සීමා මායිම් නොමැති බාලදක්ෂ ලොවක් - ශ්‍රී ලංකා බාලදක්ෂ සංගමයේ විශේෂ අවශ්‍යතා බාලදක්ෂ අංශය

ප්‍රධාන බාලදක්ෂ කොමසාරිස් නීතිඥ මනෝජ් නානායක්කර මහතාගේ මුලික දැක්ම අනුව ශ්‍රී ලංකා බාලදක්ෂ සංගමයේ විශේෂ අවශ්‍යතා සහිත බාලදක්ෂ දරුවන් වෙනුවෙන් නව බාලදක්ෂ වැඩසටහනක් සකස්කිරීම හා එම අංශය නැවත සක්‍රීය කිරීමේ අරමුණින් පැතුත්වූ විශේෂ විශේෂ සාකච්ඡාව 2026.04.11 පැවත් විය. 

 

 

මෙම අවස්ථාවට ප්‍රධාන බාලදක්ෂ කොමසාරිස් නීතිඥ මනෝජ් නානායක්කර මහතා, ජාතික වැඩසටහන් කොමසාරිස් ගීත් රමේෂ් මහතා, ජාතික ලේකම් එම් ඊ එස් ජයසිංහ මහතා, සහාය ප්‍රධාන කොමසාරිස් චන්ද්‍රාණී ප්‍රනාන්දු මෙනවිය, සහය ප්‍රධාන කොමසාරිස් සම්පත් කාරියවසම්, මූලස්ථානකොමසාරිස් සජීව අබේවර්ධන, මූලස්ථාන කොමසාරිස් උදේශ මනුරංග මහතා ඇතුළුව ආරාධිතයන් පිරීසකගේ සහභාගීත්වයෙන් මෙම මූලික සාකච්ඡාව පැවැත්විය.

 

 

විශේෂ අවශ්‍යතා ඇති දරුවන් සඳහාා වූ නව වැඩසටහන නව මුහුණුවරකින් සැලසුම් කිරීම ප්‍රධාන කොමසාරිස්තුමන්ගේ අදහස වෙයි. ඒ අනුව පුළුල් ව්‍යාපෘතියක් ක්‍රියාත්මක කිරීමට අපේක්ෂිතය.එහිදී විශේෂ අවශ්‍යතා සහිත බාලදක්ෂ අංශය වෙනුවෙන් සංයුක්ත කමිටුවක් පත් කිරීම, නායක පුහුණුව,විෂය මාලාව අනුවර්තනය කිරීම, දිසා මට්ටමින් කණ්ඩායම් සවි බල ගැන්වීම, විශේෂ අවශ්‍යතා සහිත දරුවන් සමග වැඩ කළ හැකි තරුණ නායකයින් හඳුනා ගැනීම, නව පඳක්කම් ක්‍රමයක් හඳුන්වාදීම ට නියමිතය. බාලදක්ෂ නීතිය සහ පොරොන්දුව ට අනුගත වෙමින් සහකම්පන හැඟුමින් බාලදක්ෂයා සුපිෂ්පිත කිරීම මෙම ජාතික කටයුත්තේ ප්‍රමුඛ අරමුණ වෙයි. ඒ අනුව, ප්‍රධාන කොමසාරිස් තුමන්ගේ උපදෙස් මත විශේෂ බාලදක්ෂ අංශය නැවත ස්ථාපිත කළ අතර එහි විශේෂ කොමසාරිස් වරයා ලෙස හිටපු මූලස්ථාන කොමසාරිස් චමින්ද වාරියප්පෙරුම මහතා පත් කරන ලදී. 

 

විශේෂ ආරාධිතයින් ලෙස පැමිණි වෛද්‍ය සුලිශා පෙරේරා, ආයුර්වේද වෛද්‍ය නිරෝෂනී ලහදුපුර, අශාන්ති සහ ඉශාන්ති ස්ටෙෆන්, ග්‍රේෂන් ප්‍රනාන්දු, එම් ඩී රත්නායක, ගයිටන් මෝතා, සුදේශිකා ප්‍රේමරත්න, පර්හා ගවුස්, ඩී ඒ එන් ජී කුමාරි, එස් මාලවන් ඇතුළු පිරිස මේ සදහා සහභාගී විය.

 

විශේෂ අවශ්‍යතා බාලදක්ෂ අංශය" (Special Scouting Section)

බාලදක්ෂ ව්‍යාපාරය යනු ලොව පුරා විසිරී ඇති සුවිශාලතම සහ සාර්ථකම ළමා හා යෞවන ව්‍යාපාරයයි. එහි මූලික අරමුණ වන්නේ දරුවෙකුගේ කායික, මානසික සහ සමාජීය හැකියාවන් වර්ධනය කරමින් ඔවුන් වගකීම් සහගත පුරවැසියන් ලෙස සමාජයට දායාද කිරීමයි. මෙම අරමුණ සාක්ෂාත් කර ගැනීමේදී කිසිදු දරුවෙකු අතහැර නොදැමීම බාලදක්ෂ ව්‍යාපාරයේ උදාර පරමාර්ථයකි.

ශ්‍රී ලංකා බාලදක්ෂ සංගමය විසින් දෘෂ්‍යාබාධිත (Blind) සහ ශ්‍රවණාබාධිත (Deaf) දරුවන් සඳහා ද විශේෂ බාලදක්ෂ ඒකක පවත්වාගෙන යනු ලබයි. මෙවැනි බාලදක්ෂ ඒකක බොහෝ විට විශේෂ අධ්‍යාපන ආයතන ආශ්‍රිතව ක්‍රියාත්මක වේ (උදා: රත්මලාන බිහිරි හා අන්ධ විද්‍යාලය). කිංග්ස්ලි ක්ලැරන්ස් දසනායක මහතා රත්මලාන බිහිරි හා අන්ධ විද්‍යාලයේ මුල්ම දේශීය විදුහල්පතිවරයා වූ අතර, ඔහු විශේෂ අවශ්‍යතා සහිත දරුවන්ගේ බාලදක්ෂ කටයුතු ප්‍රවර්ධනය කිරීමට විශාල දායකත්වයක් ලබා දුන්නේය. 

