලයේ බාලදක්ෂයෙක් වශයෙන් කටයුතු කළ අවධියෙදි මට මතකයි නුමුණුකුල, පිදුරුතලාගල කන්ද නැග්ගා. බාලදක්ෂ වැඩසතියට සහභාගි වුනා. හොද අත්දැකීම් රාෂියක් තියෙනවා. කොළඹ බාලදක්ෂ ජම්බොරියට ගියා. අපේ ජීවිතය බොහෝ දුරට සකස්කරගැනීමට බාලදක්ෂ වයාපාරය අපට උදව් උනා. බාලදක්ෂ වයාපාරයකියන්නේ ජීවිතය ස්ව ශක්තියෙන් ගොඩනන්වා ගැනීම. අනුන්ට උපකාර කිරීම, සානුකම්පිත බාවය, හදවතේ තෙතමනය, බාලදක්ෂ වයාපාරයේ මූලික අරමුණ වෙන්නෙ. තමන් වෙනුවෙන් නොවේ අනුන් වෙනුවෙන් කටයුතු කරන්න ඉගෙන ගන්න ඔන. කවද හරි හොද බාලදක්ෂයෙක් වෙලා හිටියනම් ඔහු කවද හරි හොද දේශපාලනඥයෙන් වෙන්න ලේසියි. පචන්ඩත්වය කිසිවිටෙකත් බාලදක්ෂයො ගාව නෑ. නිමල් සිරිපාල ද සිල්වා
හිටපු වාරි මාර්ග හා ජල සම්පත් කළමනාකරණ අමාත්‍ය
ශ්‍රී ලංකා නිදහස් පක්ෂ‍යේ ජ්‍යෙෂ්ඨ උප සභාපති
බදුල්ල ධර්මදූත විද්‍යාලයේ බාලදක්ෂ උත්සවය
- 2013-02-17
-----------------------------------------------------------------------------------
- See more at:
http://vinodaya.com/%E0%B6%B8%E0%B7%8F%E0%B6%B1%E0%B7%80-%E0%B7%84%E0%B7%92%E0%B6%AD%E0%B7%80%E0%B7%8F%E0%B6%AF%E0%B7%93-%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A-%E0%B6%9C%E0%B7%9C%E0%B6%A9%E0%B6%B1/#sthash.rdnSUBvm.dpuf
මානව හිතවාදී දේශයක් ගොඩනැගීමේ ජාතික වගකීම බාලදක්ෂයන්ට පැවරෙනවා – ඇමැති බන්දුල ගුණවර්ධන
පාසල් අතිරේක ක්‍රියාකාරකම් අතර වඩාත් විනයගරුක, වඩාත්ම අභියෝගාත්මක හා වඩාත්ම සමාජශීලී දරුවන් හදන ව්‍යාපාරය බවට පත්ව ඇත්තේ බාලදක්ෂ ව්‍යාපාරයැයි අධ්‍යාපන අමාත්‍ය බන්දුල ගුණවර්ධන මහතා ප්‍රකාශ කළේය.
මානව
හිතවාදී දේශයක් ගොඩනැගීමේ ජාතික වගකීම බාලදක්ෂයන්ට පැවරෙනවා – ඇමැති
බන්දුල ගුණවර්ධන - See more at:
http://vinodaya.com/%E0%B6%B8%E0%B7%8F%E0%B6%B1%E0%B7%80-%E0%B7%84%E0%B7%92%E0%B6%AD%E0%B7%80%E0%B7%8F%E0%B6%AF%E0%B7%93-%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A-%E0%B6%9C%E0%B7%9C%E0%B6%A9%E0%B6%B1/#sthash.rdnSUBvm.dpuf
මානව
හිතවාදී දේශයක් ගොඩනැගීමේ ජාතික වගකීම බාලදක්ෂයන්ට පැවරෙනවා – ඇමැති
බන්දුල ගුණවර්ධන - See more at:
http://vinodaya.com/%E0%B6%B8%E0%B7%8F%E0%B6%B1%E0%B7%80-%E0%B7%84%E0%B7%92%E0%B6%AD%E0%B7%80%E0%B7%8F%E0%B6%AF%E0%B7%93-%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A-%E0%B6%9C%E0%B7%9C%E0%B6%A9%E0%B6%B1/#sthash.rdnSUBvm.dpuf
මානව
හිතවාදී දේශයක් ගොඩනැගීමේ ජාතික වගකීම බාලදක්ෂයන්ට පැවරෙනවා – ඇමැති
බන්දුල ගුණවර්ධන - See more at:
http://vinodaya.com/%E0%B6%B8%E0%B7%8F%E0%B6%B1%E0%B7%80-%E0%B7%84%E0%B7%92%E0%B6%AD%E0%B7%80%E0%B7%8F%E0%B6%AF%E0%B7%93-%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A-%E0%B6%9C%E0%B7%9C%E0%B6%A9%E0%B6%B1/#sthash.rdnSUBvm.dpuf
මානව
හිතවාදී දේශයක් ගොඩනැගීමේ ජාතික වගකීම බාලදක්ෂයන්ට පැවරෙනවා. පාසල්
අතිරේක ක්‍රියාකාරකම් අතර වඩාත් විනයගරුක,
වඩාත්ම අභියෝගාත්මක හා වඩාත්ම සමාජශීලී දරුවන් හදන ව්‍යාපාරය බවට පත්ව ඇත්තේ බාලදක්ෂ ව්‍යාපාරයැයි අධ්‍යාපන අමාත්‍ය බන්දුල ගුණවර්ධන මහතා ප්‍රකාශ
කළේය. ලෝකය පුරා විවිධ දක්ෂතා,
කුසලතා හා නිර්මාණාත්මක හැකියාවන් සහිත
දරුවන් ජාතියක්
ගොඩනැගීම සඳහා දායක වන කර්තව්‍යයේදී
බාලදක්ෂ ව්‍යාපාරය ඉමහත් පිටුවහලක් වෙනවා.
