ලී ක්වාන් යූ (Lee Kuan Yew) නැමති බාලදක්ෂයා

සිංගප්පූරුවත් ලංකාවත් අතර ඇත්තේ සිත්ගන්නා සුලු රාජ්‍යතාන්ත්‍රික බැඳීමකි. විටෙක ශ්‍රි ලංකාව සේ පරිවර්තනීය වෙනසක් පැතුවෝ සිංගප්පූරු වැසියෝය. අද වන විට අපේ ඇතැම්හු ඒ පැතුමම ආපිට මුමුණති. එමතු ද නොව ලොවම කතාබහ කරන ආර්ථික වශයෙන් සංවර්ධිත සංචාරක පුරවරයක් ලෙස සිංගප්පූරුව හැඳින්විය හැකිය. සිංගප්පූරුව එවන් තලයක රැදවීමට සමත් වූ එහි විසූ අසහාය නායකයා ලී ක්වාන් යූ ය. ඔහුගේ ස්වයං චරිතාපදානය “කුරුබිළිය” පාඨක ඔබට මේ සතියේ සිට විඳින්නට අවස්ථාව උදා කිරීමට අපි අදහස් කළෙමු. ලී ක්වාන් යූ ස්වයං චරිතාපදානය “කුරුබිළිය” ට පරිවර්තනය කරනුයේ සිංගප්පූරුවේ තානාපතිව සේවය කළ විශිෂ්ට ගණයේ රාජ්‍යතාන්ත්‍රිකයකු වන රංජිත් ගුණරත්නයන්ය.

Mr Lee Kuan Yew in 01 Scouts, fourth from left. Image credits to Raffles

ළමා විය

ඉතා කුඩාම අවදියේ අත්දුටු අත්දැකීම් අතරින් මගේ මතකයේ වඩාත් හොඳින් තැන්පත් වී ඇති සිදුවීමක් වන්නේ මගේ වයස අවුරුදු හතරේ දී පමණ මා මුහුණ දුන් එක් අවස්ථාවකි. එය සිදු වූයේ වත්මන් සිංගප්පූරුවේ ටෙම්බ්ලින් මාවතේ එවකට මගේ පවුලේ අය ජීවත් වූ නිවසේ මිදුලේ දීය. මගේ දඩබ්බර වැඩ නිසා මගේ පියාට අයිති වර්ෂ 4711 දී නිපදවන ලද ඉතා වටිනා ලා කොළ පාටට හුරු සුවද කවන ලද කේශාලේප අඩංගු බඳුනක් බිඳිණි. එදින මගේ පියාගේ තරහ අහස උසට නැඟිණි. ඔහු මගේ බෙල්ලෙන් අල්ලා ඔසවාගෙන විත් ළිඳට ඉහළින් රඳවාගෙන සිටියේය. ඉන් වසර 5කට පසු 1970 දී ‘සයන්ටිෆික් ඇමෙරිකන්’ සඟරාවේ තිබූ ලිපියක විස්තර කර තිබුණේ වේදනාව සහ ක්ෂණික තිගැස්සීම හේතු කරගෙන මොළය විසින් රසායනික ද්‍රව්‍ය මුදා හරින බවත් ඒ මඟින් එම අත්දැකීම චිරාත් කාලක් තිස්සේ මතකය තුළ ගබඩා වී තිබෙන බවත්ය.

1923 සැප්තැම්බර් මාසයේ 16වන දින සිංගප්පූරුවේ කම්පොන් ජාවා මාවතේ අංක 95 දරන ස්ථානයේ පිහිටි සුවිශාල දෙමහල් නිවසක දී මම ඉපදුණෙමි. මා ඉපදෙන විට මගේ පියා, ලී චින් කුන්ගේ වයස අවුරුදු විස්සකි. මගේ මව, චුවා ජිම් නිඕ දහසය වැනි වියේ පසු වූවාය. ඔවුන්ගේ විවාහය වසරකට පෙරාතුව ඒ දෙදෙනාගේ දෙමව්පියන් විසින් සූදානම්කර ඇත. මගේ පියා යහමින් මිල තිබූ පවුලක අයත් වූ අතර මට අවශ්‍ය ඕනෑම දෙයක් සීමාවකින් තොරව රැෆල්ස් ප්ලේස්හි පිහිටි ජෝන් ලිට්ල් සහ රොබින්සන් යන සුපිරි සාප්පු දෙකේ පවත්වාගෙන ගිය පවුලේ ගිණුම යටතේ මිල දී ගැනීමට පහසුකම් සපයා තිබුණි. ඉංග්‍රීසි මාධ්‍යයෙන් ශාන්ත ජෝසප් අධ්‍යාපන ආයතනයේ තම අධ්‍යාපනය කරගෙන ගිය ඔහු කනිෂ්ඨ සහතිකපත්‍ර විභාගයෙන් පසු අතරමග නැවතීම පසු කාලයේ ඔහුගේ පමණක් නොව ඔහුගේ මවගේද බලවත් කනගාටුවට හේතුවක් වී ඇත. වෘත්තීමය අධ්‍යාපනයක් නොලැබීම නිසා ඔහුට ලබාගත හැකිව තිබුණේ ෂෙල් තෙල් සමාගමේ ගබඩා භාරකාර තනතුරක් පමණි. මේ අතර 1927 සහ 1930 අතර කාලයේ ලෝක ආර්ථික අවපාතය හේතු කොටගෙන මගේ පියාගේ සහ මවගේ පවුල්වල ආර්ථික තත්ත්වය අයහපත් අතට හැරී තිබේ.

මගේ පවුල

Did you know that Mr Lee Kuan Yew was a boy scout during his Raffles Institution days?

අපේ පවුලේ සිංගප්පූරු ඉතිහාසය පටන්ගන්නේ හක්කා කුලයට අයත් මගේ පිය පාර්ශ්වයේ මී මුත්තා වන ලී බොක් බූන් ගෙනි. චීනයේ පිහිටි ඔහුගේ සොහොන්කොතේ ඇති සටහනට අනුව ඔහු ඉපදී ඇත්තේ 1846 වර්ෂයේ දකුණු චීනයේ ග්වන්ග්ඩොං ප්‍රදේශයේ ඩාබු දිස්ත්‍රික්කයේ පිහිටි ටැන්ග්සි නැමැති ග්‍රාමයේ දීය. සිංගප්පූරුවට පැමිණි ඔහු එහි හක්කා වෙළෙඳ ව්‍යාපාරිකයකුගේ දියණි කෙනෙකු වු සිඕ හුවාං නිඕ සමඟ 1870 දී විවාහ වී ඇත.

චීනයට ගොස් ගෙයක් දොරක් හදාගෙන වැදගතකු ලෙස ජීවත් වීමට තරම් මුදලක් හම්බ කරගත් ඔහු 1882 දී සිය රටට යෑමට ඉටා ගත්තේය. එහෙත් තම පවුලේ අන් අය අතහැර චීනයට යන්නට ඔහුගේ බිරිඳ කැමති වී නැත. එකල දස හැවරිදි වියේ පසු වූ මගේ මුත්තාට අනුව ඔහුගේ මව මී මුත්තාගෙන් බේරීමට තම දරුවන් දස දෙනාත් සමඟ සැඟවී ඇත. තනිවම චීනයට ගිය ලී බොක් බූන් වෙනත් විවාහයක් කරගෙන තම සිතැඟියාවට අනුව විශාල නිවසක් සාදාගෙන ජීවත් වුවේය. එසේම ඔහුට නම්බුනාමයක්ද ප්‍රදානය කර තිබේ. මගේ සීයා වන ලීහූන් ලියොංග් ඉපදී ඇත්තේ වර්ෂ 1781 දී සිංගප්පූරුවේදීය. මම ඔහුට චීන භාෂාවෙන් කුන් හෙවත් සීසා යැයි ආමන්ත්‍රණය කෙළෙමි. මගේ පියාට අනුව සීයා පස්වන පන්තිය තෙක් රැෆල්ස් අධ්‍යාපන ආයතනයේ අකුරු කරවා ඇත. ඔහු විසින් මට පවසා ඇති පරිදි පාසලන් ඉවත් වීමෙන් පසු ටික කලක් බෙහෙත් පිළියෙල කරන්නකු වශයෙන් සේවය කර ඉන්පසුව පෙරදිග ඕලන්ද ඉන්දියානු දූපත් (එකල ඉන්දුනීසියාව හැඳින්වූයේ එසේය) සහ සිංගප්පූරුව අතර යාත්‍රා කරන දුම් නැවක ගිණුම් කටයුතු කරන්නකු වශයෙන් සේවයට බැඳී ඇත. මෙම රැකියාව කරන අතරතුර ඔහු මධ්‍යම ජාවා ප්‍රදේශයේ සෙමරැන්ග් නගරයේ දී මගේ මිත්තණිය වූ කෝ ලියම් නිඕ සමඟ 1899 මාර්තු 26 වන දින විවාහ වී තිබේ. 1903 දී සෙමරැන්ග් නගරයේ දී මගේ පියා උපත ලැබූ වහාම සීයා විසින් මිත්තණියන් සහ දරුවා සිංගප්පූරුවට රැගෙන එන ලදී.