විශේෂ අවශ්‍යතා බාලදක්ෂ අංශය යනු කුමක්ද?

ශ්‍රී ලංකා බාලදක්ෂ ව්‍යාපාරය යටතේ විශේෂ අවශ්‍යතා සහිත දරුවන් වෙනුවෙන්ම ක්‍රියාත්මක වන ප්‍රධාන අංශය "විශේෂ බාලදක්ෂ අංශය" (Special Needs Scouting) ලෙස හැඳින්වේ. මෙම අංශය මඟින් ආබාධිත දරුවන්ට තම කායික හෝ මානසික සීමාවන් නොතකා, සාමාන්‍ය බාලදක්ෂ අත්දැකීම් විඳ ගැනීමටත්, ස්වයං විශ්වාසය ගොඩනඟා ගැනීමටත් අවස්ථාව සලසා දෙයි. මෙහිදී සාමාන්‍ය බාලදක්ෂ වැඩසටහන් දරුවාගේ හැකියාවන්ට ගැලපෙන පරිදි වෙනස් කර (Adapted Scouting) ඉදිරිපත් කරනු ලැබේ.

අගුනෝරිය (Agoonoree): සහෝදරත්වයේ මහා හමුව

විශේෂ අවශ්‍යතා සහිත බාලදක්ෂයන් සහ සාමාන්‍ය දරුවන් එක්ව පවත්වන ජාත්‍යන්තර හෝ දේශීය බාලදක්ෂ එකමුතුව "අගුනෝරිය" ලෙස හැඳින්වේ. ග්‍රීක භාෂාවේ "Agon" (යහපත් හමුවක්) සහ "Jamboree" යන වචන එකතු වීමෙන් මෙම නාමය සෑදී ඇත. ශ්‍රී ලංකාවේ ප්‍රථම අගුනෝරිය 2002 වසරේදී ගාල්ලේදී පවත්වන ලද අතර, 2016 වසරේදී රත්මලාන අන්ධ විද්‍යාලයේදී ජාතික මට්ටමේ කඳවුරක් ද පවත්වන ලදී.

විශේෂ අවශ්‍යතා සහිත බාලදක්ෂ ක්‍රියාවලියෙන් ලැබෙන ප්‍රතිලාභ

බාලදක්ෂ ව්‍යාපාරයට එක්වීමෙන් විශේෂ අවශ්‍යතා සහිත දරුවන්ට ලැබෙන වාසි රැසකි:

• ආත්ම විශ්වාසය වර්ධනය වීම: කුඩා ජයග්‍රහණයක් පවා "මටත් පුළුවන්" යන හැඟීම ඔවුන් තුළ ඇති කරයි.

• නිල ඇඳුමෙන් ලැබෙන ගෞරවය: බාලදක්ෂ නිල ඇඳුම හැඳීමෙන් ඔවුන් සාමාන්‍ය දරුවන් හා සමාන බවක් හැඟෙන අතර එය ඔවුන්ගේ ආත්ම අභිමානය ඉහළ නංවයි.

• සමාජීය කුසලතා: කණ්ඩායම් (Patrols) ලෙස වැඩ කිරීමෙන් සහයෝගීතාවය සහ මිත්‍රත්වය වර්ධනය වේ.

• ස්වාධීනත්වය: කඳවුරු බැඳීම වැනි ක්‍රියාකාරකම් හරහා තමන්ගේ එදිනෙදා වැඩ තනිවම කර ගැනීමට ඔවුන් පුහුණු වේ.

ශ්‍රී ලංකා බාලදක්ෂ සංගමයේ අරමුණ වන්නේ දිවයින පුරා ඇති සෑම බාලදක්ෂ දිස්ත්‍රික්ක 37 කම අවම වශයෙන් එක් විශේෂ අවශ්‍යතා සහිත බාලදක්ෂ කණ්ඩායමක් බැගින් ආරම්භ කිරීමයි. එමෙන්ම බ්‍රේල් ක්‍රමයට සකස් කළ අත්පොත් සහ සංඥා භාෂා මාධ්‍යයෙන් ක්‍රියාකාරකම් හඳුන්වා දීම හරහා මෙම දරුවන්ට බාලදක්ෂ ව්‍යාපාරයේ සක්‍රීය කොටස්කරුවන් වීමට මඟ පෑදේ.

ශ්‍රී ලංකා බාලදක්ෂ සංගමය විසින් මේ වන විට "විශේෂ අවශ්‍යතා බාලදක්ෂ අංශය" (Special Scouting Section) යළි පණ ගන්වා ඇත. මෙහි ප්‍රධාන අරමුණු වන්නේ:

1. සෑම දිස්ත්‍රික්කයකම විශේෂ අවශ්‍යතා සහිත බාලදක්ෂ කණ්ඩායම් ඇති කිරීම.

2. මෙම දරුවන් සමඟ කටයුතු කරන බාලදක්ෂ නායකයින් සඳහා විශේෂ පුහුණු පාඨමාලා පැවැත්වීම.

3. ජාතික ජම්බෝරි (National Jamborees) වලදී ඔවුන් වෙනුවෙන්ම වෙන්වූ විශේෂ කඳවුරු ප්‍රදේශ සහ පහසුකම් සැලසීම.

විශේෂ අවශ්‍යතා සහිත දරුවෙකු බාලදක්ෂයෙකු ලෙස ආයෝජනය කිරීමේදී නායකයාගේ කාර්යභාරය ඉතා වැදගත් වේ.

"බාලදක්ෂ ව්‍යාපාරය යනු දරුවාගේ හැකියාවන් මිස, නොහැකියාවන් මනින තැනක් නොවේ."

බාලදක්ෂ ව්‍යාපාරය යනු දරුවාගේ හැකියාවන් මිස, නොහැකියාවන් මනින තැනක් නොවේ. එන්න, අපි සැවොම එක්ව මෙම විශේෂ දරුවන්ටත් ලෝකය දකින්නට සහ ජය ගන්නට අවස්ථාව ලබා දෙමු!

