Scouting Magazine - Sri Lanka

Saturday, April 11, 2015

බාලදක්ෂ නීතිය

'පිරිමි ළමුන් සඳහා බාලදක්ෂ' යනුවෙන් 1908 දී බී.පී. තුමා විසින් Scouting for Boys ප්‍රකාශයට පත් කරන අත් පොතෙහි සැම බාලදක්ෂයෙකුට හා බාලදක්ෂිකාවකට ම පොදු වූ නීතියක් හදුන්වා දෙනු ලබනවා. ලොව පුරා සිටින සෑම බාලදක්ෂයෙකු හා බාලදක්ෂිකාවක් ම මෙම පොරොන්දුවට හා නීතීයට අනුව කටයුතු කළ යුතුයි. අතීතයේදී එය දිවුරුම් ලෙස ගෙන ඇති අතර, පසුව එය අනුගමනය කීරීමක් ලෙස පිළිගනු ලැබෙනවා. කාලයත් සමග බොහෝ රටවල් විසින් බාලදක්ෂ නීතිය හා පොරොන්දුවේ අැතැම් වචන වෙනස්කම් සිදු කර බාවිත කර තිබෙනවා.

බාලදක්ෂ නීතිය සම්භවය උතුරු ඇමරිකානු සහ බ්‍රිතාන්‍යය තරුණ එළිමහන් වැඩසටහන් සමාන්තර සහ සමීපව සම්බන්ධ සංවර්ධන වන්නට අැතැයි පිළිගැනෙනවා. ඒය නයිටි වරුන්ගේ නීතියට ද කිසියම් වූ සමානත්වයක් පෙන්නුම් කෙරෙනවා. 'පිරිමි ළමුන් සඳහා බාලදක්ෂ' ලියන කාලයේ දී ජෙනරාල් බේඩින් පවෙල් සාමිතුමා අර්නස්ට් තොම්සන් මහතාගෙන් අභාෂය ලබන්නට අැතැයි පැවසෙනවා.

බී.පී. තුමා විසින් 1908 දී හදුන්වා දුන් මුල් බාලදක්ෂ නීතියෙහි අැත්තේ කරුණු 09ක් පමණය. පසු කාලයේ දී බේඩින් පවෙල්තුමා විසින් ම 1911 දී එම අවසන් පෙළ සංස්කරණය කොට විශේෂ එකතුකිරීම් කීපයක් ම කළේය. බාලදක්ෂිකා නීතියෙහි අනුවාදයක් ද බේඩින් පවෙල් විසින් ම අතින් ලියා Foxlease දී ප්‍රදර්ශනය කර තිබේ.

* මෙම කොටස නැවත සකසමින් තිබේ.