ඔහු කෙරෙහි තමන් සේවය කළ නැවේ අයිතිකරු වන ඔයි ටිඔං හැම්ගේ විශ්වාසය දැඩි වනවාත් සමඟම ඔහුගේ වාසනාව ද මතු වන්නට පටන් ගත්තේය. ඔයි විසින් මගේ සීයා තමාගේ දේපළ පරිපාලනය සඳහා පත්කර ගෙන තිබුණි. ඔහු කෙරෙහි ඔයි තුළ තිබූ විශ්වාසයේ මහිමය කියාපාන සිද්ධියක් මගේ සීයා වරක් මට විස්තර කෙළේය. 1926 දී මගේ සීයා තමන්ගේ කැමැත්ත මත ඔයිගේ මුදල්වලින්, එකල සෑහෙන මුදලක් වූ, සිංගප්පූරු ඩොලර් 150,000ක මුදල් ප්‍රමාණයක් රැෆල්ස් අධ්‍යාපන ආයතනයට ප්‍රදානය කර තිබේ. මගේ පියත් සීයාත් අතරින් කවුරුන් වඩාත් මගේ සීයා මා වඩාත් සුරතල් කළ අතර මගේ පියා දැඩි විනයධරයෙක් වූයේය. මා සම්බන්ධයෙන් හෙතෙම දැඩි ප්‍රතිපත්තියක් අනුගමනය කළේය.

මා ඉපදුණු අවස්ථාවේ දී මගේ පවුලේ උදවිය නක්ෂත්‍රය පිළිබඳ අවබෝධයක් ඇති හිතවතකුගෙන් මට ගැළපෙන නමක් ගැන විමසා ඇත. ඔහු යෝජනා කර ඇත්තේ ‘ආලෝකය සහ දීප්තිය’ යන අර්ථය ගෙන දෙන මැන්ඩරීන් චීන භාෂාවෙන් ‘ග්වාන්ග් යඕ’ යන පදයෙන් බිඳී ආ ‘ක්වාන් යූ’ යන නමයි. එහෙත් මගේ සීයා බ්‍රිතාන්‍ය දේ අගය කිරීම කරණ කොටගෙන මගේ නමට ‘හැරී’ යන ඉංග්‍රිසි නම ද එකතු විය. ඒ අනුව මම හැරී ලී ක්වාන් යූ වූවෙමි.

කුන් හා සසඳන විට චූචා සීයා බෙහෙවින්ම වෙනස්ය. හෙතෙම විධිමත් ඉංග්‍රිසි අධ්‍යාපනයක් නොලද්දකු වූ අතරම බ්‍රිතාන්‍ය ජාතික නාවික කපිතාන්වරුන් හෝ ලක්ෂපති චීන ජාතික උක් වගාකරුවන් හෝ ආශ්‍රය කළේ නැත. මලක්කා ප්‍රදේශයේ සිට සිංගප්පූරුවට සංක්‍රමණය වූ හොක්කියන් කුලයට අයත් චීන පවුලක 1865 දී ඔහු ඉපදී ඇත. ඔහු පොහොසතකු වී ඇත්තේ වෙහෙස මහන්සි වී වැඩ කළ නිසාත් අරපරෙස්සමින් වියදම් කිරීම නිසාත්ය. ඔහු විවාහයන් තුනක් කරගෙන තිබේ. පළමු බිරින්දෑවරුන් දෙදෙන මිය ගිය හෙයින් ඔහුගේ තෙවන බිරිඳ වී ඇත්තේ මගේ ආච්චි අම්මායි. ඇගේ නම නිඕ ආ සුන් වූ අතර පළල් උරහිසින් යුත් ඇය ඕලන්දයට අයත් බොනියෝ පළාතේ පොන්ටියනක් ප්‍රදේශයේ ඉපදී ඇත. ඕතොමෝ ඉන්දුනීසියානු මැලේ සහ හක්කා යන චීන භාෂා ප්‍රභේද දෙක කතා කළහ.

චුචා සීයා සහ ඔහුගේ තුන්වන බිරිඳගේ දරුවන් සියලු දෙනා ලී සහ ගඩොළුවලින් සාදා තිබූ විශාල බංගලාවක වාසය කළහ. මගේ මව, පියා සහ අපි දරුවන් පස්දෙනා නිවසේ විශාල කාමරයක ජීවත් වූයෙමු. අපේ නිවෙස්නය ප්‍රීතිමත් ගෘහයක් වූ අතර සමහර අවස්ථාවල කුඩා උන් අතර සුළු ගැටුම් පැවතිණි. මගේ සහෝදරයන් තිදෙනා, සහෝදරිය, මෙන්ම මගේ නෑනා මස්සිනාලා හත් දෙනා මට වඩා වයසින් බාල අය වූ නිසා මා අප නිවස අවට පිහිටා තිබූ ලෑලි නිවාසවල ජීවත් වු මැලේ සහ චීන මසුන් මරන්නන්ගේ දරුවන් සමඟ සෙල්ලම් කෙළෙමි. කැම්පොන්ග් නම් වූ මෙම ප්‍රදේශයේ මෙවැනි කුඩා නිවාස විස්සක් හෝ තිහක් තිබුණි. මෙම නිවාසවලට යාර 200ක් පමණ එපිටින් වූ සිග්ලප් වෙරළ තීරයේ මෙම මසුන් මරන්නෝ තම ජීවිකාව කරගෙන ගියෝය. 

-------------

ඒ වූ කලී මා තුළ තරමක කැලඹිල්ලක් ඇති කිරීමට හේතු සාධක වූ කරුණකි. සිංගප්පූරුව, පිනෑන්ග් සහ මලක්කා යන ප්‍ර දේශ වෙනුවෙන් මෙම රැජිනගේ ශිෂ්‍යත්ව වෙන් කර තිබුණේ වසරකට දෙකක් පමණි. ඒවා ද හොඳම සිසුන් දෙනාටම ලබා දිය යුතුය යන නියමයක් වූයේ ද නැත. රැෆල්ස් අධ්‍යාපන ආයතනයේ දී මෙන් රැෆල්ස් විද්‍යායතනයේ දී ද පළමු වාරය මා ප්‍රිය කළේ නැත. නවක වදය මුල් පුරා ම පැවතිණි. පංතියේ හොඳම ළමයා වීම, උසස් සිසුවා වීම නිසා මෙන් ම කැපී පෙනෙන නවකයා වීම නිසා මා නිරන්තරයෙන්ම ජ්‍යෙෂ්ඨ සිසුන්ගේ අවධානයයට පාත්‍ර විය. මේ නිසා මට නිතර නිතර ගීත ගැයීමට, ජිල් බෝලයක් නාසයෙන් තල්ලු කරමින් බඩ ගෑමට සහ කොළ පාට රෙදි කෑල්ලකින් සකස් කළ ටයි පටියක් පැලඳගෙන කොළ පාට කොඩි කබලක් ඔසවාගෙන නවක සිසුන්ගේ පෙළපාළිවල පෙරටුවේ ගමන් කරන්නට සිදු විණි.