පරහිතකාමී, අභියෝගාත්මක කාර්යන් භාරගන්නට සිත් තුළ කැමැත්තක් ඇති දරුවන්ගෙන් ගොඩනැගී ඇති බාලදක්ෂ ව්‍යාපාරයටයි ඔබ සම්බන්ධ වී
සිටින්නේ. පාසල් කාලය තුළදී තමන්ගේ දෙමාපියන්ගේ
අතැඟිලිවල එල්ලීගෙන ඇවිත් ගුරුවරුන්ට භාරදෙන්නේ
ඔවුන්ගේ ජීවිතයට සවියක් එකතුකිරීම සඳහායි. එහි
ප්‍රාථමික, ද්විතීක අධ්‍යාපනය ලබාදෙන්නේ පාසල තුළදීයි. පාස‍ලේ පෙළ‍පොතේ විෂය නිර්දේශයේ ක්‍රියාකාරකම්වලට අතිරේකව බාලදක්ෂ ව්‍යාපාරය, ක්‍රීඩා, සෞන්දර්ය
හා වෙනත් වැඩසටහන් රාශියක් සඳහා විවිධ අවස්ථාවන් දරුවන් වෙනුවෙන් පාසල් තුළ නිර්මාණය කර තිබෙනවා. ඒ නිර්මාණය කර තිබෙන
අවස්ථාවලින් වඩාත්ම විනයගරුක වඩාත්ම අභියෝගාත්මක, වඩාත්ම
සමාජශීලී දරුවන් හදන ව්‍යාපාරය
බවට බාලදක්ෂ ව්‍යාපාරය පත්වී තිබෙනවා. ඔබ
හැදූ වැඩූ දරුවන්ට ගෞරවයක් ගෙනදීම සඳහාත්,
ඉගෙනගත් පාසලට අභිමානයක් ලබාදීම සඳහාත්,
මව්බිමට ආඩම්බරයක් ගෙන ඒම සඳහාත් සිසු
කාලය තුළ විවිධ
ක්‍රියාකාරකම්වල නිරතවී ඔබට අවුරුදු 18
ට පෙර ලැබිය හැකි උතුම්ම පදක්කම වන ජනාධිපති පදක්කම අද ලබාගැනීමට හැකිවීම ඔබ ඔබේ ජීවිතයේ ලැබූ
ජයග්‍රහණයක් වෙනවා.
ලෝකය පුරා විවිධ දක්ෂතා, කුසලතා හා නිර්මාණාත්මක හැකියාවන් සහිත දරුවන් ජාතියක් ගොඩනැගීම සඳහා දායක වන කර්තව්‍යයේදී බාලදක්ෂ ව්‍යාපාරය ඉමහත් පිටුවහලක් වෙනවා. පරහිතකාමී, අභියෝගාත්මක කාර්යන් භාරගන්නට සිත් තුළ කැමැත්තක් ඇති දරුවන්ගෙන් ගොඩනැගී ඇති බාලදක්ෂ ව්‍යාපාරයටයි ඔබ සම්බන්ධ වී සිටින්නේ. පාසල් කාලය තුළදී තමන්ගේ දෙමාපියන්ගේ අතැඟිලිවල එල්ලීගෙන ඇවිත් ගුරුවරුන්ට භාරදෙන්නේ ඔවුන්ගේ ජීවිතයට සවියක් එකතුකිරීම සඳහායි.
එහි ප්‍රාථමික, ද්විතීක අධ්‍යාපනය ලබාදෙන්නේ පාසල තුළදීයි. පාස‍ලේ පෙළ‍පොතේ විෂය නිර්දේශයේ ක්‍රියාකාරකම්වලට අතිරේකව බාලදක්ෂ ව්‍යාපාරය, ක්‍රීඩා, සෞන්දර්ය හා වෙනත් වැඩසටහන් රාශියක් සඳහා විවිධ අවස්ථාවන් දරුවන් වෙනුවෙන් පාසල් තුළ නිර්මාණය කර තිබෙනවා. ඒ නිර්මාණය කර තිබෙන අවස්ථාවලින් වඩාත්ම විනයගරුක වඩාත්ම අභියෝගාත්මක, වඩාත්ම සමාජශීලී දරුවන් හදන ව්‍යාපාරය බවට බාලදක්ෂ ව්‍යාපාරය පත්වී තිබෙනවා.
ඔබ හැදූ වැඩූ දරුවන්ට ගෞරවයක් ගෙනදීම සඳහාත්, ඉගෙනගත් පාසලට අභිමානයක් ලබාදීම සඳහාත්, මව්බිමට ආඩම්බරයක් ගෙන ඒම සඳහාත් සිසු කාලය තුළ විවිධ ක්‍රියාකාරකම්වල නිරතවී ඔබට අවුරුදු 18 ට පෙර ලැබිය හැකි උතුම්ම පදක්කම වන ජනාධිපති පදක්කම අද ලබාගැනීමට හැකිවීම ඔබ ඔබේ ජීවිතයේ ලැබූ ජයග්‍රහණයක් වෙනවා.
- See more at: http://vinodaya.com/%E0%B6%B8%E0%B7%8F%E0%B6%B1%E0%B7%80-%E0%B7%84%E0%B7%92%E0%B6%AD%E0%B7%80%E0%B7%8F%E0%B6%AF%E0%B7%93-%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A-%E0%B6%9C%E0%B7%9C%E0%B6%A9%E0%B6%B1/#sthash.rdnSUBvm.dpuf
හිටපු අධ්‍යාපන අමාත්‍ය
ජනාධිපති බාලදක්ෂ පදක්කම් ප්‍රදානෝත්සව සමාරම්භක උත්සවය බණ්ඩාරනායක සම්මන්ත්‍රණ ශාලාවේ දී
-----------------------------------------------------------------------------------
එල්මෝ රොයෙල්
මීගමුව දිසා බාලදක්ෂ
කොමසාරිස්
අංක 86, මඩම පාර, මීගමුව.
අංක 86, මඩම පාර, මීගමුව.
-----------------------------------------------------------------------------------
"සමාජයට අහිතකර බලපෑමක් ඇති වන්නේ පුද්ගලයා අවංක වන විට නොව ඔහු වංක වන විටය. රටට අහිතකර බලපෑමක් ඇති වන්නේ පුද්ගලයා වැඩ කරන විට නොව ඔහු නිකරුණේ කල ගත කරන විට පමණි" යන්න එතුමාගේ එක් ආදර්ශ පාඨයක් විය. මේනිසා එතුමාගේ දිවිය පුරා සිය රට, ආගම හා ජාතිය වෙනුවෙන් වර්ගභේදවාදයකින් තොරව සේවය කිරීම අතීතාවලෝක‍නයේ යෙදීමේදී හමුවන කරුණකි.