1. A SCOUT'S HONOUR IS TO BE TRUSTED.

බාලදක්ෂ විශ්වාස කළ හැකි විය යුතුය. "මගේ ගෞරවය දා එය, එසේ වන්නේ" යනුවෙන් බාලදක්ෂයෙකු ලෙස දිවුරුම දුන් අය බාලදක්ෂ නිලධාරියා ඉදිරියේ දී "මාගේ ගෞරවය ගැන ඔබතුළ පවත්නා විශ්වාසයයි" පවසා සිටියි. ඒ අනුව බාලදක්ෂයා ඔහුගේ හැකියාව පරිදි නියෝග කියාත්මක වීමට බැඳී සිටී. බාලදක්ෂයා බොරුවක් කියන්නේ හෝ ඔහුගේ ගෞරවය බිඳ ගන්නේ නැත. ඔහු තම ගෞරවය මත විශ්වාසය හරියටම තබයි. ඒසේ කිරීමට නොහැකි අය බාලදක්ෂ සේවය අහෝසි වන අතර, ඔහුගේ බාලදක්ෂ පදක්කම නැවත භාර දිය යුතුය.
2. A SCOUT IS LOYAL
බාලදක්ෂයා රජු වෙත සහ ඔහුගේ නිලධාරීන් වෙත ගෞරවනීය ලෙස ඇලුම් කළ යුතුය. රටට සහ ඔහුගේ හාම්පුතුන්ට පක්ෂපාත විය යුතු ය. අධිරාජ්‍යයාගේ හෝ උන් වහන්සේ සතුරා ලෙස පිළිගන්නා ඕනෑම කෙනෙකුට එරෙහිව කටයුතු කළයුතුයි.
3. A SCOUT'S DUTY IS TO BE USEFUL AND TO HELP OTHERS
බාලදක්ෂ වගකීම ප්රයෝජනවත් වනු සහ වෙනත් අය උපකාර කිරීමයි. ඔහු එය කිරීමට ඔහුගේ ම සතුටක්, හෝ සැප හෝ ආරක්ෂාව ලබා දෙන දක්වා වුවත්, වෙන කිසිම දෙයක් ඔහුගේ පෙර යුතුකම් ඉටු කිරීමට ය. කරන්න දේවල් දෙකක් කුමන දැන ගැනීමට දුෂ්කරතා වලට මුහුණ දී විට, ඔහු "මගේ යුතුකමක් කුමන?", තමා ඉල්ලා සිටිය යුතුයි බව? "අනෙක් අය සඳහා හොඳම වන", යනු --- හා එක් කරන්න. ඔහු ජීවිතය බේරා ගැනීමට ඕනෑම අවස්ථාවක සූදානම් විය යුතුය, නැතහොත් තුවාල ලැබූ පුද්ගලයින් උදව් කිරීමට. එවිට ඔහු සෑම දිනකම කාටහරි හොඳ අතට පත් කරන්න ඕනෑ.
4. A SCOUT IS A FRIEND TO ALL, AND A BROTHER TO EVERY OTHER SCOUT, NO MATTER TO WHAT SOCIAL CLASS THE OTHER BELONGS.
බාලදක්ෂ සියලු මිතුරෙකි, සහ අනෙකුත් සෑම බාලදක්ෂ සොහොයුරෙක් උනත් කුමක් සමාජ පන්තිය අනෙක් අයත් වේ. එය බාලදක්ෂ පවා ඔහුට නාඳුනන වුවත්, තවත් බාලදක්ෂ හමුවෙයි නම්, ඔහු ඔහුට කතා, ඔහු හැකි කිසිම ආකාරයකින් නොවේ ඔහුට සහාය, එක්කෝ ඔහු එවකට කරන්නේ යුතුකම සිදු කිරීමට, හෝ ඔහුට ආහාර ලබා, හෝ, ලෙස යුතුය මෙතෙක් ඔහු සේවයේ හා විය හැකි බව ඕනෑම දෙයක්, හැකි තරම්. ඒ බාලදක්ෂ වූ බොරු උජාරු කාරයෙක් විය යුතු නැහැ. ඒ බොරු උජාරු කාරයෙක් ඔහු වශයෙන් දුප්පත් කරන, හෝ දුර්වල එකක් වන අතර, ඔහු පොහොසත් නිසා තවත් නොරිස්සුමට නිසා තවත් මත පහත බලන කෙනෙක්. ඒ බාලදක්ෂ ඔහු දකින අනෙක් මිනිසා පිළිගන්නා අතර, ඔහු හොඳම කරයි - "කිම්," ළමයා බාලදක්ෂ, "සියලු ලෝකයේ පුංචි මිතුරා" ඉන්දියානුවන් විසින් කැඳවා ඇති සෑම බාලදක්ෂ යුත්තේ නම වේ ලදී තමා උපයන.