ලෝක බාලදක්ෂ ව්‍යාපාරයේ නිර්මාතෘ බේඩන් පවෙල් සාමිතුමාගේ 169 වැනි ජන්ම දින සමරුව

ලෝක බාලදක්ෂ නිර්මාතෘ දින සමරුව 2026

ලෝක බාලදක්ෂ ව්‍යාපාරයේ නිර්මාතෘ රොබට් ස්ටීවන්සන් බේඩන් පවෙල් සාමිවරයාගේ (Robert Baden-Powell) ජන්ම දිනය වන පෙබරවාරි 22 වන දින ලෝක බාලදක්ෂ ව්‍යාපාරයේ නිර්මාතෘ දිනය (Founders' Day) හෙවත් බී.පී. දිනය ලෙස සමරනු ලබයි. මෙම දිනය ලොව පුරා බාලදක්ෂයින් විසින් සිය නිර්මාතෘවරයා සිහිපත් කිරීම සඳහා විශේෂ උත්සව පවත්වනු ලබන දිනයකි. 

 

 

 

ලොව පුරා රටවල් 200ක මිලියන 60කට අධික ජනගහනයකින් යුත් බාලදක්ෂයන් විසින් ලෝක බාලදක්ෂ ව්‍යාපාරයේ නිර්මාතෘ රොබට් ස්ටීස්ටීවන්සන් බේඩන් පවෙල් සාමිතුමාගේ 169 වැනි ජන්ම සංවත්සරය සෑම වසරකම මස පෙබරවාරි 22 වැනි දින සමරනු ලබයි. ලෝක බාලදක්ෂ ව්‍යාපාරයේ නිර්මාතෘ රොබට් ස්ටීස්ටීවන්සන් බේඩන් පවෙල් සාමිතුමාගේ 169 වැනි ජන්ම දිනය හෙවත් “ලෝක බාලදක්ෂ දිනය” සැමරුම් උලෙළ අගමැතිනි, ආචාර්ය හරිනි අමරසූරිය මෙණෙවියගේ ප්‍රධානත්වයෙන් ශ්‍රී ලංකා බාලදක්ෂ මූලස්ථානයේ දී 2026.02.22 වැනිදා පැවැත්වේ. මීට සමගාමීව පැවැත්වෙන ජාතික උලෙළ ප්‍රධාන බාලදක්ෂ කොමසාරිස් නීතිඥ මනෝජ් නානායක්කාර මහතාගේ ප්‍රධානත්වයෙන් එදින ගාල්ල දිස්ත්‍රික්කය කේන්ද්‍ර කරගනිමින් පැවැත්වෙන අතර, ශ්‍රී ලංකා බාලදක්ෂ සංගමය සහ ගාල්ල දිසා බාලදක්ෂ සංගමය එක්ව මෙය සංවිධානය කරයි. එදින සරුංගල් තරග, ජයග්‍රාහකයන්ට සහතිකපත් ප්‍රදානය, බීපී දින සැමරුම සහ මහජන ගිනිමැලයක් ද පැවැත්වේ.  

 

බාලදක්ෂ ප්‍රතිඥාව – ජීවිතයට මඟපෙන්වීමක්

බාලදක්ෂ ව්‍යාපාරය යනු ක්‍රීඩා හෝ කඳවුරු පමණක් නොව, ජීවිතය සඳහා වටිනා පාඩම් ලබාදෙන පාසලකි. “සෑම විටම සූදානම්” යන සූත්‍රය යටතේ බාලදක්ෂයින් සෑම දිනකම යහපත් ක්‍රියාවක් කිරීමට කැපවෙති.

මෙම දිනය බාලදක්ෂ ප්‍රතිඥාව හා නීති පිළිපදිමින් “සෑම දිනම යහපත් ක්‍රියාවක්” සිදු කිරීමට නැවත කැපවීමටද මතක් කර දෙයි.  මෙම දිනය අපට මතක් කර දෙන්නේ

🔹 සෑම විටම සත්‍යයට හා යහපත්කමට කැපවී සිටීම
🔹 සමාජයට සේවය කිරීම
🔹 සහෝදරත්වය හා එකමුතුව රැකගැනීම
🔹 “සෑම දිනම යහපත් ක්‍රියාවක්” සිදු කිරීම

අපි අද දින බාලදක්ෂ ප්‍රතිඥාව නැවත සිහිපත් කරමින්, වඩා හොඳ ලෝකයක් ගොඩනැගීමට අපගේ වගකීම ඉටු කිරීමට කැප වෙමු.

වඩා හොඳ පුද්ගලයෙකු වීමට,
වඩා හොඳ පුරවැසියෙකු වීමට,
වඩා හොඳ ලෝකයක් ගොඩනැගීමට අපට ඇති වගකීමයි.

අවසන් වශයෙන්

ලෝක බාලදක්ෂ නිර්මාතෘ දිනය යනු හුදෙක් ඉතිහාසය සිහිපත් කරන දිනයක් පමණක් නොව, අනාගතය සඳහා නව කැපවීමක් කරන දිනයකි. බේඩන් පවෙල්ගේ දර්ශනය අනුව, තරුණ පරපුර තුළ යහපත් නායකත්ව ගුණ වර්ධනය කරමින්, එකමුතුවෙන් හා සහෝදරත්වයෙන් සමාජයට සේවය කිරීම අප සැමගේ වගකීමකි.