"මම දැන් නිදහස්‌ය. ඔබ කොතරම් පොහොසත් ද යන්න වැදගත් දෙයක් නොවේ. ඒවා සියල්ල ඔබ මුලා කරන සුළුය. කිසිදු ධනයක්‌ නොමැතිව මම ඉපදුණෙමි. කිසිදු ධනයක්‌ නොමැතිව මම මිය යන්නෙමි. මගේ සැනසුම ද සතුටද, ශක්‌තිය ද වන්නේ බුද්ධ ධර්මයයි." කළුතර පුදබිම භෞතිකව නැසීගියත් එය මනුශ්‍ය සන්තානයේ නොනැසී තිබෙනාතුරාවට ශ්‍රීමත් සිරිල් ද සොයිසා නාමයත් සදා නොනැසී පවතිනු ඇත.
ශ්‍රීමත් සිරිල්ගේ නම මූලික වශයෙන් ම කළුතර බෝධිය හා සම්බන්ධ වුවත් බෞද්ධාගමේ තිර පැවැත්ම උදෙසා එතුමාගෙන් ඉටු වූ සේවය බොහෝ අංශවල පැතිරුණු ප්‍රබල එකක් විය. බාලදක්ෂ ව්‍යාපාරය, ජාතික ක්‌ෂය රෝග මර්දන ව්‍යාපාරය වැනි ජාතික සංවිධාන රාශියක් සදහා ශ්‍රීමත් සිරිල් ද සොයිසා ගෙන් ලැබුණු සේවය සහ අනුග්‍රහය අතිමහත්ය. එතුමාගේ මෙම වැදගත් සමාජ මෙහෙවර අගය කිරීමක්‌ වශයෙන් එංගලන්ත රජය මගින් නයිට්‌ නාමයක්‌ ප්‍රදානය කරන ලදී. එම අභිධානයත් සමග නීතිඥ සිරිල් ද සොයිසා, ශ්‍රීමත් සිරිල් ද සොයිසා නමින් පතළ විය.
ශ්‍රීමත් සිරිල් ද සොයිසා
-----------------------------------------------------------------------------------
රටක අනාගතය කෙබඳුදැයි තීරණය කළ හැක්කේ එම රටේ දරුවන් දෙස බැලීමෙන් බවත් දරුවන් සතුටින් නම් ඔවුන් විනයගරුක නම්, දක්ෂ නම් එම රටේ අනාගතය අනිවාර්යයෙන් ම සුබ දායක වෙනවා.
මේ රටේ ප්රධාන බාලදක්ෂයා විදියට අද මේ පවත්වන අට වැනි ජාතික ජම්බෝරියට මම සහභාගී වෙන්නේ බොහෝ ම සතුටින්. සම්මාන දෙන්න වගේ ම ජම්බෝරි පැවැත්වෙන අවස්ථාවලට සහභාගී වෙලා ඉන්න මේ සමහර බාලදක්ෂයින්ගේ මුහුණු මට හොඳට මතකයි. මේ දරුවන්ගේ මුහුණු දැක්කම මේ රට පිළිබඳ විශාල බලාපොරොත්තු අපට ඇති වෙනවා.
රටක අනාගතය කොයි වගේද කියලා තීරණය කරන්න නම් ඒ රටේ දරුවන්ගේ මුහුණු බලන්න ඕනෑ කියලා කියමනක් තියෙනවා. දරුවෝ සතුටින් නම් ඔවුන් විනය ගරුක නම් දක්ෂකම් උගත්කම් තියෙනවා නම් ඒ රටේ අනාගතය සුබදායකයි. ඒ නිසා අපි විශාල බලාපොරොත්තු තියලා තියනවා මේ දරු පරපුර විනයගරුක දරු පරපුරක් බවට පත් කරන්න මේ බාලදක්ෂ ව්‍යාපාරය තුළින් හැකිවනු ඇතැයි කියලා. එය සිදුකරන්න ඔවුන් කැපවෙලා තියෙනවා.
මේ බාලදක්ෂ ව්‍යාපාරය ආරම්භ කරලා 2012 වසරට වසර සියයක් සම්පූර්ණ වෙනවා. නමුත් බාලදක්ෂ ව්‍යාපාරය ආරම්භ කළේ විසි දෙනෙකුගෙන්. අද වෙනකොට මේ බාලදක්ෂ ව්‍යාපාරයේ සාමාජික සංඛ්‍යාව 48,000 ක් ඉන්නවා. මෙතනදි මම සතුටු වෙන එක කාරණයක් තියෙනවා.
බාලදක්ෂයින්ට ඔවුන්ගේ වැඩකටයුතුවලට කාගේවත් චෝදනාවක් එල්ල වෙලා නැහැ. චෝදනා එල්ල වෙන විදියට මේ දරුවෝ තමන්ගේ සේවය සපයලා නැහැ. මට මතකයි 1978 මහා සුළි සුළඟ ආ කාලය. එදා හිටපු බාලදක්ෂයෝ විපතට පත්වුණ ජනතාවට දැවැන්ත සේවයක් කළා.
ඒ වගේ ම අපට මතකයි මේ රට සුනාමි ව්‍යවසනයට ගොදුරු වුණු අවස්ථාවේ පීඩාවට පත්වෙච්ච අසරණ ජනතාව වෙනුවෙන් මේ දරුවෝ කොතරම් සේවය කළා ද කියලා. බාලදක්ෂයෝ සේවය කරන කොට කවදාවත් බාල, මහළු, වැඩිහිටි, දුප්පත්, පොහොසත්, උස්, මිටිකම් බැලුවේ නැහැ. ජාතියක් හැටියට අපට ඉතා ඉක්මණින් නැගිටින්න හැකි වුණෙත් ඒ නිසයි.
අදත් උතුරු නැගෙනහිර පළාත්වල බාලදක්ෂයෝ දහස් ගණනක් විපතට පත් ජනතාවට සේවය කරනවා. ඒ නිසා මේ ව්‍යාපාරයෙන් ජාතීන් අතර සමඟියටත් විශාල සහයෝගයක් ලැබෙන බව මම කියන්න ඕනෑ.