5. A SCOUT IS COURTEOUS
බාලදක්ෂ ආචාරශීලී ය. එනම්, ඔහු ආචාරශීලී සියලු විශේෂයෙන්ම කාන්තාවන් හා දරුවන් හා මහලු අයට සහ ෙරෝගීන් සඳහා, අංගවිකලත්වයට ආදිය වන අතර, ඔහු ප්රයෝජනවත් හෝ ආචාරශීලී වීම සඳහා කිසි විපාකයක් නොගත යුතු ය.
6. A SCOUT IS A FRIEND TO ANIMALS
බාලදක්ෂ සතුන්ට මිතුරෙකි. ඔහු හැකිතාක් වේදනාව ඔවුන් බේරා යුතු අතර, එය දෙවියන් වහන්සේගේ සත්වයන් එක් සඳහා --- එය පමණක් පියාසර තහනම් වුවද, අනවශ්ය ලෙස ඕනෑම සත්ව ඝාතනය කළ යුතු නැහැ.
7. A SCOUT OBEYS ORDER
බාලදක්ෂ ප්‍රශ්න කිරීමකින් තොරව තම මුර-නායකයා, හෝ බාලදක්ෂ ස්වාමියා දිනට නියමිත කරනතාක් දුරට. ඔහු කැමති නැහැ නියෝගයක් ලැබෙන වුවත් සොල්දාදුවන් හා නැවියන් මෙන් ඔහු කළ යුතු එය ඔහුගේ රාජකාරිය නිසා, ඔහු සියලු ම එය සිදු යුතුය; ඔහු එය කර ඇති පසු ඔහු පැමිණ කවෙර්ද යන්න එතුමා සඳහන් එයට එරෙහිව කිසිදු හේතු හැක: නමුත් ඔහු එකවර න්යාය සිදු කළ යුතුය. ඒ විනය වේ.
8. A SCOUT SMILES AND WHISTLES
බාලදක්ෂ ස්මයිල්ස් සහ සියලු තත්වයන් යටතේ නලා නියෝගයක් ලැබෙන විට ඔහු නැති ආකාරය මන්දගාමි, හැන්ග් අවුට් සුනඛ-වර්ග කිරීම, cheerily හා පහසුවෙන් එය කීකරු විය යුතුය. බාලදක්ෂ දුෂ්කරතා දී grouse වත්, එකිනෙකාට හැමීම වත්, සිදු කරන විට කංකාරියේ. ඔබ යන්තම් බාලදක්ෂ අගාධයේ තරම වැනි දේවල් ඇති යුතු --- හෝ කරදර කාරී තත්වයන් යටතේ, ඔබ එකවර හිනාවෙන්න ඔබම බල, පසුව සියුරු හඬ යුතු බව --- දුම්රිය, හෝ ඔබේ ප්රියතම ඉරිඟු මත ඇතැම් එක් මඩින නැහැ නැතුව පාලුයි විට අ ටියුන්, ඔබ හරි වනු ඇත. ඒ බාලදක්ෂ මත සිනාවක් හොඳටම භය ගැන යයි. එය සනසන ඔහු සනසන විශේෂයෙන් අනතුර සිටින කාලය තුල අනෙක් අය, ඔහු සියලු ම පසුව එය දිගටම සඳහා. දිවුරුම් දීමේ හෝ නරක භාෂාව සඳහා දඬුවම එක් එක් වරදක් සඳහා අනෙක් බාලදක්ෂයන් විසින් සුදු ජාතිකයා ගේ අත් කඩා වැටුණේ කළ ඇල් වතුර ජෝගුවක් වේ.
9. A SCOUT IS THRIFTY
බාලදක්ෂ අරපිරිමැස්මෙන් යනු, එනම්, ඔහු හැකි සෑම සතයක්ම ගලවයි, ඔහු වැඩ කරන විට සිදු තමා තබා ගැනීමට මුදල් ඇති අතර, ඒ අනුව තමා අන් අයට බරක් කරන්න නොවන පිණිස, බැංකුවේ තබති; හෝ ඒ ඔහු ඔවුන් එය අවශ්ය වන විට අන් අයට ලබා දීමට මුදල් තිබිය හැකිය.