 

22වැනි ප්‍රධාන බාලදක්ෂ කොමසාරිස් ධූරයට නීතිඥ මනෝජ් නානායක්කාර

ශ්‍රී ලංකා බාලදක්ෂ සංගමයේ නව ප්‍රධාන බාලදක්ෂ කොමසාරිස් ලෙස නීතිඥ මනෝජ් නානායක්කාර මහතා ශ්‍රී ලංකා බාලදක්ෂ සංගමයේ (SLSA) 22වැනි ප්‍රධාන කොමසාරිස්වරයා ලෙස පත්කර තිබේ. නීතිඥ ජනප්‍රිත් ප්‍රනාන්දු මහතාගේ සිව්වසරක ධූර කාලයෙන් පසු එම තනතුරින් නික්මයෑමත් සමඟ ඇති වූ පුරප්පාඩුව සඳහා ප්‍රධාන බාලදක්ෂයා විසින් මෙම නව පත්කිරීම සිදුකර තිබේ. 1957 අංක 13 දරන බාලදක්ෂ පනතේ විධිවිධාන ප්‍රකාරව ජනාධිපති අනුර කුමාර දිසානායක මහතා විසින් මෙම පත් කිරීම සිදු කර ඇත. ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක මහතා විසින් 2025.01.13 පස්වරුවේ ජනාධිපති කාර්යාලයේදී ඒ මහතා වෙත භාර දෙනු ලැබීය.

කනිෂ්ඨ බාලදක්ෂයෙකු ලෙස පන්නිපිටිය ක්‍රිස්තුරාජ විද්‍යාලයීය පළමුවන හෝමාගම බාලදක්ෂ කණ්ඩායමට 1989 වර්ෂයේදී එක් වූ ඒ මහතා දිසා කොමසාරිස්වරයෙකු, බාලදක්ෂ දිසා පුහුණු කිරීමේ මණ්ඩලයේ සභාපතිවරයෙකු ලෙස මෙන්ම ප්‍රධාන බාලදක්ෂ කොමසාරිස්වරයාගේ නීති උපදේශක ලෙස කටයුතු කර තිබේ.

ජාතික මට්ටමේ ප්‍රධාන බාලදක්ෂ වැඩසටහන් රැසක් මෙහෙයවා ඇති ඒ මහතා ජාතික මානවක සමුළුවේ සංවිධායක කමිටු සාමාජිකයෙකු, ජාතික කබෝරියේ ජාතික සංවිධායක කමිටු සාමාජිකයෙකු ආදී තනතුරු රැසක් දරමින් මෙරට බාලදක්ෂ ව්‍යාපාරය තුළ සුවිශේෂ මෙහෙවරක් ඉටු කර ඇත. එමෙන්ම, ජාතික මට්ටමේ ප්‍රධාන බාලදක්ෂ වැඩසටහන් රැසක් මෙහෙයවා ඇති මනෝජ් නානායක්කාර මහතා, ජාතික මානවක සමුළුවේ සංවිධායක කමිටු සාමාජිකයෙකු, ජාතික කබෝරියේ ජාතික සංවිධායක කමිටු සාමාජිකයෙකු ආදී තනතුරු රැසක් භාරගෙන මෙරට බාලදක්ෂ ව්‍යාපාරය තුළ සුවිශේෂ මෙහෙවරක් ඉටු කර තිබේ.

இலங்கை சாரணர் சங்கத்தின் தலைமை சாரணர் ஆணையாளராக சட்டத்தரணி மனோஜ் நாணாயக்கார நியமனம்

இலங்கை சாரணர் சங்கத்தின் புதிய தலைமை சாரணர் ஆணையாளராக சட்டத்தரணி மனோஜ் நாணாயக்கார நியமனிக்கப்பட்டுள்ளார்.
1957 ஆம் ஆண்டு 13 ஆம் இலக்க சாரணர் சட்ட விதிகளின்படி, இந்த நியமனம் ஜனாதிபதி அநுர குமார திசாநாயக்கவினால் வழங்கப்பட்டுள்ளது.
இதற்கான நியமனக் கடிதத்தை ஜனாதிபதியின் செயலாளர் கலாநிதி நந்திக சனத் குமாநாயக்க இன்று (13) பிற்பகல் அவரிடம் கையளித்தார்.
கனிஷ்ட சாரணராக பன்னிப்பிட்டிய கிறிஸ்துராஜ கல்லூரியின், முதல் ஹோமாகம சாரணர் குழுவில் 1989 ஆம் ஆண்டு இணைந்த இவர், பின்னர் பதில் மாவட்ட ஆணையாளராகவும்,
சாரணர் மாவட்ட பயிற்சி சபையின் தலைவராகவும், தலைமை சாரணர் ஆணையாளரின் சட்ட ஆலோசகராகவும் பணியாற்றியுள்ளார்.
தேசிய அளவிலான சாரணர் நிகழ்ச்சித் திட்டங்களுக்கு தலைமை வகித்துள்ள அவர் ,தேசிய மனிதநேய மாநாட்டின் ஏற்பாட்டுக் குழுவின் உறுப்பினர் மற்றும் தேசிய கபோரியவின் தேசிய ஏற்பாட்டுக் குழுவின் உறுப்பினர் உட்பட பல பதவிகளை வகித்து, இந்நாட்டின் சாரணர் இயக்கத்திற்கு பல சேவைகளை செய்துள்ளார்.

Attorney Manoj Nanayakkara appointed as Chief Scout Commissioner of the Sri Lanka Scout Association

Attorney-at-Law Manoj Nanayakkara has been appointed as the new Chief Scout Commissioner of the Sri Lanka Scout Association.
The appointment was made by President Anura Kumara Dissanayake in terms of the provisions of the Scouts Ordinance No. 13 of 1957.
The letter of appointment was handed over to him this afternoon (13) at the Presidential Secretariat by the Secretary to the President, Dr Nandika Sanath Kumanayake.
Mr Nanayakkara joined the 1st Homagama Scout Troop of Christ the King College, Pannipitiya, in 1989 as a Cub Scout. He has since served as an Acting District Commissioner, President of the District Scout Training Board and as Legal Adviser to the Chief Scout Commissioner.
He has conducted many major national Scout programmes and has rendered outstanding service to the Sri Lankan Scout Movement as a member of the organising committee of the National Jamboree and as a member of the National Organising Committee of the National Cubboree. 