අද බාලදක්ෂ ව්‍යාපාරය නායකත්වයට ඔබව හුරුපුරුදු කරනවා. නායකයා කියන්නේ තමන්ගේ ප‍්‍රජාවට වැඩිපුරම ආදරය කරන කෙනා. තමන්ගේ ප‍්‍රජාව වෙනුවෙන් වැඩිපුරම කැපවීම් කරන තැනැත්තාට තමයි නායකත්වය ලැබෙන්නේ. ඒ කැපවීම් පුරුදු පුහුණු වෙන්න ඕනැත් බාල කාලයේදීමයි.
"වතාවක් බාලදක්ෂයෙකු වූ කෙනෙක් මුළු ජීවිත කාලය පුරාම බලාදක්ෂයෙකු වේ" කියලා බාලදක්ෂ ව්‍යාපාරයේ ප‍්‍රකාශයක් තියෙනවා. එහෙම කියන්න හේතුව තමයි අපි කුඩා කාලයේ හොඳ දේවල් ප‍්‍රගුණ කළොත් ඒවා අපේ මුළු ජීවිත කාලය පුරාම රැඳිලා තිබිම.
ඔබ හැම දෙනාව ම දකිනකොට මට ලොකු සතුටක් ඇති වෙනවා. බාලදක්ෂ ව්‍යාපාරය ආරම්භ කළේ බේඩන් පවල් සාමිවරයා. මේ බාලදක්ෂ ව්‍යාපාරය ඉතාමත් ම හොඳ සංවිධානයක්.
එහි දී තව දුරටත් අදහස් දැක්වූ ජනාධිපතිතුමා වැඩිදුරටත් සඳහන් කළේ අපගේ බාලදක්ෂ ව්‍යාපාරය රටට ඉටුකරන සමාජ මෙහෙවර ඉතා අගනා බවයි. අද සියලුදෙනාට ජීවත්වීමට නිදහස් රටක් තිබෙනවා. එම නිදහස් රටට සහ ආගමට අවංක ව සේවය කිරීමට බාලදක්ෂයින් කැප වෙනු ඇති බවට ද ජනාධිපතිතුමා මෙහිදි විශ්වාසය පළ කළේය. රට ජාතිය වෙනුවෙන් කැපවීම් කිරීමට කුඩා කළ සිට දරුවන් පුරුදු පුහුණු කළ යුතු බවද මෙහිදි පැවසු ජනාධිපතිතුමා ඒ වෙනුවෙන් බාලදක්ෂ ව්‍යාපාරයෙන් වැදගත් මෙහෙවරක් ඉටුවන බවද පෙන්වා දුන්නේ ය.
මහින්ද රාජපක්ෂ
හිටපු ජනාධිපති, ප්රධාන බාලදක්ෂක
08 වන ජාතික බාලදක්ෂ ජම්බෝරිය
රන්න, අඟුණුකොළපැලැස්ස, එරමිණියාය කි‍්‍රඩාංගණයේ දී
-----------------------------------------------------------------------------------
සමහර මානව හිමිකම් සාමාජිකයෝ ජාති ද්‍රෝහීහු වුණු අවස්ථා ඕනෑතරම් තියෙනවා යැයි ජනාධිපති මහින්ද රාජපක්ෂ මහතා මහනුවර බෝගම්බරදී පැවැසීය.
ජනාධිපතිතුමා එසේ පැවැසුවේ මහනුවර ධර්මරාජ විද්‍යාලයීය 'රිස්ගෝ' ජාත්‍යන්තර බාලදක්ෂ එකමුතුවේ සමාප්ති උළෙලේ ශ්‍රී ලංකාවේ ප්රධාන බාල දක්‍ෂයා ලෙස සහභාගි වෙමිනි.ජනාධිපතිවරයා මෙසේද පැවැසීය.
මානව හිමිකම් සංවිධානයක ක්‍රියාකාරී සාමාජිකයකු වුණු පළියට ඔහු මානව හිතවාදියකු වන්නේ නැහැ. රටට හිතවත් පුරවැසියකු බිහිවන්නේ මානව දයාව තුළින්. බාලදක්ෂ ව්‍යාපාරයේ ගුණාංග අකුරට රකින බාලදක්‍ෂයකුට ඔය කියන මානව හිතවාදියකුට වඩා හොඳ රටට හිතවත් මානව හිතවාදියෙක් වෙන්න ලේසියි.
විවිධ ජාතීන් විවිධ රටවල් නියෝජනය කරමින් පන්දහසකට අධික බාලදක්ෂ දක්‍ෂිකාවන් සහභාගි වන මේ එකමුතුවට මා සහභාගි වන්නේ මේ රටේ ප්රධාන බාලදක්ෂයා හැටියට අපරිමිත සතුටකින්.
මිනිස්සුන්ට බොහෝ වෙලාවට බැරිම දේ තමයි එකතු වෙලා වැඩකිරීම. නමුත් ඒ සඳහා අවස්ථාවක් ලබා දෙන සංවිධානාත්මක එකමුතුව තමා බාලදක්ෂ ව්‍යාපාරය.ඒ තුළින් - යම් පුද්ගලයකුට පුළුවන් වෙනවා තමන් උපන් - රටට - ආගමට සේවයක් කරන්න. බාලදක්ෂයා කියන්නේ පරාර්ථකාමී අයෙක්. ඔහු අභිමානයකින් - මනා පෞරුෂයකින් ලෝකයාට උදව් කරන්නෙක්. මෙහෙම අය රටකට අවශ්‍යයි.
ලෝකය - විචිත්‍රයි. ඒ විචිත්‍ර බව හඳුනාගනිමින් ලෝකයේ කොහේ හිටියත් මොන කඳවුරේ හිටියත් අපේ රටට ගෞරවයක් ලෙස අපි ජීවත්විය යුතුයි. අපේ රටේ උතුම් සදාචාරයට අපි ගරු කළ යුතුයි. ඒ වගේම අපේ උපන් රට අමතක කරන්නත් නරකයි. රටින් අපට ලැබෙන්නෙ මොනවද කියනවාට වඩා - අපි රටට ලබාදෙන්නේ කුමක්ද යන්න පිළිබඳ අපි සිතිය යුතු වෙනවා.