10. A SCOUT IS CLEAN IN THOUGHT, WORD AND DEED
ඒ බාලදක්ෂ චින්තනය, වචනයෙන් සහ ක්රියාවෙන් පිරිසිදුය. යහපත් බාලදක්ෂයන් කුණු කතා කරන මෝඩ තරුණයන් මත පහළ බලන්න, ඔවුන් තමන් පරික්ෂාවට ඉඩ ලබා දෙන්න ඉඩ දෙන්න එපා, එක්කෝ එය කථා කිරීමට හෝ අපිරිසුදු ඕනෑම දෙයක් කිරීමට. ඒ බාලදක්ෂ පිරිසිදු, සහ පැහැදිලි මනසකින් තොර පුද්ගලයෙක් වේ.

බාලදක්ෂ කටයුතු මුළු ලෝකය පුරා පැතිරීමත් සමග එතෙක් එක්සත් රාජධානියට සීමා වී තිබූ නීතී සංස්කරණය කළයුතු යැයි වෙනත් රටවල බාලදක්ෂ සංවිධාන ඉල්ලා සිටියහ. නිදසුනක් ලෙස 'රජුට දක්වන පක්ෂපාත' නීතිය අාදිය වෙනස් විය යුතුයැයි යෝජනා විය.

ලංකාවට බාලදක්ෂ කටයුතු පැමිණි වකවානුවේ දී 1912 සිට 1913 දක්වාත් විශේෂයෙන් බාලදක්ෂ පෙරොන්දුවෙහි අැත්තේ රජුගැන සදහනකි. මෙම වකවානුවෙහි හදුන්වා දුන් පැරණි බාලදක්ෂ නීතියෙහි අැත්තේ ද කොටස් 9කි.

දෙවියන් වහන්සේ සහ මහරජතුමාට යුතුකම් ඉටුකිරීමටද,

කෙතරම් මිල වුවත් අනුනට උපකාර කිරීමට උපරිම උත්සාහ යෙදීමටද

බාලදක්ෂ නීතිය මා දන්නා බවත් ඊට අවනත වීමටත්

මාගේ ගෞරවය මත පෙරොන්දු වෙමි.

මාගේ ආගම, රැජිණිය හා රට කෙරෙහි යුතුකම ඉටුකිරීමට ද

සැම කල්හිම අනුන්ට උපකාර කිරීමට ද බාලදක්ෂ නීතියට කීකරු වීමට ද

මගේ අවංක විස්වාසය උඩ සම්පූර්ණ උත්සාහය යෙදීමට

දිවුරා පොරොන්දු වෙමි.

Bede Perera To Homagama Scout: '........to do my best to do my duty to God and the King...'. After Queen Elizabeth II was at the British throne it was changed as '......to do my best to do my duty to God and the Queen...' until the year 1972. As you have stated, in the beginning there were only 9 parts in the Scout law until B P added the 10 th in the year 1911 in Britain. It is interesting to see the translation of English words '.....at all times....' in Sinhala as '....ketharam mila vuwath...' This is the first time I have also seen the earlier words of the Scout Promise in Sinhala. Thank you very much Homagama Scout for this information. Further I have observed, for the words 'On my honour....' this earlier Sinhala version has given the more correct meaning as 'Maage gouravaya matha...' rather than the present words 'maage avanka vishvasaya uda...'

1972 දී සකස් කෙරුණු ඉදිරි සැලසුමේ දී වෙනස්කම් සහිත ව හදුන්වා දෙනු ලැබූ නීතිය හා පොරොන්දුව පහත වේ. මේ දක්වාත් ඒම නීතිය හා පොරොන්දුව බාවිත කෙරේ.

ශ්‍රී ලංකා බාලදක්ෂ පොරොන්දුව

මාගේ ආගම හා රට කෙරෙහි යුතුකම් ඉටුකිරීමට ද
සැම කල්හී ම අනුන්ට උපකාර කිරීමට ද
බාලදක්ෂ නීතියට කීකරුවීමට ද
මාගේ අවංක විශ්වාසය උඩ සම්පූර්ණ උත්සාහ යෙදවීමට පොරොන්දු වෙමි

Sri Lanka Scout Promise

On my honour I promise to do my best To do my duty to my religion and country To help other people at all times To obey the Scout Law