Brief Scout Background of Chief Scout Commissioner Attorney Manoj Nanayakkara

1. Joined the Scout Movement in 1989 as a Junior Scout at the 1st Homagama Scout Troop of Christ the King College, Pannipitiya, and served until 1991.

2. Served as a Senior Scout in the same troop from 1991 to 1997.

3. Served as an Assistant Scout Leader from 1998 to 2000 at the 1st Homagama Scout Troop of Christ the King College, Pannipitiya.

4. Served as a Scout Leader from 2000 to 2013 at the same troop.

5. Achieved the Wood Badge, the highest qualification attainable by a Scout Leader in the World Scout Movement.

6. Served as a District Scout Leader attached to the Homagama Scout District from 2012 to 2015.

7. Served as an Assistant District Commissioner of the Homagama Scout District from 2015 to 2020.

8. During his tenure as Assistant District Commissioner, he held responsibilities in multiple subject areas including:

Public Relations

Headquarters Administration

Training

General Administration

District Coordination Secretariat

9. Served as Acting District Commissioner of the Homagama Scout District on several occasions between 2015 and 2020.

10. Served as Chairman of the Homagama District Scout Training Board from 2017 to 2020.

11. Served as Legal Advisor to the Chief Scout Commissioner from 2017 to 2019.

12. Led and facilitated numerous national-level Scout programs during 2017–2019.

13. Served as a member of the Organizing Committee of the National Gilwell Reunion held in Homagama in 2018.

14. Served as a member of the Organizing Committee of the National Rover Moot in 2019.

15. Served as a member of the National Organizing Committee of the National Cuboree in 2019.

16. Served as a member of the Organizing Committee of the National Gilwell Reunion held in Mullaitivu in 2019.

17. Served as a member of the Editorial Board of the official Scout publication “The Scout” at the National Scout Headquarters from 2015 to 2020.

 

 

ශ්‍රී ලංකා බාලදක්ෂ සංගමයේ ප්‍රධාන බාලදක්ෂ කොමසාරිස් ලෙස නීතිඥ මනෝජ් නානායක්කාර මහතා පත් කෙරේ

ශ්‍රී ලංකා බාලදක්ෂ සංගමයේ නව ප්‍රධාන බාලදක්ෂ කොමසාරිස් ලෙස නීතිඥ මනෝජ් නානායක්කාර මහතා පත් කර තිබේ.

1957 අංක 13 දරන බාලදක්ෂ පනතේ විධිවිධාන ප්‍රකාරව ප්‍රධාන බාලදක්ෂ ජනාධිපති අනුර කුමාර දිසානායක මහතා විසින් මෙම පත් කිරීම සිදු කර ඇත.

ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක මහතා විසින් අද (13) පස්වරුවේ ජනාධිපති කාර්‍යාලයේදී ඒ මහතා වෙත භාර දෙනු ලැබීය.

ශ්‍රී ලංකා බාලදක්ෂ සංගමයේ ප්‍රධාන බාලදක්ෂ කොමසාරිස් නීතීඥ මනෝජ් නානායක්කාර මහතාගේ බාල දක්ෂ ඉතිහාසය සංක්ෂිප්තව...

1. කණිෂ්ඨ බාලදක්ෂයෙකු ලෙස පන්නිපිටිය ක්‍රිස්තුරාජ විද්‍යාලිය පළමුවන හෝමාගම බාලදක්ෂ කණ්ඩායමට 1989 වර්ෂයේදී එක් වී 1991 දක්වා කටයුතු කිරීම.

2. එම බාල දක්ෂ කණ්ඩායමේ ජ්‍යෙෂ්ඨ බාලදක්ෂයෙකු ලෙස 1991-1997 කාලය තුළ කටයුතු කිරීම

3. සහාය බාලදක්ෂ නායකයෙකු (Assistant leader) ලෙස 1998 - 2000 කාලයේ පන්නිපිටි ක්‍රිස්තුරාජ විද්‍යාලීය පළමු වන හෝමාගම බාලදක්ෂ කණ්ඩායමේ කටයුතු කිරීම.

4. බාලදක්ෂ නායකයෙකු ලෙස 2000 – 2013 කාලය තුළ පන්නිපිටිය ක්‍රිස්තුරාජ විද්‍යාලීය පළමු ව= හෝමාගම බාලදක්ෂ කණ්ඩායමේ කටයුතු කිරීම.

5. ලෝක බාලදක්ෂ ව්‍යාපාරය තුළ බාලදක්ෂ නායකයෙකුට හිමිකර ගත හැකි ඉහළම පදක්ක හෙවත් බාලදක්ෂ උපාධිය යනුවෙන් හඳුන්වන ලී පදක්කම (Wood Badge) හිමිකරගත් බාලදක් නායකයෙකු වීම.

6. දිස්ත්‍රික් බාලදක්ෂ නායකයෙකු ලෙස 2012 - 2015 කාලය තුළ හෝමාගම බාලදක්ෂ දිසාව අනුයුක්තව කටයුතු කිරීම.

7. සහය දිසා කොමසාරිස්වරයෙකු ලෙස 2015- 2020 කාලය තුළ හෝමාගම බාලදක්ෂ දිසාව අනුයුක්තව කටයුතු කිරිම.

8. සහාය දිසා කොමසාරිස්වරයෙකු ලෙස කටයුතු කරන කාලය තුළ හෝමාගම බාලදක්ෂ දිසාවේ,

මහජන සම්බන්ධතා සහාය දිසා කොමසාරිස්,

මුලස්ථාන සහය දිසා කොමසාරිස්,

පුහුණු කිරීමේ සහාය දිසා කොමසාරිස්,

පරිපාලන සහාය දිසා කොමසාරිස්,

දිසා සම්බන්ධීකරණ ලේකම් සහාය දිසා කොමසාරිස්,

යන විෂයය පථයන් තුළ කටයුතු කිරීම.

9. වැඩ බලන දිසා කොමසාරිස් ලෙස 2015 - 2020 කාල සීමාව තුළ අවස්ථා කිහිපයකදීම හෝමාගම බාලදක්ෂ දිසාවේ කටයුතු කිරීම.