මෙය මහා  මෝඩකමක් ලෙස සැලකුව ද එම ක්‍රියාවලියට අනිවාර්යයෙන් ම දායක වන්නට සිදු විය. අමනකම සහ පරිණත බවෙන් හීන අය විසින් සකස් කරන ගන්නා ලද වැරදි සාම්ප්‍රදායක් වූ මෙය අධ්‍යාපන විද්‍යාතනයට බැඳීම වෙනුවෙන් කළ යුතු වූ වියදමක් මෙනි. අපි ටයි කෝට් පැලඳගෙන දේශනවලට සහභාගි වූ වෙමු. දේශන ශාලා වායුසමනය කර නොතිබූ අතර සැදෑ හිරුට මුහුණලා තිබූ නිසා එක් විද්‍යාගාරයක් පෝරණුවක් මෙන් විය. එසේම ආගන්තුක වට පිටාව සහ නීරස ආහාර නිසා මම අන්දමන්ද  වී සිටියෙමි. 1941 වසරේ මාර්තු මාසයේ දී පැවැති විභාගයෙන් මා ශුද්ධ ගණිතයෙන් ප්‍රථම ස්ථානය ලබා ගත් අතර ක්වා ගිඔක් චූ මෙනවිය ඉංග්‍රීසි සහ ආර්ථික විද්‍යාවෙන් මෙන් ම ඇගේ තෙවන විෂය වූ ඉතිහාසයෙන් ද ප්‍රථමයා වුවා ය. මට රැජිනගේ ශිෂ්‍යත්වය සඳහා දැඩි තරගයක් ඇති බව වටහා ගත්තෙමි.

ජාති ආගම් සම්බන්ධ දේශපාලනයට ප්‍රවිෂ්ටවීම තවත් ගැටලු රාශියක් විය. රැෆල්ස් විද්‍යායතනය තුළින් ජාති හා ආගම් සම්බන්ධ දේශපාලනයට මගේ  ප්‍රවිෂ්ටවීම සනිටුහන් කෙළෙමි. බ්‍රිතාන්‍ය යටත් විජිතයේ ආගම සහ ජාතිය මුල් කරගෙන මිනිසුන් වෙන් කිරීමක් සිදු නොවීය. සිංගප්පූරු සහ මැලේ ජාතීන්ට එක සමාන ලෙස සැලකුවේ ය. එහෙත් 1940 ජූනි මාසයේ දී මට ප්‍රථම වරට වෙනස් ක්‍රමයක් යටතේ හැදුණු වැඩුණු මැලේ කණ්ඩායමක් මුණ ගැසිණි. ඒකාබද්ධ මැලේ පාගමන ඒකකයන් වන පෙරක, සෙලන්ගෝර්, පහාන්ග් සහ නෙගරි සෙම්බිලාන් සහ ඒකාබද්ධ නොවූ මැලේ පාලන ඒකකයන් වන ජොහෝර්, කෙඩා, පෙර්ලිස්, කෙලන්තන් හා තෙරන්ග්ගානු තුළ මැලේ නොවන ජාතීන් සඳහා රැෆල්ස් විද්‍යාතනයේ ඉගෙන ගැනීමට ලබා දී තිබුණේ ශිෂ්‍යත්ව පහකි.

PRIME MINISTER LEE KUAN YEW MEETING BOYS SCOUTS DURING HIS TOUR OF BUKIT TIMAH CONSTITUENC

කෙසේ වෙතත් ඒකාබද්ධ නොවූ මැලේ පාලන ඒකකයන් තුළ දී මෙන් මේවායේ ද මැලේ ජාතිකයන් හට වැඩි අවස්ථාවන් ලබා දුනි. ආයතනයට වසරක දී ඇතුළත් කරගන්නා සිසුන් 100 දෙනාගෙන් 20 දෙනෙකු ම උඩරට ප්‍ර දේශවල සිට පැමිණි අර ප්‍රාන්ත රජයන් විසින් ඔවුන්ට ශිෂ්‍යත්ව ප්‍රදානය කර තිබිණි. ඔවුන් අතර දැඩි සාමූහිකත්වයක් දක්නට ලැබිණි. මෙම තත්වය මා තේරුම් ගත්තේ වෙහෙස මහන්සි වී කැපවීමකින් ඩැඩකර චින සහ ඉන්දියානු සංක්‍රමණිකයන්ගෙන් තර්ජනයන් එල්ල විය හැකිය යන හැඟීමෙන් එයට මුහුණ දීම සඳහා සන්ධානගත වීමක් වශයෙනි. මගේ පංතියේ ඉගෙනගත් එක් මැලේ සිසුවකු පසු කාලයක දී මැලේසියාවේ අගමැති වූයේය.

පහාන්ග් ප්‍රදේශයේ සිට පැමිණි මැලේ ප්‍රභූ පවුලක සිසුවකු වූ අබ්දුල් රසාක් බින් හුසෙන් මා සමඟ ඉංග්‍රීසි සහ ආර්ථික විද්‍යාව ඉගෙන ගත් අතර ඔහු මාගේ ළඟ ම හිතවතෙක් නොවීය. එසේ වතුදු සාමාන්‍ය පවුල් වලට අයත් මැලේ සිසුහු මා සමඟ කුළුපග වූහ. ඒ සඳහා මගේ ළමා කාලයේ දී අත්දැකීම් මෙන් ම චතුර ලෙස මැලේ භාෂාව හැසිරවීමට මට ඇති හැකියාව ද පිටිවහලක් විය. මෙම ප්‍රභූ මැලේ පංතිය නියෝජනය කරන්නවුන් තුළ මැලේ නොවන ජාතීන්, විශේෂයෙන් ම චීන ජාතිය,කෙරෙහි තිබූ ආකල්ප සිංගප්පූරු මැලේ ජාතීන්ට වඩා වෙනස් බව මෙම මුල් අවස්ථාවල දී ම වටහා ගත්තෙමි.

------------------

1936 දී මම එවකට රටේ තිබූ හොඳම ඉංග්‍රීසි පාසලක් වූ රැෆල්ස් අධ්‍යාපන ආයතනයට ද්විතීයික අධ්‍යාපන සඳහා ආණ්ඩුවේ පාසල් පසළොසක ඉහළ ලකුණු ගත් සිසුන් 150ක් සමඟ ඇතුළු වූයෙමි. මෙම කණ්ඩායමේ විවිධ ජාතීන්, ආගම් මෙන් ම සමාජ මට්ටම්වලට අයත් සිසුහු වූහ. වැඩි සිසුන් සංඛ්‍යාවක් පැමිණ සිටියේ මැලේ දේශයේ සිටය. මෙම පාසලේ මුල් කාලයේ සිට බ්‍රිතාන්‍ය ජාතික මුල් ගුරුවරුන් එය බ්‍රිතාන්‍ය පාසලක මට්ටමින් පවත්වාගෙන ගිය අතර කනිෂ්ඨ සහ ජ්‍යෙෂ්ඨ කේම්බ්‍රිජ් විභාගය සඳහා සිසුන් සූදානම් කෙරිණි.

විශේෂයෙන් ම මෙහි භාවිතා වූ ඉංග්‍රීසි භාෂාව, ගණිතය, ඉංග්‍රීසි සාහිත්‍යය, බ්‍රිතාන්‍ය ඉතිහාසය, භූගෝලය වැනි විෂයයන්ට අදාළ අච්චු පොත් මුළු බ්‍රිතාන්‍ය අධිරාජ්‍යයට ම පොදු ඒවා විය. මේවා එකල බ්‍රිතාන්‍යයේ රජයේ පාසල් වලද භාවිතා කරන්නට ඇති බව මගේ හැඟීමයි. මෙම පාසලේ ඉගැන්වීම් කටයුතු කළේ  ඉංග්‍රීසි භාෂාවෙන් පමණි. පසු කාලයේ දී  පොදු රාජ්‍ය මණ්ඩලයට අයත් රටවල නායකයන් සමඟ කථාබහ කරන විට මට වැටහුණේ ඔවුන් ද පාවිච්චි කළ පත පොතම භාවිතා කර තිබෙන බවයි.