ශ්‍රී ලංකා බාලදක්ෂ නීතිය
1.     බාලදක්ෂයා විශ්වාස කටයුතු අයෙකි
2.     බාලදක්ෂයා පක්ශපාති අයෙකි'
3.     බාලදක්ෂයා හිතවත්ව උදව් කරන්නෙකි'
4.     බාලදක්ෂයා සෑම බාලදක්ෂයෙකුගේම සහෝදරයෙකි'
5.     බාලදක්ෂයා ආචාරශීලි අයෙකි'
6.     බාලදක්ෂයා කරැණාවන්ත අයෙකි'
7.     බාලදක්ෂයා කීකරැ තැනැත්තෙකි'
8.     බාලදක්ෂයා සතුටින් සිටින්නෙකි'
9.     බාලදක්ෂයා සකසුරැවම් අයෙකි'
10. බාලදක්ෂයා සිත කය හා වචනයෙන් පිරිසිදු අයෙකි'

Sri Lanka Scout Law

Scout is trustworthy
Scout is loyal
Scout is friendly and considerate
Scout is brother to every other scout
Scout is courageous
Scout is kind to animals
Scout is cooperative
Scout is cheerful
Scout is thrifty
Scout is clean in thought, word and deed

Scout Motto
Cub Scout - Do Your Best
Junior Scout - Be Prepare
Senior Scout - Look Wide
Look Wide - Service
බාලදක්ෂ ආදර්ෂපාඨ
පෝතක බාලදක්ෂ - සැම වීරිය කරමි
කනිෂ්ඨ බාලදක්ෂ - සූදානම්ව සිටිනු
ජේ්‍යෂ්ඨ බාලදක්ෂ - සූදානම්ව සිටිනු
මානවක බාලදක්ෂ - සේවය කරමු
- See more at: http://lkscout.maccreationsltd.com/promise-motto-and-law#sthash.4m0MCO3D.dpuf

Scout Law
A Scout is trustworthy
A Scout is loyal
A Scout is friendly and considerate
A Scout is a brother to every other Scout
A Scout is courageous
A Scout is kind to animals
A Scout is co-operative
A Scout is cheerful
A Scout is thrifty
A Scout is clean in thought, word and deed - See more at: http://lkscout.maccreationsltd.com/promise-motto-and-law#sthash.4m0MCO3D.dpuf

Scout Promise
On my honour I promise to do my best
To do my duty to my religion and country
To help other people at all times
To obey the Scout Law.
බාලදක්ෂ පොරොන්දුව
මාගේ ආගම හා රට කෙරෙහි යුතුකම් ඉටුකිරීමට ද
සැම කල්හී ම අනුන්ට උපකාර කිරීමට ද
බාලදක්ෂ නීතියට කීකරුවීමට ද
මාගේ අවංක විශ්වාසය උඩ සම්පූර්ණ උත්සාහ යෙදවීමට පොරොන්දු වෙමි.

Scout Motto
Cub Scout - Do Your Best
Junior Scout - Be Prepare
Senior Scout - Look Wide
Look Wide - Service
බාලදක්ෂ ආදර්ෂපාඨ
පෝතක බාලදක්ෂ - සැම වීරිය කරමි
කනිෂ්ඨ බාලදක්ෂ - සූදානම්ව සිටිනු
ජේ්‍යෂ්ඨ බාලදක්ෂ - සූදානම්ව සිටිනු
මානවක බාලදක්ෂ - සේවය කරමු

Scout Law
A Scout is trustworthy
A Scout is loyal
A Scout is friendly and considerate
A Scout is a brother to every other Scout
A Scout is courageous
A Scout is kind to animals
A Scout is co-operative
A Scout is cheerful
A Scout is thrifty
A Scout is clean in thought, word and deed
බාලදක්ෂ නීතිය
බාලදක‍ෂයා විශ්වාස කටයුතු අයෙකි.
බාලදක‍ෂයා පක‍ෂපාතී අයෙකි.
බාලදක‍ෂයා හිතෛෂීය කාරුණිකය.
බාලදක‍ෂයා සෑම බාලදක‍ෂයෙකුගේම සහෝදරයෙකි.
බාලදක‍ෂයා ධෛර්යය සමිපන්නය.
බාලදක‍ෂයා සත්ත්ව කරුණාව ඇත්තෙකි.
බාලදක‍ෂයා සහයෝගයෙන් කි්‍රයා කරන්නෙකි.
බාලදක‍ෂයා සොමිනස් සහගත පුද්ගලයෙකි.
බාලදක‍ෂයා සකසුරුවම් අයෙකි.
බාලදක‍ෂයා සිත, කය, වචනයෙන් පිරිසිදු අයෙකි.
- See more at: http://lkscout.maccreationsltd.com/promise-motto-and-law#sthash.4m0MCO3D.dpuf