10. 2017 - 2020 කාලය තුළ හෝමාගම බාලදක්ෂ දිසා පුහුණු කිරීම් මණ්ඩලයේ සභාපතිවරයා ලෙ කටයුතු කිරීම.

11. 2017 - 2019 කාලය තුළ ප්‍රධාන බාලදක්ෂ කොමසාරිස්වරයාගේ නීති උපදේශක ලෙස කටයු

කිරීම.

12. 2017 - 2019 කාලය තුළ ජාතික මට්ටමේ බාල දක්ෂ වැඩ සටහන් බොහෝමයක් මෙහෙයවා තිබී

13. 2018 දී හෝමාගම දිසාවේදී පැවති ජාතික ගිල්වෙල් හමුවේ සංවිධායක කමිටු සාමාජිකයෙකු ලෙ කටයුතු කිරීම.

14. 2019 ජාතික මානවක සමුළුවේ සංවිධායක කමිටු සාමාජිකයෙකු ලෙස කටයුතු කිරීම.

15. 2019 ජාතික කබෝරියේ ජාතික සංවිධායක කමිටු සාමාජිකයෙකු ලෙස කටයුතු කිරීම.

16. 2019 මුලතිව් හි දී පැවති ජාතික ගිල්වෙල් හමුවේ සංවිධායක කමිටු සාමාජිකයෙකු ලෙස කටයු

කිරීම.

17. 2015-2020 කාලය තුළ ජාතික බාලදක්ෂ මූලස්ථානයේ "බාල දක්ෂයා " පුවත්පතේ සංස්කර මණ්ඩල සාමාජිකයෙකු ලෙස කටයුතු කිරීම.

 

භාරත බාලදක්ෂ හා බාලදක්ෂිකා සංගමයෙන් ශ්‍රී ලංකාවට සම්මාන ත්‍රිත්වයක්

ශ්‍රී ලංකා බාලදක්ෂ සංගමයට Silver Elephant සම්මානය

ශ්‍රී ලංකා බාලදක්ෂ සංගමයේ ප්‍රධාන කොමසාරිස් වන නීතීඥ ජනප්‍රිත් ප්‍රනාන්දු මහතා, ඉන්දියාවේ ජාතික බාලදක්ෂ සංවිධානය වන භාරත් බාලදක්ෂ හා බාලදක්ෂිකා සංගමය විසින් පිරිනමන ඉහළම ජාතික සම්මානය ලබා ගෙන ඇත. “රිදී හස්තියා” සම්මානය යනු භාරත් බාලදක්ෂ හා බාලදක්ෂිකා (BSG) සංගමයේ ඉහළම සම්මානය වන අතර, එය ඉන්දියානු බාලදක්ෂ හා බාලදක්ෂිකා ව්‍යාපාරය විසින් විශිෂ්ට සේවාවක් හා විශේෂ චරිතයක් සලකා බැලීමේ ප්‍රතිඵලයක් ලෙස පිරිනමනු ලබයි.

 

 

මෙම සම්මානය බාලදක්ෂ ව්‍යාපාරය සඳහා විශිෂ්ට සහ කැපී පෙනෙන දායකත්වයක් ලබා දුන් පුද්ගලයින්ට පිරිනමන දුර්ලභ ගෞරවයකි. සම්මානලාභීන් ඔවුන්ගේ උතුම් සේවය පිළිගැනීමක් ලෙස ඉන්දීය ජනාධිපතිවරයා විසින් රාෂ්ට්‍රපති භවනයේදී සම්මාන ය ප්‍රදානය කරනු ලැබේ.

බාලදක්ෂ පොරොන්දුව සහ නීතිය අනුව ජීවත්වන, තරුණ පරම්පරාව සඳහා වඩා හොඳ ලෝකයක් අර්ප කිරීමට ජීවිතය කැප කළ සැබෑ බාලදක්ෂ ආදර්ශයක් මූර්තිමත් කරන පුද්ගලයින් වේ. තරුණ නායකත්වය වර්ධනය කිරීම, බාලදක්ෂ ව්‍යාපාරය ශක්තිමත් කිරීම සහ එය තිරසාරව පවත්වාගෙන යාම සඳහා ඔවුන් දැරූ නායකත්වය, කැපවීම සහ අඛණ්ඩ අදහසට පිළිගැනීමක් සේ රිදී අලියා සම්මානය පිරිනමනු ලැබේ.

මෙය පරාර්ථකාමී කැපවීමේ, නොසෙල්වූ උත්සාහයේ සහ තරුණ සංවර්ධනය පිළිබඳ නොසැලෙන විශ්වාසයේ සංකේතයකි. මෙම ගෞරවණීය ප්‍රදානය මීට පෙර ලබා ගත් ශ්‍රී ලාංකික  කොමසාරිස්තුමා වන්නේ හිටපු ප්‍රධාන කොමසාරිස් මහාචාර්ය නිමල් සිල්වා මහතා ය. 

මෙවර සම්මාන ප්‍රදානය උත්තර් ප්‍රදේශ් ආණ්ඩුකාර ආනන්දි බෙන් පටෙල් මහත්මිය විසින් ඉන්දියාවේ ලක්නව්හි රාජ් භවන් ආණ්ඩුකාරවරයාගේ නිල නිවසහිදී ප්‍රදානය කරන ලදී. 2025 නොවැම්බර් 23 සිට 29 දක්වා පැවැත්වෙන භාරත් බාලදක්ෂ හා බාලදක්ෂිකාවන්ගේ 19 වන ජාතික ජම්බෝරියට සමගාමීව 2025 නොවැම්බර් 26 වන දින උත්සවය පැවැත්විණි.