ද්විතීයික පාසල් ශ්‍රේණි හතරක් විය. ඒවා නම් හයවැන්න, හත්වැන්න, කනිෂ්ඨ කේම්බ්‍රිජ්, සහ ජ්‍යෙෂ්ඨ කේම්බ්‍රිජ් පංතීන්ය. මා දැඩි ආයාසයකින් යුතුව ඉගෙනීම් කටයුතුවල නියැළුණේ නැති වුවද ගණිතය සහ විද්‍යා විෂයයන් වෙනුවෙන් දස්කම් පෙන්වූ අතර ඉංග්‍රීසි භාෂාව වෙනුවෙන් හොඳ අත්තිවාරමක් දමා ගත්තෙමි. හය වන පංතියේදී මම හැම විටම හොඳම සිසුන් අතරින් එකකු වූ නිසා මා හත්වැනි ශ්‍රේණියේ හොඳම පන්තිය වන හත ඒ පංතියට උසස් කෙරිණි. එහිදී මම කිසිදු අමතර වෙහෙසකින් තොරව පංතියේ හොඳම සිසුන් තිදෙනාගෙන් එකෙක් වූයෙමි. අපේ පංතිභාර ගුරුවරයා වූයේ ඔක්ස්ෆඩ් විශ්ව විද්‍යාලයේ උපාධිය ලත් තරුණ ඒ.ටී .ග්‍රීව් මහතාය. හෙතෙම මිත්‍රශීලී ගුරුවරයකු වූ අතර මගේ ඉංග්‍රීසි භාෂා වර්ධනයට විශාල රුකුලක් ලැබුණේ ඔහු ගෙනි. මම කේම්බ්‍රිජ් විභාගයෙන් අපේ පාසලේ පළමු ස්ථානය ලබා ගත්තෙමි. මෙය මා පෙනී සිටි විදේශයක දී ප්‍රශ්න පත්‍ර සකස් කරන සහ ලකුණු කරන ප්‍රථම විභාගය විය.

මම ඒ වසරේ රැෆල්ස් ආයතනය විසින් පිරිනමන ලද ශිෂ්‍යත්වය සහ ටෑන්ජියන් කිමි ශිෂ්‍යත්වය දිනා ගත්තෙමි. මේ දෙකින් මට ඩොලර් තුන්සිය පනහක් ලැබුණු අතර එය විශාල මුදලක් විය. මම ඉන් ඩොඩාලර් 70ක් වියදම් කර වේග තුනක ගියර් සහිත හුරුබුහුටි රැලේ බයිසිකලයක් මිලදී ගත්තෙමි. මම කුරුල්ලෙකු මෙන් එහි නැගී පාසලට පැමිණි අතර අතේ වියදමට ද මුදලක් මා සතු විය. තවදුරටත් වාසනාව මා වෙත ළඟ වෙමින් පැවතිණි. 1940 දී පැවති කේම්බ්‍රිජ්  ජ්‍යෙෂ්ඨ විභාගයෙන් මම මගේ පාසලින් පමණක් නොව සිංගපූරුවෙන් සහ මුළු මැලේ දේශයෙන්ම ප්‍රථම ස්ථානය ලබා ගත්තෙමි.

රැෆල්ස් අධ්‍යාපන ආයතනයේ ගත කළ කාලය ඉතා ප්‍රියජනක එකක් වූයේය. මම පංතියේ වැඩ අපහසුතාවයකින් තොරව කළ අතර බාලදක්ෂ කටයුතු, ක්‍රිකට්, ටෙනිස්, සහ පිහිනීම වැනි බාහිර ක්‍රියාකාරකම් මෙන්ම වාද විවාදවලටද සහභාගි වූවෙමි. එහෙත් මට කිසිවිටකත් ශිෂ්‍ය නායකයකු හෝ ප්‍රධාන ශිෂ්‍ය නායකයා වන්නටනොහැකි විය. පංතියේ පාඩමට ඇහුම්කන් නොදීම, පංතියේ යහළුවන්ට කොළවල පණුවුඩ ලියා යැවීම සහ සමහර ගුරුවරුන්ගේ ආගන්තුක හැසිරීම් රටාවන් අනුකරණය කිරීමට යාම නිසා බොහෝ අවස්ථාවලදී ගුරුවරුන්ගේ උදහසට ලක් වුණෙමි.

1938 දී දිනක් මට විදුහල්පතිවරයා හමුවට යන ලෙස අණක් ලැබිණි. විදුහල්පති ඩී.ඩබ්ලිව්. මැක්ලොයිඩ් මහතා දැඩි ලෙස පාසලේ විනය පවත්වාගෙන යන්නට වෙහෙස විය. පාසලේ නීතියට අනුව එකම වාරයකදී තෙවරක් පාසලට පරක්කු වී පැමිණීම හේතු කරගෙන ඔහු මට වේවැල් පහර තුනක් දුන්නේය. උදෑසන නැගිටීමට පරක්කු වන නිසා බොහෝ විට මට පාසල් යාමට ප්‍රමාද වේ. මා පාසලේ තෑගි උත්සවයන්හිදී ත්‍යාග ගණනාවක් ලබන බව විදුහල්පතිතුමා දැනගෙන සිටියත් මා කෙරෙහි වුවද විශේෂත්වයක් දැක්වූයේ නැත. බටහිර අධ්‍යපනඥයන් පාසල්වලදී සිසුන්ට දඬුවම් කිරීමට විරුද්ධ මන්දැයි මට වැටහෙන්නේ නැත. මෙවන් දඬුවමකින් මට හෝ මගේ සමකාලීන සිසුන් හට කිසිදු ශාරීරික හානියක් සිදු වූයේ නැත.

කෙසේ වෙතත් මම ජීවිතය දෙස බැරෑරුම් ලෙස බලන්නට පුරුදු වූයෙමි. මගේ මව්පියන් නිතර පැවසුවේ ඔවුන්ගේ යහළුවන් බොහෝ දෙනෙකු හොඳ ජීවිතගත කරන්නේ වෛද්‍යවරුන් සහ නීතිඥයන් වීම නිසා බවයි. එසේම ඔවුන් ස්වයං රැකියාවල නිරත වූ හෙයින් ආර්ථික අවපාතය නිසා හිරිහැරයට පත් නොවූ බවත්ය. මගේ පියා තම තරුණ කාලයෙන් නිසි ප්‍රයෝජන නොගත් බව සඳහන් කළේ හදවතට නැති කණගාටුවක්ද පෙරදැරි කරගෙනයි. ඔවුන්ට අවශ්‍ය වූයේ මාද වෘත්තිකයකු කරන්නටයි. මේ නිසා  මා කුඩා අවධියේ සිටම අදිටන් කරගත්තේ  නීතිඥයකු වන්නටය. කිසියම් කෙනෙකු යටතේ නිකම්ම නිකන් සේවකයකු වන්නට මගේ කැමැත්තක් තිබුණේ නැත. මගේ ඒකායන අරමුණ වූයේ එංගලන්තයට ගොස් නීතිය හැදෑරීමයි.

1940 වන විට යුද්ධය නිසා යුරෝපයට අපල කාලයක් උදා විය. එහෙයින් එංගලන්තයට ගොස් නීතිය හැදෑරීම පිළිබඳ වූ අදහස කල් දමන්නට මම තීරණය  කෙළෙමි. කේම්බ්‍රිජ් විභාගයෙන් සිංගප්පූරුවෙන් සහ මැලේ දේශයෙන් ප්‍රථම ස්ථානය ලැබීම නිසා එවකට තිබූ ශිෂ්‍යත්ව අතරින් වටිනා එකක් වූ ඇන්ඩර්සන් ශිෂ්‍යත්වය ලබාගෙන රැෆල්ස් විද්‍යායතනයේදී ශාස්ත්‍රෝද් ග්‍රහණය කරන්නට අවස්ථාවක් මට ලැබිණි. එම ශිෂ්‍යත්වයෙන් මට ඩොලර් දෙසීයක් ලැබුණු අතර එය බොහෝ රජයේ  ශිෂ්‍යත්වවලට වඩා යහපත් එකක් වූ අතර අධ්‍යාපනයට වියදම් කර වැඩිපුර කීයක් හෝ අතේ ඉතිරි කරගන්නටත් මට පිළිවන් විය.

 

රැෆල්ස් විද්‍යායතනයේදී

රැෆල්ස් විද්‍යායතනය 1928 දී යටත් විජිත ආණ්ඩුව විසින් ආරම්භ කර ඇත. මෙහි කලා විෂය ධාරාව යටතේ ඉංග්‍රීසි, ඉතිහාසය, භූගෝල විද්‍යාව සහ ආර්ථික විද්‍යාවද, විද්‍යා විෂය ධාරාව යටතේ රසායන විද්‍යාව, භෞතික විද්‍යාව, ශුද්ධ සහ ව්‍යවහාරික ගණිතයද ඉගැන්විණි. රජය විසින් මෙම ආයතනය සඳහා දැකුම්කළු ගොඩනැගිලි කීපයක් සැලසුම් කර තිබූ අතර මේවා එංගලන්තයේ ඔක්ස්ෆර්ඩ් සහ කේම්බ්‍රිජ් ගෘහ නිර්මාණ රටාවට නෑකම් කීවද උෂ්ණ දේශගුණයට සුදුසු අයුරින් නිර්මාණය කර තිබුණි.