Thursday, April 9, 2015

Big Chief White Eagle - සුදු රාජාලියා

ලංකා බාලදක්ෂ ව්‍යාපාරයේ ආදිකතෘ එෆ්. ජී. ස්ටීවන්ස් සලකුණ

1912 වසරේ දී ලංකා බාලදක්‍ෂ කටයුතු මාතලේ ක්‍රිස්තු දේව විදයාලයෙන් ආරම්භ විය. ශ්‍රී ලංකා බාලදක්ෂ ව්‍යාපාරයෙහි ස්වර්ණමය ඉතිහාසය හා ආදිකතෘ දිනය ලෙස ජුනි 02දා සලකනු ලැබේ.

කෝල්බෘෘක් කොමිසමේ නිර්දේශ 1833 වර්ෂයේ දී ක්‍රියාත්මක කිරීමත් සමග මෙරට පුළුල් ආර්ථීක පරිවර්තනයකට මග සැලසිණ. පෞද්ගලික ව්‍යවසාය දිරිමත් කිරීම කෝල්බෘෘක්ගේ ආර්ථීක ප්‍රතිසංස්කරණවල අරමුණ වූවත් ඒවන විට විශාල වශයෙන් ධනය ආයෝජනය කළ හැකි ධනවතුන් පිරිසක් මෙරට නොසිටි හෙයින් සුදුජාතික ධන ආයෝජකයන්ට අක්කර දහස් ගනනින් ඉඩම් මිල දී ගැනීමට හැකියාව ලැබිණ. මෙම වකවානුවේදී එංලන්තයේ ධනවත් ආයෝජකයින් කෝපි වැවිලිකරුවන් ලෙස මෙරටට පැමිණියහ. කෝපි උන්මාදය මෙරට පැතිරෙමින් තිබුණු අවධියක මෙරට ප්‍රථම කෝපි වතුයාය 1823 දී හිටපු බ්‍රිතාන්‍ය යුද්ධ හමුදා නිලධාරියෙක් වූ ජෝර්ජ් බර්ඞ් විසින් ගම්පොල සිංහපිටිය ප්‍රදේශයේ ආරම්භ කරන ලද්දේ ය. 1824 දී ලංකා ආණ්ඩුකාර බවට පත් වූ එඩ්වඩ් බාන්ස්, 1825 දී ගන්නෝරුව (වත්මන් පේරාදෙණිය රාජකීය උද්භිද උද්යානයේ කොටසක) හා තවත් වතු කිහිපයක කෝපි වගාව ස්ථාපනය කරන ලද්දේය. බ්‍රිතාන්‍ය අධිරාජ්‍යයේ තවත් යටත් විජිතයන් වූ ජැමෙයිකාව, ගයනාව වැනි කැරිබියානු කලාපයේ රටවල්වලද කෝපි වගාව ඉතා සරුසාර ලෙස කෙරුණු අතර එය ඉතා ලාභ ඉපදවිය හැකි වගාවක් ලෙස පිළිගැනීමක් තිබුණි. දුම්බර මිටියාවත, ගම්පොළ, පේරාදෙණිය, මාතලේ, බදුල්ල හා මධ්‍යම පළාතේ බොහෝ ප්‍රදේශවල සාර්ථකව කෝපි වගාව පැතිරී ගියේය. එකල මාර්ග පහසුකම් නොවූ බැවින් ඝන වනාන්තර මැදින් මධ්‍ය කඳුකරයට පැමිණිමට සිදුවිය. ගමන් වෙහෙස, මැලේරියාව සහ එකල දකුණු ඉන්දියාවේ සුලබව පැවති වසූරිය, කොලරාව වැනි වසංගත රෝග නිසාද මහ මගදී වන අලි හා සතුන්ට ගොදුරුවීම හේතුවෙන් බොහෝ පිරිස් මරණයට පත්වූහ. 1830-1850 කාලය තුළ කෝපි නිෂ්පාදනය ශ්රී ලංකාවේ ආර්ථික සංවර්ධනයට සහායට ප්‍රබල සහයක් දැක්වූ අතර පසුකාලිනව ධනේශ්වර මධයම පන්තියේ ඉස්මතු විම සදහාද මෙය බලපාන ලද්දේය. කෝපි කොළ මලකඩවිමේ වසංගත රෝගය හේතුවෙන් කෝපි වගාව අසාර්ථකවිය. ඉංග්‍රීසි ජාතික වැවිලි කරුවෝ සින්කෝනා සහ තේ වැනි වෙනත් ආදේශක වගාකෙරෙහි අවධානය යොමු කළහ. ලූල් කඳුර වතුයායේ ජේම්ස් ටේලර්ගේ තේ වගා ව්‍යාපෘතිය ක්‍රමයෙන් සාර්ථක වීමත් සමඟ තේ ප්‍රධාන අපනයන භෝගය බවට පත්විය. තේ මිල පහත වැටීමත් සමඟ වැවිලි කරුවන්ගේ අවධානය රබර් වගාව සඳහා ද යොමු විය. මෙලෙස ලංකාව තුළ වතු වගාව පදනම් කර ගත් ආනයන අපනයන ආර්ථික රටාවකට පසුබිම සකස් වන්නට විය.