 

 

ජනප්‍රිත් ප්‍රනාන්දු 1979 දී 39 වන කොළඹ, ශාන්ත තෝමස් කනිෂ්ඨ පාසලේ  බාලදක්ෂ  කණ්ඩායමේ කනිෂ්ඨ බාලදක්ෂයෙකු ලෙස සිය බාලදක්ෂ ගමන  ආරම්භ කළ අතර, පාසලේ බාලදක්ෂ නායකයෙකු ලෙස කටයුතු අතර ඔහු දිසා  බාලදක්ෂ නායකයෙකු, සහකාර දිසා  කොමසාරිස්වරයෙකු ලෙස කොළඹ දිස්ත්‍රික් බාලදක්ෂ සංගමයේ සේවය කරන ලදී. 2005 - 2010 දක්වා කොළඹ කොමසාරිස් ලෙස වසර 5 ක කාලයක් සේවයෙන්  අනතුරුව  ඔහු විශේෂ කොමසාරිස්වරයෙකු ලෙස ශ්‍රී ලංකා බාලදක්ෂ සංගමයට (SLSA) පිවිසියේය, ජාත්‍යන්තර කොමසාරිස් (2011-2016), නියෝජ්‍ය ප්‍රධාන කොමසාරිස් (2016-2021) ලෙස සේවය කළ අතර දැනට ප්‍රධාන කොමසාරිස්තුමා ලෙස සේවය කරයි. එතුමා 28 වන ආසියා පැසිෆික් කලාපීය බාලදක්ෂ සමුළුවේදී, ආසියා පැසිෆික් කලාපයේ ස්වේච්ඡා සහාය උප කමිටුවේ සභාපති සහ ආසියා පැසිෆික් එවර්ග්‍රීන් බාලදක්ෂයින්ගෙ (Asia Pacific Evergreen Scouts) සාමාජික අධ්‍යක්ෂ ලෙස ශ්‍රී ලංකා බාලදක්ෂ සංගමයේ ප්‍රධාන කොමසාරිස් නීතිඥ ජනප්‍රිත් ප්‍රනාන්දු මහතා පත් කර ඇත. එමෙන්ම ලෝක බාලදක්ෂ ව්‍යාපාර සංවිධානය විසින් ඔහු නැවතත් එහි උපදේශකයකු ලෙස පත් කර ඇති අතර මෙම සියලු පත්වීම් වසර තුනක කාලයක් සඳහා වේ. උපදේශකයකු ලෙස ඔහු ලොව ප්‍රමුඛතම සහතික කිරීමේ සමාගමක් වන SGS වෙතින් ලෝක බාලදක්ෂ ව්‍යාපාර සංවිධානයට අදාළ ජාතික බාලදක්ෂ සංවිධාන පාලනය, මූල්‍ය, වර්ධනය, ආයතනික අවශ්‍යතා, උපායමාර්ගික රාමුව, හානියෙන් සුරක්ෂා වීම සහ ජාතික බාලදක්ෂ සංවිධානවලට අදාළ අනෙකුත් වැදගත් ක්‍ෂේත්‍රවල විගණනය සහ තක්සේරු කිරීම සඳහා පුහුණුව ලබා ඇත. ලෝක බාලදක්ෂ කමිටුවට (2017-2021) සහ ආසියා පැසිෆික් කලාපීය බාලදක්ෂ කමිටුවට (2012 -2017) තේරී පත් වූ එකම ශ්‍රී ලාංකිකයා ජනප්‍රිත් ප්‍රනාන්දු මහතා වන අතර ලෝක බාලදක්ෂ කටයුතු සඳහා සක්‍රීය ලෙස සේවය කළේය. ලෝක බාලදක්ෂ ව්‍යාපාරයෙහි දැනට සාමාජික රටවල් 176 ක මිලියන 60ක සාමාජිකත්වයක් ඇති අතර, ඉන් මිලියන 38 ක් සාමාජික රටවල් 33 ක ආසියා පැසිෆික් කලාපයට අයත් වේ.

ශ්‍රී ලංකා බාලදක්ෂිකා සංගමයට The Silver Star සම්මාන ද්විත්වයක්

‘රිදී තරුව’ සම්මානය බාලදක්ෂ සහ බාලදක්ෂිකා ව්‍යාපාරයට සුවිශේෂී සහයෝගය, නායකත්වය සහ අමිල සේවයක් ලබා දුන් පුද්ගලයින් වෙත පිරිනමණු ලැබේ. භාරත් බාලදක්ෂ හා බාලදක්ෂිකා සංගමය විසින් කීර්තිමත් ‘රිදී තරුව’ සම්මානය බාලදක්ෂිකා සංගමයයේ ආසියා පැසිෆික් කලාපීය කමිටුවේ WAGGGS හි හිටපු උප සභාපතිනි ප්‍රාර්ථනා ලියනගේ මහත්මියට සහ SLGGA හි හිටපු ජාත්‍යන්තර කොමසාරිස් නදීකා ගුණසේකර මහත්මියගේ විශිෂ්ට සේවය අගය කරමින් පිරිනමන ලදී. මෙම උත්සවය 2026 නොවැම්බර් 26 වන දින ඉන්දියාවේ උත්තර් ප්‍රදේශ් හි ලක්නව් හි රාජ් භවන් හිදී උත්තර් ප්‍රදේශ් ගරු ආණ්ඩුකාරතුමා ගේ සහභාගීත්වයෙන් පැවැත්විණි. මෙම ගෞරවනීය ජාතික ගෞරවය දියමන්ති ජුබිලි සැමරුම සහ 19 වන ජාතික ජම්බෝරියේ මහා අවසන් මහා තරඟයේදී පිරිනමන ලදී.

 

 

 

19 වන ජාතික ජම්බෝරියට සමගාමීව පැවති මෙම ගෞරවණීය සම්මාන උළෙලේදී රිදී හස්තියා සම්මාන  4ක් තවත් විදේශීය සම්මානලාභීන් තිදෙනෙකුට ද හිමි විය. භාරත් බාලදක්ෂ හා බාලදක්ෂිකා  ප්‍රධාන කොමසාරිස් කේ.කේ. කන්දවාල් සහ අනෙකුත් නිලධාරීන් උත්සවයට සහභාගී විය.