බාලදක්ෂ ව්‍යාපාරයේදී කියනවා වගේ - එහි පොරොන්දුවේදී සඳහන් කෙරෙනවා වගේ සූදානමින් - තමන්ගේ උපන් රටට යමකු සේවයක් කළ යුතුයි. ටිබෙට් ජාතික එස්. මහින්ද හිමියන් තම අදහස් ගායනා තුළින් මේ රටේ මිනිස්සුන්ට කියා දෙන්න උත්සාහ කළෙත් සාරධර්ම රැක ගන්නා ඒ පණිවුඩයයි.
මහින්ද රාජපක්ෂ
හිටපු ජනාධිපති, ප්රධාන බාලදක්ෂක
රිස්ගෝ බාලදක්ෂ ජම්බෝරිෙය් විසිරයෑමේ උත්සවය
මහනුවර ධර්මරාජයේ බාලදක්ෂයන් ගේ සියවස් සමරුව
-----------------------------------------------------------------------------------
මට වයස හතක්
විතර වෙනකොට බාලදක්ෂ ව්‍යාපාරය ලෝකෙ හුඟක් රටවල ව්‍යාප්ත වෙලා තිබුණා. ඒක
1908දී පටන් අරගෙන තිබුණේ රොබට් බේඩ්න් පවෙල් කියන බ්‍රිතාන්‍ය හමුදාවේ
ලුතිනන් ජෙනරාල්වරයායි. 1916දී මගේ වයසේ හිටපු පිරිමි ළමයින්ටත් බැඳෙන්න
පුළුවන් බාලදක්ෂ ව්‍යාපාරයටම අයිති තවත් කාණ්ඩයක් පටන්ගත්තා. මම බැඳුණේ
පෝතක බාලදක්ෂ කියන ඒ කාණ්ඩයටයි.
සති අන්තවල ගම්බද පළාත්වලට ගිහින්
කූඩාරම් ගහගෙන රෑ ගත කරලා, නිල ඇඳුම් ඇඳලා, ආචාර පෙළපාළිවල ගමන් කරලා මං
ලොකු සතුටක් ලැබුවා. ඉර බැහැගෙන යද්දී ගිනිමැලයක් වටේ ඉඳගෙන යාළුවෝ එක්ක
සිංදු කියලා, කැලෑවල සෙල්ලම් කරලා මං හුඟක් සතුටු වුණා. ඒ අතරේ පරිසරය
ගැනත් මං ඉගෙනගත්තා. අපේ දෙවි නිර්මාණය කරපු දේවල් ගැන මගේ හිතේ ලොකු අගයක්
ඇති වෙන්න පටන්ගත්තෙත් ඔය කාලෙදීම තමයි.
බාලදක්ෂයන්ට උනන්දු කරන්නේ හැම
දවසකම අනිත් අයට උදව්වක් වෙන දෙයක් කරන්න කියලයි. ඒක තමයි අපේ ආදර්ශ පාඨය
වුණෙත්. අපි එකිනෙකාට ආචාර කළේ “හැම වෙලාවෙම සූදානමින් ඉන්න” කියන
වචනවලින්. ඒකට මං හුඟක් කැමතියි. පිරිමි ළමයි සීයකටත් වඩා හිටපු අපේ
කණ්ඩායමේ භාගයක්ම කතෝලික. ඉතුරු භාගේ රෙපරමාදු. එක් කෙනෙක් බෞද්ධ.
1920 ඉඳන් බාලදක්ෂ ව්‍යාපාරය
අවුරුදු කීපයකට සැරයක් ජාත්‍යන්තර සම්මේලනයක් පවත්වනවා. 1951 අගෝස්තු මාසේ
ඔස්ට්‍රියාවේ පවත්වපු 7වෙනි සම්මේලනයටත් 1957 අගෝස්තු මාසේ එංගලන්තයේ
පවත්වපු 9වෙනි සම්මේලනයටත් මං සහභාගි වුණා. එංගලන්තයේ පවත්වපු ඒ සම්මේලනයට
රටවල් සහ ප්‍රදේශ 85කින් බාලදක්ෂයන් 33,000ක් විතර ඇවිත් හිටියා. ඒක බලන්න
ආපු 7,50,000ක විතර සෙනඟ අතරේ එලිසබෙත් රැජිනත් හිටියා. ඒ දවස්වල මට දැනුණේ
ලෝකෙ පුරාම ඉන්න එකම සහෝදර කැලක් එක්ක ඉන්නවා වගේ හැඟීමක්. ඒත් ඊට වඩා
දහස් ගුණයකින් එකට බැඳුණු පවුලක සාමාජිකයෙක් වෙන්න මට අවස්ථාව ලැබෙනවා
කියලා මම ඒ කාලේ දැනගෙන හිටියේ නැහැ.
ගෙරිට් ලෝෂ්
2014 මුරටැඹ
-----------------------------------------------------------------------------------
පාස‍ලේ බාලදක්ෂ කණ්ඩායමේ හිටපු කාලෙදි අපිට සිද්ධ වුණා නාට්‍යයක් කරන්න. මම මේ නාට්‍යය කරද්දි මට සිදු වුණා ඒ හැම නාට්‍යයක් ම අධ්‍යනය කරල අංග රචනය කරන්න. අංග රචනය පිළිබඳ පළමු අත්දැකීම එය යි. මනමේ, හුණුටයේ කතාව, මුදු පුත්තු, නරි බෑනා, කෝලම් නාට්‍යය, කු‍වේණි වගේ
පැරණි නාට්‍යය එකතුවකින් සුසැදි නාට්‍යයක්විදියට. නම දැම්මෙ ‘‘නාට්‍යය
ඉතිහාසය’’ කියල. පාසල් බාලදක්ෂ ව්‍යාපාරය විසින් නිෂ්පාදනය කළ මේ නාට්‍යය
ලංකාවේ පළමු ස්ථානයට තේරුණා.’’ පස්සෙ කාලෙක මම 1983 චිත්‍රපටයක් කරන්න සැලසුම් කළා. ඒ සඳහා මට ත්‍රී ඩි මේකප් වුවමනා වුණා. ඒ වෙනකොට කිසිම කෙනෙක් මේ වැඩේට හිටියෙ නෑ. ඩොලර් 20,000 ක් පමණ වියදම් කරලා ත්‍රී ඩී මේකප් ඉගෙනගත්තා. අංග රචනය විතරක් නෙමේ විශේෂ ප්‍රයෝග අංග රචනය ඉගෙනගත්තා.