ශිෂ්‍යත්වලාභියකු නිසා මා හට නේවාසිකාගාරයේ නැවතී සිටීමට සිදුවිය. මට එය අසීරු දෙයක් වූයේය. මෙම නේවාසිකාගාර සිංගප්පූරුවේ උෂ්ණ දේශගුණයට ගැලපෙන ලෙසින් උස් සීලිං වලින් යුතුව විශාලව සාදා තිබුණි. හැම නේවාසිකාගාරයක්ම කාමර 20කට බෙදා තිබූ අතර විවෘත ආලින්දයට මුහුණ ලා ‘ප්‍රංශ ජනේල’ විය. කාමර වෙන්කර ඇති බිත්ති අඩි අටකට වඩා උස් නොවුයෙන් වාතය හොඳින් සංසරණය වීමට එය පිටිවහලක් විය. මෙම කාමරවල තරුණ උපාධි අපේක්ෂකයෝ ලැගුම් ගෙන සිටියහ.

හැම සිසුවකුම විෂයයන් තුනක් හැදෑරිය යුතුය. මම ඉංග්‍රීසි හැදෑරුවේ සියුම් කලා සිසුන් සඳහා එය අනිවාර්ය විෂයක් වීම නිසායි. මම භාෂාව හොඳින් හැසිරවීමට පුහුණු වූ අතර එයින් මට නීතිය හැදෑරීමට මෙන්ම මගේ ප්‍රියතම විෂයන් වන ගණිතය  සහ ආර්ථික විද්‍යාව ඉගෙන ගැනීමට පිටු බලයක් ලැබුණි. මම ගණිතයට ප්‍රිය කළේ මා එයට දක්ෂ වූ නිසායි. ආර්ථික විද්‍යාවෙන් මට වෙළඳ ව්‍යාපාරයන් ගෙන් මෙන්ම මුදල් ඉපැයීමට සහ කොටස් වෙළඳපොළේ ගණුදෙනු කරන්නට පිටිවහලක් ලැබේ යැයි විශ්වස කළෙමි. පළමු වසර අවසානයේ සිසුන් තම ප්‍රධාන විෂය වශයෙන් එක් විෂය ධාරාවක් තෝරා ගත යුතු විය. මා තෝරා ගත්තේ ගණිතයයි.

හැම අධ්‍යාපන වසරක්ම වාර තුනකින් යුක්ත වූ අතර ඒ හැම වාරයක් අවසානයේ දී විභාග පැවැත්විණි. මා ගණිතයෙන් ලකුණු 90 ට වඩා වැඩියෙන් ගෙන ප්‍රථමයා වූ අතර ඉංග්‍රීසි සහ ආර්ථික විද්‍යාවෙන් ක්වා ශිඔක් චූ මෙනෙවියට දෙවැනි විය. මීට පෙර මට ඇය හමුවූයේ 1939 දී රැෆල්ස් අධ්‍යාපන ආයතනයේදීය. පිරිමි ළමයින් පමණක් සිටින පාසලේ සිටි එකම ශිෂ්‍යාව වූ නිසා විදුහල්පතිතුමා ඇයට පාසලේ ත්‍යාග ප්‍රධාන උත්සවයන්හිදී ත්‍යාග පිරිනමන්නටද අණ කළේය. මම ඇගෙන් මෙවන් උත්සවයන්හිදී පොත් තුනක් තෑගි වශයෙන් ලබා ඇත්තෙමි. ඕ රැජිනගේ ශිෂ්‍යත්වය ලබා ගනු වස් විශේෂ පන්තියක අධ්‍යාපනය හදාරමින් සිටියාය.

මතු සම්බන්දයි

විශේෂ ස්තූතිය

පරිවර්තනය රංජිත් ගුණරත්න

http://iridapaper.lk 

 Scouting Salute and respect..!

Tribute to Mr Lee Kuan Yew. Your leadership and policies have affected lives. For better, for worse, for good, for bad, I guess life is a package. But at the end of the road, we will all go into a box marked "Return to Maker"...Rest in Peace, Mr Lee and our Deepest condolences to the Lee family.

Scouting Magazine - Sri lanka 

නන්ද ප‍්‍රනාන්දු නැමති බාලදක්ෂයා

බැංකු ක්ෂේත‍්‍රයේ වසර 35 කට අධික අත්දැකීම් ඇති  නන්ද ප‍්‍රනාන්දු මහතා පසුගියදා සම්පත් බැංකුවේ නව කළමනාකාර අධ්‍යක්ෂවරයා ලෙස වැඩ භාර ගත්තේය. බැංකුවේ ආරම්භයේ සිටම එහි උන්නතිය සඳහා විශාල දායකත්වයක් දැක්වූ ඒ මහතා මෙම පත්වීමට පෙර කටයුතු කළේ එහි ප‍්‍රධාන මෙහෙයුම් නිලධාරීවරයා වශයෙනි. ඒ මහතා මේ වන විට සම්පත් බැංකු සමූහයට අනුබද්ධ SC සිකියුරිටීස් සමාගමේ අධ්‍යක්ෂවරයෙකු ලෙසද කටයුතු කරයි.
සම්පත් බැංකුවේ හිටපු කළමනාකාර අධ්‍යක්ෂ අරවින්ද පෙරේරා මහතා එම ධූරයෙන් විශ්‍රාම ගැනීමෙන් අනතුරුව මෙම නව පත්වීම සිදු වී තිබේ. බැංකු කරුවකු ලෙස වසර 35 ක අත්දැකීම් ඇති ඔහු වසර 6 ක් හැටන් නැෂනල් බැංකුවේ සේවය කර ඇත. සම්පත් බැංකුව වෙනුවෙන් වසර 29 කට ආසන්න කාලයක් ලබාදුන් අනුපමෙය සේවය අගයමින් නන්ද ප‍්‍රනාන්දු මහතා ඉදිරියේදී එම බැංකුවේ වර්ධනය තව තවත් වේගවත් කිරීම සඳහා නව වැඩසටහන් රාශියක් ක‍්‍රියාත්මක කිරීමට හැකියාව ලැබේවායි අප ප්‍රාර්ථනා කරමු. 

ශ‍්‍රී ලංකා බැංකුකරුවන්ගේ සංගමයේ උපාධිධාරියෙකු වන නන්ද ප‍්‍රනාන්දු මහතා අලෙවිකරණය ප‍්‍රමුඛව ව්‍යාපාර පරිපාලනය පිළිබඳව පශ්චාත් උපාධියක් හිමි කරගෙන ඇත. එමෙන්ම ඒ මහතා ශ‍්‍රී ලංකා බාලදක්ෂ සංගමයේ හිටපු දිස්ත‍්‍රික් කොමසාරිස්වරයෙකු ලෙස කටයුතු කර ඇති අතර, ජාතික පුහුණු කිරීමේ මණ්ඩලයේ පුහුණු කිරීමේ නායකයෙකු ලෙස සුදුසුකම් සපුරා තිබේ. ගල්කිස්ස ශාන්ත තෝමස් විද්‍යාලයේ ආදි ශිෂ්‍යයෙකු වන ඒ මහතා මේ වන විට එහි සමූහ කමිටුවේ උපදේශක ලෙසද කටයුතු කරයි.

මූල්‍ය සේවා ක්ෂේත‍්‍රයේ පුරෝගාමී සමාගමක් ලෙස සම්පත් බැංකුව ලබා ඇති කීර්තිය තවදුරටත් වර්ධනය කිරීම සඳහා මින් ඉදිරියට ඒ මහතාගේ දායකත්වය වඩාත් පුළුල් ලෙස හිමි වනු නිසැකය. සිය ආදර්ශමත් වෘත්තීය ජීවිතය තුළ නන්ද ප‍්‍රනාන්දු මහතා පාරිභෝගික බැංකුකරණය හා ආයතනික බැංකුකරණය යනාදී අංශ ඇතුළුව බැංකුවේ මෙහෙයුම්වල විවිධ අංශ රාශියක් සඳහා නායකත්වය ලබා දී තිබේ.