 

 

 

14වැනි කබෝරිය අති සාර්ථක ලෙස නිමා විය

'සොඳුරු ලොවක්' තේමාව අරමුණු කර ගනිමින් සංවිධානය කර ඇති මෙය අද (15) සිට 17 වැනිදා දක්වා තෙදිනක් පුරා පැවැත්වෙන අතර රතු මල, අත් වැඩ, චිත්‍ර හා ජන ගායනා ඇතුළු විවිධ ක්‍රියාකාරකම් රාශියකගෙන් සමන්විත විය. ශ්‍රී ලංකා බාලදක්ෂ මූලස්ථානය මගින් 14 වැනි වරටත් සංවිධානය කරනු ලබන ජාතික බාලදක්ෂ කබෝරිය 2025.08.15දා සවස 3.30ට දෙස් විදෙස් පෝතක බාලදක්ෂයින් දස දහසකගේ සහභාගිත්වයෙන් අනුරාධපුර වලිසිංහ හරිශ්චන්ද්‍ර විද්‍යාලයේදී ආරම්භ විණි. මෙම වැඩසටහනේ ප්‍රධාන ආරාධිතයා ලෙස උතුරු මැද පළාත් ආණ්ඩුකාර වසන්ත ජිනදාස මහතා සහභාගි විය.

පෝතකයෝ 10000ක්; බාලදක්ෂ කබෝරිය අනුරාධපුරයේ දී...

 

විශේෂ ආරාධිතයා ලෙස ලෝක බාලදක්ෂ සංගමයේ මහලේකම් ඩේවිඩ් බර්ග් මහතා සහභාගි වුණේය. මෙය එතුමා ලෝක බාලදක්ෂ සංගමයේ මහලේකම් ලෙස පත්වීමෙන් පසු මෙරට බාලදක්ෂ කටයුතු ප්‍රවර්ධනය වෙනුවෙන් පැමිණි පළමු ලංකා සංචාරය විය. ලෝක බාලදක්ෂ සංගමයේ මහ ලේකම් David Berg මහතා ඇතුළු ආසියානු ශාන්තිකර කලාපයේ සහකාර සභාපති සයිමන් ඇන්බොග්රී , එහි අධ්‍යක්ෂ ප්‍රසන්න ශ්‍රීවස්ථා , ශ්‍රී ලංකා බාල දක්ෂ සංගමයේ ප්‍රධාන බාල දක්ෂ කොමසාරිස් නීතිඥ ජනප්‍රිත් ප්‍රනාන්දු මහතා, නේපාලය , භූතානය , බංගලාදේශය , මාලදිවයින හා කසක්ස්ථානය යන රටවල් නියෝජනය කරමින් මහ කොමසාරිස්වරු ඇතුළු නිලධාරීන් පිරිසක් එක්ව සිටියහ. එමෙන්ම ප්‍රධාන බාලදක්ෂ කොමසාරිස් නීතිඥ ජනප්‍රිත් ප්‍රනාන්දු මහතා ඇතුළු බාලදක්ෂ කොමසාරිස්වරු ද මේ අවස්ථාවට එක්වූහ.

 

සහාය ප්‍රධාන කොමසාරිස් (පෝතක) රේණුකා සිල්වා මහත්මිය ඇතුළු පිරිස කබෝරියේ කටයුතු සංවිධානය කටයුතු සඳහා ඉතා කැපවීමෙන් යුත්තව දැඩි වෙහෙසක් දැරූ අතර මෙවර පැවැත්වෙන 14 වන ජාතික කබෝරිය 'සොඳුරු ලොවක්' තේමාව යටතේ පෙළ ගස්වා තිබුණි. තෙදිනක් පුරා කබෝරිය පැවැත් වූ අතර වයස අවුරුදු හතත් එකොළහත් අතර වයසේ පසුවන පෝතක බාලදක්ෂයන්ට මෙම වැඩසටහනට ඇතුලත් වීමේ අවස්ථාව උදා විය. රතු මල, අත් වැඩ, චිත්‍ර, ලොව වටා චාරිකා, ජන ගායනා, රංගනය ආදී ලෙස නම් කළ වැඩසටහන් ඇතුළත්ය. විවිධ දිස්ත්‍රික්කවල අනන්යතාවයන් විදහා දැක්වෙන නර්තනයන් දරුවන් විසින් ඉදිරිපත් කරනු ලැබූ අතර විශේෂ ආරාධිතයින් වෙනුවෙන් සමරු තිලිණ ප්‍රදානය කිරිමක් ද මෙහි දී සිදු කෙරිණි. 

 

ක්‍රියාශීලී බව හා සමගිය ප්‍රධාන කොට විනය ගරුකව ජීවිතය හැඩගැස්වීම බාල දක්ෂ ව්‍යාපාරයේ අරමුණ වන අතර අනුරාධපුර දිස්ත්‍රික්කය තුළ ක්‍රියාශීලීව බාල දක්ෂ ව්‍යාපාරය ඇත්නම් මීට වඩා යහපත් තත්ත්වයක් පාසල් දරුවන් අතර පැවතීමට ඉඩ ඇති බව උතුරු මැද පළාත් ආණ්ඩුකාර වසන්ත ජිනදාස මහතා පවසයි. ඔහු මේ බව පැවසුවේ ශ්‍රී ලංකා බාල දක්ෂ මූලස්ථානය මගින් අනුරාධපුර දිස්ත්‍රික්කය කේන්ද්‍ර කර ගනිමින් සංවිධානය කළ දාහතර වන ජාතික කබෝරියට එක්වෙමිනි. විවිධ ක්‍රියාකාරකම් සඳහා දරුවන් යොමු කිරීම වෙනුවට අධ්‍යාපනය මතම රඳා පවතිමින් යාන්ත්‍රික දරුවෙකු බිහි කිරීමට දෙමව්පියන් උත්සහා දැරීම මගින් එය අනාගත ශ්‍රී ලංකාවට ඉතා හානිදායක විය හැකි බව ද පළාත් ආණ්ඩුකාරවරයා මෙහිදී වැඩිදුරටත් සඳහන් කළේය.