ජයන්තා රණවක
රංග ශිල්පි, අංගරචනා ශිල්පි, පසුතල නිර්මාපක හා නාට්‍යය අධ්‍යක්ෂක
-----------------------------------------------------------------------------------
-----------------------------------------------------------------------------------
-----------------------------------------------------------------------------------
බාලදක්ෂ පුහුණුව හොඳට ලබපු කෙනකුට ඉවුම් පිහුම් කටයුතුවල සිට ජීවත් වීමට අවශ්‍ය සියලු දේ ගැනම පුහුණුව ලබා දෙනවා. ඒ නිසා මීට කාලයකට ඉහත ආරම්භ කරපු බාලදක්ෂ ව්‍යාපාරය මගින් එදා ඒ අරමුණු කර ගත්ත පරමාර්ථ අද ලෝකය පුරාම ඉෂ්ට වෙනවා. ජනාධිපති මෛත්‍රීපාල සිරිසේන මැතිතුමාත් මීට වසර පනහකට පෙර බාලදක්ෂයෙක් වශයෙන් පාසල් යන යුගයේ හිටපු කෙනෙක්. එය අපට ආඩම්බරයක්. අගමැතිතුමාත් බාලදක්ෂ ව්‍යාපාරයේ හිටපු කෙනෙක්. මටත් වාසනාව ලැබුණා බාලදක්ෂ ව්‍යපාරයේ ඒ පුහුණුවීම් කරන්න.මට හොඳට මතකයි බාලදක්ෂ ව්‍යාපාරයේ නොයෙක් අභියෝග අපි පුරුදු වුණා.
සමහර ගැට වර්ග ගහන්නත්, ලිහන්නත් අපි ඉගෙන ගත්තා. සමහර අපේ මිත්‍රයෝ ඒ ගැට වර්ග හදිසියේ ලිහන්න ගිහින් තිබුණාටත් වඩා හිර කරගත්තා. ඒ වගේම කලබල නොවී හොඳට හිතලා බලපුවාම ඒවා ලිහා ගන්න පුළුවන්. මේක අද දේශපාලනයටත් වලංගුයි. සාමාන්‍ය ජීවිතයට වගේම දේශපාලනයටත් බාලදක්ෂ ව්‍යාපාරයෙන් අත්දැකීම් ලැබෙනවා.
-----------------------------------------------------------------------------------
කුමන ජාතියකට අයත් වූවද කිසිදු බාලදක්ෂයකුගේ සිත් තුළ ජාතිභේදයක් නොමැති බවත් බාලදක්ෂ ව්‍යාපාරය තුළින් සියලු ජාතීන් අතර සාමූහිකත්වය ඇති කළ හැකි බවත් එවැනි තත්ත්වයක් යටතේ සමස්ත ලංකා බාල දක්ෂ ක්‍රීඩා තරගාවලියක් පැවැත්වීමට සංවිධාන කිරීම තුළින් සාමය සඳහා හොඳ පණිවිඩයක් සියලු ජාතීන්ට ලබාදිය හැකියි. බාලදක්ෂ ව්‍යාපාරයෙන් ලද අත්දැකීම් අනූව තමයි එවන් අය මෙතනට පත්වෙලා ඉන්නේ. බාලදක්ෂයන් කියන්නේ අනාගතයේදී මේ රටෙි නායකත්වය ලබා ගැනීමට ඉන්න පිරිසක්. මේ බාලදක්ෂ ජීවිතය තුළින් සියලු කුසලතා උගන්වනවා. ඒ තුළින් ඔවූන්ගේ කුසලතා දිනෙන් දිනම ඉහළ නැංවෙනවා. අද පැවැත්වෙන මෙම බාලදක්ෂ ක්‍රීඩා තරගාවලිය මේ රටෙි පළමූවතාවට පත්වන එකක්. එය බදුල්ල දිස්ත්‍රික්කයෙන් ආරම්භ කිරීම පිළිබඳව මම සතුටට පත්වෙනවා. උතුර නැගෙනහිර ඇතුළු දිස්ත්‍රික්ක 16 බාලදක්ෂ ක්‍රීඩකයන් අද එකම ක්‍රීඩාපිටියක් තරග වදිනවා. මෙවන් පසූබිමක් අද ශ්‍රී ලංකාවේ ඇතිවිය යූතුයි. රටට සාමය ළඟා කරවීමට නම් සියලු ජාතීන් සාමූහික ව වැඩකළ යූතුයි.
ජීවන් කුමාරතුංග
හිටපු යෞවන හා ක්‍රීඩා කටයූතු අමාත්‍ය
සමස්ත ලංකා බාලදක්ෂ ක්‍රීඩා තරගාවලියේ සමාරම්භක උළෙල
2005/08/30/ දිවයින
-----------------------------------------------------------------------------------
ලෝක
බාලදක්ෂ ව්‍යාපාරයට සමගාමීව ම ආරම්භ කරනු ලැබූ ශ්‍රී ලංකා බාලදක්ෂ
ව්‍යාපාරය අද මහත් වෘක්ෂයක් ලෙසට වර්ධනයවීම ශ්‍රී ලාංකිකයින් වශයෙන් අපට
මහත්අභිමානයක් ගෙන දෙන්නක්. ශ්‍රී ලංකාවේ පාසල් දරුවන්ගෙන් විශාල පිරිසක් කිසිදු භේදයකින් තොරව
බාලදක්ෂ ව්‍යාපාරය සම්බන්ධව එකා මෙන් කටයුතු කිරීම සැමගේ ගෞරවයට ලක්විය
යුතුය. බාලදක්ෂ ව්‍යාපාරය තුළින් තරුණ පිරිස ආගමික, ජාතික, සංස්කෘතික
සංහිඳියාව පිළිබඳව විශිෂ්ට අවබෝධයක් බාලදක්ෂ ව්‍යාපාරය තුළින් ලැබීම
ප්‍රශංසනීය කටයුත්තකි. විශේෂයෙන් අප තුළ ගොඩ නැගෙන විවිධ ගැටලු හා ප්‍රශ්න
වලට ඉතා යහපත් විසඳුම් මේ තුළින් ලැබීම ද බාලදක්ෂ ව්‍යාපාරයේ සුවිශේෂී
ගුණාංගයක් ලෙස දැක්විය හැකිය. එසේම දරුවන්ගේ කුසලතා ප්‍රවර්ධනයටත්, දක්ෂතා
ගොඩනගා ගැනීමටත් තෝතැන්නක් බවට බාලදක්ෂ ව්‍යාපාරය අද පත්ව තිබෙනවා.