1986 වසරේදී සංස්ථාගත කරන ලද සම්පත් බැංකුව ශ‍්‍රී ලංකාවේ සාම්ප‍්‍රදායික හරයන් නවීන තාක්ෂණය සමග මුසු කරමින් මෙරට ගනුදෙනුකරුවන්ට විශිෂ්ටතම බැංකුකරණ සේවාවක් ලබා දීමට නිරන්තරයෙන් කටයුතු කරන බැංකුවකි. නන්ද ප‍්‍රනාන්දු මහතාගේ පත්වීම බැංකුවේ මෙම සුවිශේෂී මෙහෙවර තව තවත් ශක්තිමත් කිරීමට හේතුවක් වනු නොඅනුමානය.

 ------------------

Sampath Bank, ranked among the top-tier private banks in the country, has announced the appointment of Nanda Fernando as its new Managing Director with effect from today.

Having played a pivotal role at Sampath Bank since the year of its inception, Fernando served in the capacity of Chief Operating Officer, prior to this appointment.

With a banking career that spans 35 years, he also function as a Director of SC Securities Ltd., which is a subsidiary of the Sampath Group of Companies.

Havingdynamically contributed to the strengthening of Sampath Bank for almost 29 years, his appointment as the new Managing Director will see the application of multidisciplinary competencies to further establish the bank as a benchmark financial institution in Sri Lanka.

Fernando aims to strengthenSampath Bank’s values, stakeholder presence and business objectives as the financial conglomerate looks towards further expansion and growth in the country.

During his illustrious career, Fernando has been responsible for driving multipleaspects of the bank and has supported transactional banking covering retail and corporate banking, among many other key growth areas.

An Associate member of the Institute of Bankers in Sri Lanka, he possesses a Master’s Degree in Business Administration specialising in Marketing. He is also a qualified Four Bead Leader Trainer and a past District Commissioner of the Sri Lanka Scouts’ Association. He is a product of S. Thomas’ College, Mount Lavinia and currently functions as the Group Advisor to the Group Committee of his alma mater.

Incorporated in 1986, Sampath Bank PLC has successfully combined traditional Sri Lankan values with state-of-the-art innovations to offer a local, yet progressive banking propositions to its stakeholders. The new appointment of Fernando will see the continuation and the strengthening of the Bank’s ambitions and its contribution to Sri Lanka. 

ශ්‍රීමත් සිරිල් ද සොයිසා නැමති බාලදක්ෂයා

දේශයේ විශිෂ්ට නායකයන් අතරේ විශිෂ්ටත්වය රඳවා ගත් ශ්‍රීමත් සිරිල් ද සොයිසාගේ 120 වැනි ජන්ම සංවත්සරය සමරණ මොහොතේ ඔහු විශිෂ්ටත්වය කරා රැගෙන ගිය සේවා සමහරක් පිළිබඳ සඳහන් කරමින් ලිපියක් සැපයීමට අවස්ථාව හිමිවීම මාගේ භාග්‍යය ලෙස සලකමි. එසේම මා වෙත දක්වන ලද විශිෂ්ට ගෞරවයක් ලෙස ද සලකමි.
බොහෝ ජන නායකයෝ තමන්ගේ ක්ෂේත්‍රයට අදාළව තම සේවාවන් ජාතියට ලබාදීම නිසා ජාතික වීරයන් ලෙස නම් කරනු ලබති. ශ්‍රීමත් සිරිල් ද සොයිසා මැතිතුමා ගැන සඳහන් කරන විට නිතැතින්ම ඉස්මතු වන්නේ බෞද්ධාගම නඟා සිටුවීම සඳහා එතුමා විසින් ඉටු කරන ලද සේවාවන්ය. එහෙත් එතුමාගේ සේවාව එම ක්ෂේත්‍රයට පමණක් සීමා නොවීය. ශ්‍රී ලංකාවේ ආර්ථික, අධ්‍යාපනික, දේශපාලන, ක්‍රීඩා ආදී විවිධ ක්ෂේත්‍රයන් සඳහා එතුමා ලබාදුන් සේවාව අමතක කළ නොහැකි වන අතර, ඒ කිසිම ක්ෂේත්‍රයකදී එතුමා කිසිවෙකුට දෙවෙනි නොවූ බවද විශේෂයෙන් සඳහන් කළ යුතුය.

බලපිටිය ප්‍රදේශයේ වැලිතර ග්‍රාමයේදී 1896 ඔක්තෝබර් මස 26 වැනි දින උපන් එතුමාගේ දෙමවුපියන් වූයේ සොලමන් ද සොයිසා නොතාරිස් රාලහාමි සහ හැරියට් ද සොයිසා මැතිනියයි. මාතර ශාන්ත තෝමස් හා ගාල්ලේ රිච්මන්ඩ් විද්‍යාලවල අධ්‍යාපනය ලැබ කේම්බ්‍රිජ් සීනියර් විභාගය සමත්වීමෙන් පසුව නීති විද්‍යාලයට ඇතුළත් වූ එතුමා නීතිඥ වෘත්තියේ යෙදීම සඳහා තෝරාගනු ලැබුවේ කළුතර නගරයයි. එතුමාගේ නාමය අමරණීය වීමට හේතු වූ කළුතර බෝධියේ සංවර්ධනයට, එතුමා කැප වන්නේ ඒ ආගමනයත් සමඟිනි.

1930 ගණන් වලදී කළුගඟට දකුණු දෙසින් පිහිටි භූමියේ ගාලුපාරට නැ‍ඟෙනහිර දෙසින් පිහිටි බිමෙහි දිසාපති නිල නිවාසය හා කළුතර කච්චේරිය ඇතුළු රජයේ ආයතන පිහිටා තිබුණ අතර ගාලුපාරට බටහිර දෙසින් ඇති පහළ මළුව වශයෙන් හැඳින්වෙන ස්ථානයේ අනාරක්ෂිතව පැවති බෝධියට ප්‍රදේශවාසීන් විසින් පුද පූජා පවත්වා ඇත. මෙම ස්ථානයේ වටිනාකම හඳුනාගත් සිරිල් ද සොයිසා මැතිතුමා මෙහි මල් ආසනයක් ඉදිකරවීමෙන් පසුව මෙම භූමියේ සංවර්ධන කටයුතු ආරම්භ වී ඇත. එම සංවර්ධන කටයුතු ඉටු කිරීමේදී එවකට දිසාපති බංගලාවේ පදිංචිව සිටි සුදු ජාතික දිසාපතිවරයාගෙන් ද විටින් විට බාධා එල්ලවී ඇත. එහෙත් නීතිඥයෙකු වූ සිරිල් ද සොයිසා මැතිතුමා ඒ සියල්ල මැඩ පවත්වා ගනිමින් කළුතර බෝධිය අද පවත්නා තත්ත්වයට පත් කරලීමට ඉමහත් වෙහෙසක් දරා ඇත. ‍‍‍

ඔහුගේ සේවා ආර්ථික, අධ්‍යාපනික, දේශපාලනික, ක්‍රීඩා ආදී අමතක කළ නොහැකි විවිධ පරාසයන් දක්වා විහිදෙයි. ඒ සියලු විෂයයන්හිදී ඔහු කිසිවෙකුටත් දෙවැනි නොවූ බව විශේෂයෙන් සඳහන් කළ යුතුය. ඔහු උපත ලබන්නේ 1896 වසරේ ඔක්තෝබර් 26 වැනිදා බලපිටියේ වැලිතර ග්‍රාමයේය. ඔහුගේ මවුපියන් වූයේ මහජන නොතාරිස් සොලමන් ද සොයිසා සහ හැරියට් ද සොයිසා මහත්මියයි. ඔහු මාතර ශාන්ත තෝමස් විද්‍යාලයෙන් ද ගාල්ල රිච්මන්ඩ් විද්‍යාලයෙන්ද කොළඹ රාජකීය විද්‍යාලයෙන් ද අධ්‍යාපනය ලැබූ අතර ජ්‍යෙෂ්ඨ කේම්බ්‍රිජ් විභාගය සමත්වීමෙන් පසු නීති විද්‍යාලයට ඇතුළු වූයේය.

