ගල්කිස්ස ශාන්ත තෝමස් විද්‍යාලයේ ආදි ශිෂ්‍යයෙකු හා හිටපු බාලදක්ෂ ප්‍රධාන කොමසාරිස් වරයෙකු වූ බෙල්ලන විදානලාගේ රෙක්ස් ජයසිංහ මහතා ජනප්‍රියත්වයට පත් වූයේ රෙක්ස් ජයසිංහ නමිනි.
ලෝකයේ තීරණාත්මක යුගයක් වූ 1931වසරේ ජුනි මස 14 වන දින උපත ලැබූ ඒ මහතා 1937
සිට 1949 දක්වා ගල්කිස්ස ශාන්ත තෝමස් විද්‍යාලයට ඇතුලත් වූ අතර එහි ආරම්භක සිසුන්ගෙන් එක් අයෙකු විය. ගල්කිස්ස ශාන්ත තෝමස් විද්‍යාලය යනු ඇන්ග්ලිකානු ක්‍රිස්තු සභාවට අයත්
පාසලකි. ප්‍රාථමික සහ ද්විතීක අධ්‍යාපනය සපයන්නාවූ ශ්‍රී ලංකාවේ කීර්තිමත්
නාමයක් හිමි ප්‍රථම පෙළේ පාසලක් විය. 2වන ලෝකයුධ සමයේදී ගල්කිස්ස ශාන්ත තෝමස් විද්‍යාලය තාවකාලිකව රෝහල බවට පත් වූ බැවින් ගුරුතලාවේ ශාන්ත තෝමස් විද්‍යාලයට මෙම සිසුන් මාරුකර විදයාලය අඛණ්ඩව පවත්වාගෙන යනු ලැබිණ. ගුරුතලාවේ සිට අධ්‍යාපන ලැබීමෙන් අනතුරුව රෙක්ස් ජයසිංහ මහතා වැඩිදුර අධ්‍යාපනය සඳහා පේරාදෙණිය විශ්ව විදයාලයට ඇතුලත්වීමේ වරම් ලැබීය. 1988
දී භූගෝල විද්‍යාව සඳහා B.A.(විශේෂ) දිනා ගැනීමෙන් පසු රජයේ සේවකයෙකු ලෙස විවිධ ආයතන රැසක සේවය කරනු ලැබීය.
1988දී ඔහු ශ්‍රී ලංකා බාලදක්ෂ සංගමයේ ප්‍රධාන කොමසාරිස්වරයා බවට පත් විය. මෙම වකවානුවේදී බාලදක්ෂ සංවර්ධනය වෙනුවෙන් කැපවී කටයුතු කලේය. එවකට ශ්‍රී ලංකා ජනාධිපතිතුමා රණසිංහ ප්‍රේමදාස මහතාගේ වකවානුවේදී "සාර්ක් ජම්බෝරිය" යන අදහස යෝජනා කොට ක්‍රියාත්මක කරනු ලැබූ අතර 1989 දී ඕස්ට්රේලියාවේ දී පැවැත්වූ ආසියානු පැසිෆික් කලාපීය බාලදක්ෂ සමුළුව පවත්වනු ලැබීය.
1990දී ස්ථාපිත කරන ලද විහාර මහා දේවි උද්යානයේ දී මෙම ජාත්‍යන්තර බාලදක්ෂ කඳවුර පැවැත්වීමට සියලු කටයුතු සංවිධානය කර තිබියදී අවාසනාවකට මෙන් රෙක්ස් ජයසිංහ මහතා 1990 පෙබරවාරි මස 3 වන දින අප අතරින් සදහටම වෙන්විය.
මෙම කෙටි සටහන ශ්‍රී ලංකා බාලදක්ෂ ව්‍යාපාරය වෙනුවෙන් දහදිය හෙලූ ඒ මහතාගේ නාමය අන්තර්ජාලයේ සුරැකී තිබීම උදෙසාවෙනි.
විශේෂ ස්තූතිය
http://www.stcscouts.com
No comments:
Post a Comment