අකිල විරාජ් කාරියවසම්
අධ්‍යාපන අමාත්‍ය
9වැනි ජාතික ජම්බෝරිය
2016/02/29/ දිනමිණ
-----------------------------------------------------------------------------------
අපි ගැට ලිහන්නයි ගහන්නයි පුරුදු වුණේ බාලදක්ෂ ව්‍යාපාරයෙන්
- අධ්‍යාපන ඇමැති අකිල විරාජ් කාරියවසම්
බාලදක්ෂ පුහුණුව හොඳට ලබපු කෙනකුට ඉවුම් පිහුම් කටයුතුවල සිට ජීවත් වීමට අවශ්‍ය සියලු දේ ගැනම පුහුණුව ලබා දෙනවා. ඒ නිසා මීට කාලයකට ඉහත ආරම්භ කරපු බාලදක්ෂ ව්‍යාපාරය මගින් එදා ඒ අරමුණු කර ගත්ත පරමාර්ථ අද ලෝකය පුරාම ඉෂ්ට වෙනවා. ජනාධිපති මෛත්‍රීපාල සිරිසේන මැතිතුමාත් මීට වසර පනහකට පෙර බාලදක්ෂයෙක් වශයෙන් පාසල් යන යුගයේ හිටපු කෙනෙක්. එය අපට ආඩම්බරයක්. අගමැතිතුමාත් බාලදක්ෂ ව්‍යාපාරයේ හිටපු කෙනෙක්. මටත් වාසනාව ලැබුණා බාලදක්ෂ ව්‍යපාරයේ ඒ පුහුණුවීම් කරන්න.මට හොඳට මතකයි බාලදක්ෂ ව්‍යාපාරයේ නොයෙක් අභියෝග අපි පුරුදු වුණා.
සමහර ගැට වර්ග ගහන්නත්, ලිහන්නත් අපි ඉගෙන ගත්තා. සමහර අපේ මිත්‍රයෝ ඒ ගැට වර්ග හදිසියේ ලිහන්න ගිහින් තිබුණාටත් වඩා හිර කරගත්තා. ඒ වගේම කලබල නොවී හොඳට හිතලා බලපුවාම ඒවා ලිහා ගන්න පුළුවන්. මේක අද දේශපාලනයටත් වලංගුයි. සාමාන්‍ය ජීවිතයට වගේම දේශපාලනයටත් බාලදක්ෂ ව්‍යාපාරයෙන් අත්දැකීම් ලැබෙනවා.
හුඟක් ක්‍ෂේත්‍රවලට පුළුල් වූ දැනුමක් ලබාදෙනවා. විශේෂයෙන්ම මම සතුටු වෙනවා අධ්‍යාපන අමාත්‍යවරයා වශයෙන් ප්රධාන කොමසාරිස්තුමා ඇතුළු කණ්ඩායම කැපවීමෙන් බාලදක්ෂ ව්‍යාපාරයේ උන්නතිය වෙනුවෙන් කටයුතු කිරීම පිළිබඳව පාසල් විෂය දැනුමට පමණක් විභාග තියන අධ්‍යාපන ක්‍රමයක් නොවේ අපි බලාපොරොත්තු වෙන්නේ. අපි බලාපොරොත්තු වෙන්නේ ජීවිතයේ විනයගරුකව ජීවත් වෙන්න පුළුවන් තරුණයෙක් නිර්මාණය කිරීම. හොඳ පුරවැසියන් නිර්මාණය කිරීම.
අද සමහර තරුණයන්ට ඔවුන්ව පාලනය කර ගන්න පුළුවන්කමක් නෑ. සමහර පාසල් මට්ටමේ පාසල් සිසුන්ම පාලනය කරගන්න බැරිවෙලා. මෙවැනි බොහෝ දේවල් සමහර විෂය බාහිර කටයුතුවලට යොමු නොවීම නිසා ඇති වුණ ප්‍රශ්න. බාලදක්ෂ ව්‍යාපාරයේ අනාගතය හදනවා වගේම අපේ තරුණ පරපුරට අඛණ්ඩ අධ්‍යාපනය තුළින් සාමාන්‍ය පෙළින් හැලෙන අපේ තරුණ තරුණියන්ට ප්‍රයෝගික වැඩ විෂයයන් 26 ක් ඔස්සේ ඉතිරි අවුරුදු දෙකක් අධ්‍යාපනය ලබලා ඔවුන්ට අනාගතයක් ලබා දෙන්න අපි සූදානම්.
අකිල විරාජ් කාරියවසම්
අධ්‍යාපන අමාත්‍ය
ශ්‍රී ලංකා බාලදක්ෂ සංගමයේ ජාතික බාලදක්ෂ සම්මාන ප්‍රදානය
නෙළුම්‍පොකුණ රඟහ‍ල
2017/03/22
-----------------------------------------------------------------------------------
සෑම පාසල් දරුවෙක්ම එක් ක්‍රීඩාවක් හෝ කළ යුතු බවට ප්‍රතිපත්තියක් ගෙන
තිබෙන අතර සෑම පාසල් දරුවෙක්ම ක්‍රීඩාව මෙන්ම බාලදක්ෂ හෝ ශිෂ්‍යබට
ව්‍යාපාරය හා එක්විය යුතු බව ද නියෝජ්‍ය අමාත්‍යවරයා සඳහන් කළේය.