ඔහුගේ වෘත්තීය සඳහා ඔහු තෝරා ගත්තේ කළුතර නගරයයි. ඔහුගේ නාමය සදාකාලික කරන ලද කළුතර බෝධිය සංවර්ධනය කිරීමට ඔහු තම ජීවිතය කැප කළේය. මෙම ස්ථානයේ පාලනය ගෙනයාම සඳහා “කළුතර බෝධි භාරකාර මණ්ඩලය” පිහිටුවීම එතුමා විසින් ගන්නා ලද ඉතාම දූරදර්ශී පියවරකි. මෙම භාරය පිහිටුවා ලියාපදිංචි කිරීමෙන් ඒ සඳහා නීත්‍යානුකූල භාවයක් ලබාදී ඇති අතර, පාලන කටයුතු ගෙනයාම සඳහා අනුගමනය කළ යුතු ක්‍රියාමාර්ග එහි මැනවින් සඳහන් කර ඇති බැවින් මෙම ස්ථානයේ පාලනය ඉතාමත් විනිවිද භාවයකින් යුතුව කර ගෙනයාමට අවස්ථාව සැලසී ඇත. එවකට මෙරට තුළ කීර්තිනාමයන් දැරූ, ඊට පිළිගත් විද්වතුන් 8 දෙනෙකු සාමාජිකයින් ලෙස පත් කරමින් බෝධි භාරකාර මණ්ඩලය ස්ථාපනය ‍කොට ඇත. මේ ස්ථානයේ සංවර්ධන කටයුතු සඳහා එතුමාගේ පෞද්ගලික ධනය විශාල වශයෙන් වැය කර ඇති අතර, බැතිමත් ජනතාවටද සහභාගි විය හැකි වන පරිදි “පිංකැට” මඟින් පුණ්‍යාධාර ලබා ගැනීමට කටයුතු කරන ලදී. මෙම පූජනීය ස්ථානය ක්‍රමයෙන් දියුණුවට පත්වන විට යාබද කළුතර නගර සභා කාර්යාලය පිහිටි ඉඩමද මේ සඳහා ලබා ගැනීමට කටයුතු කරන ලදී. ඒ සඳහා දැනට ද කළුතර නගර සභාව පවත්වාගෙන යන ගොඩනැඟිල්ල, නගර සභාවට ඉදිකරදී එම ඉඩමද නිදහස් කර ගෙන සංවර්ධනය කර ඇත.

සැදැහැවත් බෞද්ධයෙක් වූ ශ්‍රීමත් සිරිල් මේ ස්ථානයේ පවිත්‍රතාව වැඩි වන අයුරු තේරුම් ගෙන බැතිමතුන් විසින් පූජා කරන මල් තැබීමට මල් ආසනයක් ඇති කළේය. එතැන් පටන් සංවර්ධන ක්‍රියා ආරම්භ විය. එහෙත් එවකට එම නිල නිවාසවල සිටි රජයේ නියෝජිතයන්ගේ අරියාදුවට ලක්වූ ස්ථානයක් ලෙසට එය ඉලක්ක විය. අද පූජනීය ස්ථානයක් බවට පත්ව ඇත්තේ ශ්‍රීමත් සිරිල් නීතිඥවරයකු ලෙස ඒ සියලු බාධක ජය ගෙන ස්ථාපිත කරන ලද කළුතර බෝධියයි. ශ්‍රිමත් සිරිල් විසින් ඉතා දුර දිග බලා ගන්නා ලද පියවරක් ලෙස මේ ස්ථානයේ පරිපාලන කටයුතු සිදු කිරීම සඳහා කළුතර බෝධි භාරකාර මණ්ඩලය ස්ථාපනය කරන ලදී. මෙය භාරකාර ව්‍යවස්ථාවක් යටතේ ලියාපදිංචි කිරීම මගින් එයට නීත්‍යානුකූලභාවයක් ඇති විය. කටයුතු කළ යුතු ආකාරය පිළිබඳව එහි ඉතා පැහැදිලිව සඳහන් විය. බෝධි භාරකාර මණ්ඩලයේ සාමාජිකයන්ගේ ධෛර්යය සහ බැතිමතුන්ගේද දායකත්වයෙන් මෙහි සංවර්ධන කටයුතු පුළුල් විය. ඒ අනුව වටදාගේ සහ චෛත්‍යයද එක් වූ අතර අද ද කළුතර නගරයේ ප්‍රධාන ආකර්ෂණය එයයි. ඓතිහාසික කිරිවෙහෙර ප්‍රතිසංස්කරණ සංගමයේ සභාපති ධුරය පිළිගත් ශ්‍රීමත් සිරිල් ඒ වෙනුවෙන් ද තම පූර්ණ සහාය ලබා දුන්නේය.

තරුණ බෞද්ධ සංගමයේ සභාපති ලෙස කොළඹ තරුණ බෞද්ධ සංගම් ගොඩනැඟිලි සංකීර්ණයේ ඉදිකිරීම් සම්පූර්ණ කිරීමට ඔහු ක්‍රියා කළේය. එසේම අලුත්ගම කන්දේ විහාරය, පානදුර පින්වත්ත සධර්මාකාර පිරිවෙන, බම්බලපිටිය වජිරාරාමය, කොළඹ 02 හුණුපිටිය ගංගාරාමය, බෙල්ලන්විල රජමහා විහාරය සහ කොළඹ 10 කුප්පියාවත්ත ජයසේකරාරාමය ආදිය විශාල සංඛ්‍යාවක් සංවර්ධනය කිරීමට දායක විය. එසේම ඔහු ලන්ඩන් බෞද්ධ විහාරය සහ ඉන්දියාවේ සාවස්තියේ ආනන්ද බෝධිය ප්‍රතිසංස්කරණ කටයුතු සඳහාද එක්විය. මහා බෝධි සංගමය ආදී බෞද්ධ සංගම්වල නිලතල හොබවමින් දිවයින පුරා පිරිවෙන සඳහා විශාල සහයෝගයක් ලබාදීමටද ඔවුන්ගේ අවශ්‍යතා සපුරාලීමට අවශ්‍ය ආධාර ලබාදීමටද කටයුතු කළේය. දහම් පාසල් සිසුන් සඳහා පොත් ලබාදෙමින් දහම් පාසල් අධ්‍යාපනය නඟාසිටුවීමටද ඔහු තම දායකත්වය ලබා දුන්නේය.

මීට අමතරව ශ්‍රී ලංකාවේ බෞද්ධ ප්‍රබෝධය හා බුද්ධ ශාසනයේ චිරස්ථතිය වෙනුවෙන් එතුමන් විසින් ඉටු කරනු ලබන සේවාවන් වචනයෙන් කියා නිම කළ නොහැකි තරම්ය. කතරගම ඓතිහාසික කිරිවෙහෙර ප්‍රතිසංස්කරණ කටයුතු අඩපණ වී ඇණහිට තිබූ අවස්ථාවේ එතුමා කිරි වෙහෙර ප්‍රතිසංස්කරණ සමිතියේ සභාපතිත්වය භාරගෙන පෞද්ගලිකව එම කටයුතු මෙහෙයවමින් එම කාර්ය නිමකරවා ඇත. 1960 සිට 1978 දක්වා කොළඹ තරුණ බෞද්ධ සංගමයේ සභාපති වශයෙන් පුරා අවුරුදු 19 තිස්සේ කටයුතු කළ කාලය තුළ කොළඹ කොටුවේ තරුණ බෞද්ධ සමිති ගොඩනැඟිලි සංකීර්ණය හා බොරැල්ලේ තරුණ බෞද්ධ සමිතියේ ප්‍රධාන කාර්යාල ගොඩනැඟිලි සංකීර්ණය ඉදිකරවීමට ද කටයුතු කර ඇත.

අලුත්ගම කන්දෙවිහාරය, පාණදුර පිංවත්ත සද්ධර්මාකර පිරිවෙන, බම්බලපිටිය වජිරාරාමය, හුණුපිටිය ගංගාරාමය, බෙල්ලන්විල රජ මහා විහාරය, කුප්පියාවත්ත ජයශේඛරාරාමය වැනි විහාරස්ථාන රාශියක සංවර්ධන කටයුතු සඳහා ආධාර වශයෙන් ලබා දී ඇත. ලන්ඩන් බෞද්ධ විහාරය සහ සැවැත්නුවර ආනන්ද බෝධියේ ප්‍රතිසංස්කරණ කටයුතු සඳහා ද එතුමා මැදිහත් වී ඇත. මහා බෝධි සංගමය, තරුණ බෞද්ධ සංගමය, සමස්ථ ලංකා බෞද්ධ මහා සම්මේලනය වැනි බෞද්ධාගමික සංවිධාන වල අනුශාසක / සභාපති වැනි තනතුරු දරමින් ක්‍රියාකාරීව සහභාගී වූ එතුමා දිවයිනේ පිරිවෙන් රැසක තිබූ අඩුපාඩු සොයා බලා ඒවා සපුරාලීමට නොමසුරුව පරිත්‍යාගයන් ලබා දී ඇත.

ශාසනික සේවයට අමතර කළුතර නාගොඩ ප්‍රදේශයේ ප්‍රථම වරට මෝටර් රථ බැටරි සමඟ බයිසිකල් ටයර් සහ ටියුබ් නිෂ්පාදන කර්මාන්ත ශාලාවක් ආරම්භ කරන ලද්දේ ශ්‍රීමත් සිරිල් ද සොයිසා විසිනි. එම ව්‍යාපාරය තවදුරටත් ව්‍යාප්ත කරමින් ටයර් නැවත පිරවීම, විදුලි කේබල් නිෂ්පාදනය සහ ශීතකරණ නිෂ්පාදනය දක්වා විහිදුනි. කර්මාන්ත ශාලා සහ වෙළෙඳ සංකීර්ණ තුළ රැකියා අවස්ථා දහස් ගණනක් උත්පාදනය කළේය. සවුත් වෙස්ටන් බස් සමාගම ලෙස පසුව නම් කරන ලද ස්වර්ණපාලි ‍බස් සමාගම මගින් ද මගීන්ට ප්‍රවාහන පහසුකම් මෙන්ම, රැකියා ලබාදීමට ද ඔහුට හැකි විය. 1957 දී බස් ප්‍රවාහනය ජනසතු කළ විට ශ්‍රීමත් සිරිල්, ඔහුගේ සොහොයුරා වන වී. ටී. ද සොයිසා අමතා දැනුම් දුන්නේ සියලු බස් රථ අලුත්වැඩියා කර ගෙවී ගිය ටයර් වෙනුවට නව ටයර් යොදා රජයට භාර දෙන ලෙසයි. මීට අමතරව ඔහු විසින් තම උපන් ගම වන බලපිටියේ ආරම්භ කරන ලද රෙදි විවීමේ මධ්‍යස්ථානය හරහා ගම්වාසීන් 1500කට පමණ රැකියා අවස්ථා හිමි විය. ශ්‍රීමත් සිරිල් තම සේවකයන්ගෙන් බලාපොරොත්තු වූ අවංක පැය 08 ක සේවය වෙනුවෙන් දිනකට පැය 16 ක් වැඩ කළ අයකු බව ප්‍රකටය.

කළුතර වෙනුවෙන් ඔහු විසින් සිදුකරන ලද අමතක කළ නොහැකි තවත් කර්තව්‍යයක් වනුයේ කළුතර විද්‍යාලය සහ කළුතර බාලිකා විද්‍යාලය ආරම්භ කිරීමයි. මේ වන විට කළුතර නගරයේ ප්‍රමුඛතම සහ ජනප්‍රියතම පාසල් ලෙස පවතින්නේ මේ පාසල් ය. එම පාසල්වල ගෞරවනීය ආදි සිසුන් අද සමාජයේ විවිධ ක්ෂේත්‍ර තුළ විශිෂ්ට මෙහෙයන් ඉටුකරමින් සිටී. එසේම බෝබුවෙල රබර් වතු යායේ පිහිටි ඔහුගේ බංගලාව වැඩිහිටි නිවාසයක් බවට පත් කරන ලද අතර මනාව නඩත්තු කෙරේ.

ශ්‍රීමත් සිරිල් ද සොයිසා සමාජ සේවකයකු ලෙස විවිධ සමිති සංවිධාන තුළ විවිද තනතුරු හා සාමාජිකත්වය හෙබවූයේය. කොළඹ තරුණ බෞද්ධ සංගමය, සමස්ත ලංකා බෞද්ධ කොංග්‍රසය, මහා බෝධි සංගමය, නීති සංගමය, අඳ සහ බිහිරි ජාතික මණ්ඩලය, ළමා ආරක්ෂක සංගමය, ලංකා පිළිකා සංගමය, ක්ෂය රෝගය වැළැක්වීමේ ලංකා ජාතික සංගමය, කළුතර නගර සමාජය, සිංහල ක්‍රීඩා සමාජය, බාලදක්ෂ සංගමය ආදිය ඉන් සමහරකි.

ඔහු සමඟ කටයුතු කළ සියලු දෙනාම ඔහුගේ හැකියාව, දක්ෂතාව සහ නායකත්වය පිළිබඳව කෘතවේදීව සිහිපත් කරයි. මේ ගුණාංග නිසාම ඔහු මේ සංවිධානවල නායකත්වය ලැබීය. සමාජයීය සහ ව්‍යාපාරික ක්‍රියාකාරකම් ක්‍රියාකාරකම් අතර ඔහු වෘත්තිය නීතිඥවරයෙකි. ඔහු කළුතර දක්ෂ අපරාධ නීතිඥවරයකු ලෙස ප්‍රකටය. වසර නවයක් වැනි දිගු කාලයක් ලංකා නීතිඥ සංගමයේ සභාපති ලෙස ඔහු ඉමහත් මෙහෙයක් සිදු කරනු ලැබීය. කොළඹ අධිකරණ සංකීර්ණය තුළ බොහෝ ගොඩනැඟිලි ඉදිකරනු ලැබුවේ ඔහු නීතිඥ සංගමයේ සභාපති වශයෙන් කටයුතු කරන කාලයේ දීය.

ශ්‍රීමත් සිරිල් දේශපාලනයේ ක්‍රියාකාරී පුද්ගලයකු නොවුවද ඔහු සෙනෙට් සාමාජිකයකු ලෙස නම් කරන ලද්දේය. ඔහුගේ හැකියාව වෙනුවෙන් සමාජය දක්වන ලද ගෞරව සම්මාන එය විය. ඔහු සැලකිය යුතු කාලයක් සෙනෙට් සභාවේ නියෝජ්‍ය සභාපති සහ සභාපති ලෙස සේවය කළේය. මෙම ලිපිය තුළින් ශ්‍රීමත් සිරිල් විසින් දේශය සහ ජාතිය වෙනුවෙන් සිදු කරන ලද දැවැන්ත මෙහෙවර පිළිබඳ යම් කිසි වැටහීමක් ලබාගත හැකිය. ඔහු ඉන්දියාවේ උපත ලැබුවේ නම් අනිවාර්යයෙන්ම ඔහු දේවත්වයෙන් සලකනු ඇති අතර ලැබිය යුතු සියලු ගරු බුහුමන් ද ප්‍රශංසා ද හිමිකර ගනු ඇත. ඔහු විසින් ගන්නා ලද වෑයම සාර්ථක ලෙස අනුගමනය කරන බව සහ ඔහුගේ අපේක්ෂාව පරිදි ඵල දරා ඇති බව සඳහන් කිරීම සතුටකි.

එතුමා විසින් දේශය වෙනුවෙන් ඉටු කළ සේවාව පිළිබඳව මෙවැනි කෙටි ලිපියකින් කියා නිම කළ නොහැකි හෙයින් මෙහි සඳහන් කරන ලද්දේ ඉතාම කෙටි විස්තරයක් පමණි. මෙතුමා ඉන්දියාවේ උපත ලද්දේ නම් අද එතුමා දේවත්වයෙන් සලකා ගරු බුහුමන් ලැබීමට සුදුස්සෙකු වනු ඇත. ශ්‍රී ලංකාවට දෙවියෙකු බඳුවූ මේ මානව හිතවාදියා 1978 ජනවාරි මස 02 වැනි දින අභාවප්‍රාප්ත වුවද එතුමන් විසින් ආරම්භ කළ සද්ක්‍රියාවන් රැසක් තවමත් මෙරට තුළ ඉතා කාර්යක්ෂමව එතුමාගේ බලාපොරොත්තු ඉටු කරමින් සාර්ථකව පවත්වාගෙන යනු දක්නට ලැබීම සතුටට කරුණකි. 20 වැනි සිය වසේදී ශ්‍රී ලංකාවට අමරණීය සේවයක් ලබාදුන් මේ ජාතික වීරවරයාට ගෞරවය පුද කරමින් එතුමාට ඉතා ඉක්මනින්ම ධර්මාබෝධය ලැබේවායි ප්‍රාර්ථනය කරමි.

සටහන
කරු ජයසුරිය
කථානායක ශ්‍රී ලංකා පාර්ලිමේන්තුව
විශේෂ ස්තූතිය - http://www.silumina.lk