බාලදක්ෂ සංගමය මඟින් වැදගත් ජාතික මෙහෙවරක් පාසල් මට්ටම දක්වා
ස්වේච්ඡාවෙන් සිදු කරන අතර මෙම සේවාව මඟින් ඉතා ඉහළ මට්ටමේ සේවාවක් සිදු වන
බවත් මිනිසාගේ පෞද්ගලික ජීවිතේ අභියෝග හා වගකීම් සඳහා බාලදක්ෂ ව්‍යාපාරය
තුළින් ලැබෙන අත්දැකීම් වර්තමානයට ඉතා ඵලදායී වන බවත් ඒ මහතා පෙන්වා
දුන්නේය.
ලසන්ත අලගියවන්න
මුදල් හා ජනමාධ්‍ය නියෝජ්‍ය අමාත්‍ය
රන් දහරයි සොඳුරු ලොවයි
පෝතක බාලදක්ෂ රන් දහර - 2017
පෝතක බාලදක්ෂ රන් දහර - 2017
කොළඹ ඛෙත්තාරාම ක්‍රීඩාංගනයේදී
2017/07/01
-----------------------------------------------------------------------------------
පසුගිය වසරේ ජයග්‍රාහී බාලදක්ෂ කණ්ඩායමෙන් පිරිසක්ද අරලියගහ මැදුරු පරීශ්‍රයේදී සිය සේවා කටයුතුවල යෙදුණු අතර ගරු අග්‍රාමාත්‍යතුමන්ද බාලදක්ෂ පෝතකයෙකු ලෙස කටයුතු කළ ආකාරයත් එම කාලයේ තම කණඩායමට ලැබුනේ රුපියලක් බවත්, එදා රුපියල් දහයක් එකතු කරණවා කියන එක ඉතා අසීරු දෙයක් වූ බවත් අද ද එදා මෙන්ම බොහෝ දේ පවතින බවත් බාල දක්ෂයෙකුවීම ඉතාමත් ම අමාරු මෙන්ම ජීවිතයට හොඳ අත්දැකීමක් බවද එහිදී රනිල් වික්‍රමසිංහ මහතා ඔවුන් දිරි ගන්වමින් කියා සිටියේ ය.
මේ අතර එම අවස්ථාවට සහභාගි වූ බාලදක්ෂ කණ්ඩායම්, ජාතික බාලදක්ෂ සේවා හා මහජන සම්බන්ධතා සතිය සංකේතවත් කරමින් කාර්යයේ යෙදුණ අතර ඒ වෙනුවෙන් අග්‍රාමාත්‍යතුමා අතින් ඔවුනට තිළිණ පිරිනැමීමට කටයුතු කරන ලදී. මෙහිදී අගමැතිතුමන් ඉතා සුහද ශීලීව සහභාගී වූ බාලදක්ෂ බාලදක්යිෂ බාලිකාවන් සමග කතා බස් කළ අතර එහිදී අගමැතිතුමන් ඔවුන්ට කියා සිටියේ තමන්ද බාලදක්ෂයෙකු බවත් එදා තමන්ට වැස්ස බාධාවක් නොවුනු බවත් කී විට ළමුන් සිනාසෙමින් අත්පොළසන්ද නැගුවේය.
බාලදක්ෂ ව්‍යාපාරය ස්වශක්තියක් ලැබෙන ව්‍යාපාරයක් - අග්‍රාමාත්‍ය රනිල් වික්‍රමසිංහ
බාලදක්ෂ ව්‍යාපාරය යනු ස්වශක්තියක් ලැබෙන ව්‍යාපාරයක් බව අග්‍රාමාත්‍ය රනිල් වික්‍රමසිංහ මහතා අරලියගහ මන්දිරයේදී 2018 බාලදක්ෂ සේවා සතියේ සමාරම්භක අවස්ථාවට එක්වෙමින් ප්‍රකාශ කළේය. මේ අතර පාසලෙන් නොලැබෙන අද්දැකීම් බාලදක්ෂ ව්‍යාපාරයෙන් ලැබෙන බව අග්‍රාමාතවරයා වැඩිදුරත් සඳහන් කළේය.
පසුගිය වසරේ ජයග්‍රාහී බාලදක්ෂ කණ්ඩායමෙන් පිරිසක්ද අරලියගහ මැදුරු පරීශ්‍රයේදී සිය සේවා කටයුතුවල යෙදුණු අතර ගරු අග්‍රාමාත්‍යතුමන්ද බාලදක්ෂ පෝතකයෙකු ලෙස කටයුතු කළ ආකාරයත් එම කාලයේ තම කණඩායමට ලැබුනේ රුපියලක් බවත්, එදා රුපියල් දහයක් එකතු කරණවා කියන එක ඉතා අසීරු දෙයක් වූ බවත් අද ද එදා මෙන්ම බොහෝ දේ පවතින බවත් බාල දක්ෂයෙකුවීම ඉතාමත් ම අමාරු මෙන්ම ජීවිතයට හොඳ අත්දැකීමක් බවද එහිදී රනිල් වික්‍රමසිංහ මහතා ඔවුන් දිරි ගන්වමින් කියා සිටියේ ය.
මේ අතර එම අවස්ථාවට සහභාගි වූ බාලදක්ෂ කණ්ඩායම්, ජාතික බාලදක්ෂ සේවා හා මහජන සම්බන්ධතා සතිය සංකේතවත් කරමින් කාර්යයේ යෙදුණ අතර ඒ වෙනුවෙන් අග්‍රාමාත්‍යතුමා අතින් ඔවුනට තිළිණ පිරිනැමීමට කටයුතු කරන ලදී. මෙහිදී අගමැතිතුමන් ඉතා සුහද ශීලීව සහභාගී වූ බාලදක්ෂ බාලදක්යිෂ බාලිකාවන් සමග කතා බස් කළ අතර එහිදී අගමැතිතුමන් ඔවුන්ට කියා සිටියේ තමන්ද බාලදක්ෂයෙකු බවත් එදා තමන්ට වැස්ස බාධාවක් නොවුනු බවත් කී විට ළමුන් සිනාසෙමින් අත්පොළසන්ද නැගුවේය.
රනිල් වික්‍රමසිංහ
අග්‍රාමාත්‍ය
බාලදක්ෂ සේවා සතියේ සමාරම්භක අවස්ථාව - 2018
අරලියගහ මන්දිරයේදී
2018/06/22
-----------------------------------------------------------------------------------
No comments:
Post a Comment