රේන්ද, වතු වගාව, සේවා හා භාණ්ඩ සැපයිම ඇතුලු විවිධ ක්‍රම ඔස්සේ ධනය එක රැස්කර ගත් ලාංකික යටත් විජිත ධනේශ්වර පන්තිය වතු වැවිලි ආර්ථිකය මගින් ප්‍රාග් ධනය රැස්කර ගත්හ. මිනිරන් පතල්, වෙළදාම, ප්‍රවාහනය, රජයට භාණ්ඩ හා සේවා සැපයිම, රේන්ද ලබා ගැනිම ආදි ක්‍රම වලින් මොවුනගේ මුල්ම ධනොපායන ක්‍රම විය. මෙහිදි රේන්ද විශාල ලෙස ධනය ඉපයිමට හේතු විය. අරක්කු රේන්ද එ අතර ප්‍රමුකත්වය දැරිය. වංශවතුන් ලෙස පෙනි සිටි බලවතුන් හා යටත්විජිත නිලධාරීන් ලෙස පැමිණි සුදුජාතිකයින්ගේ අධි පරිභෝජන බ්‍රිතාන්‍ය ඉහළ පැලැන්තියේ ජිවන රටා ගොඩ නැගුණ අතර ඉංග්‍රීසි පන්නයට අනුව ජීවත්වීම ධනේශ්වර පන්තිය බවට පත් කරගත්තේය. ප්‍රවාහනය හා සන්නිවේදය තරමක් අපහසු යුගයක ලංකාවේ සිටි සුදුජාතික වැවිලි කරුවන් විසින් එංගලන්තයේ මුද්‍රිත පුවත්පත් මෙන්ම සැපයුම්ද ඇතැම් ගොඩනැගිලි අමුද්‍රව්‍යද එංගලන්තයෙන් ආනයනය කරනු ලැබිණ. මෙලෙස පැමිණෙන පුවත්පත් තුළින් දේශපාලනික හා ආර්ථික තොරතුරු හා යුධ තොරතුරු ආදී ලොව වෙනත් යාවත්කාලීන තොරතුරු කෙරෙහි වැඩි අවධානයක් යොමුකරනු ලැබීය. ආසියාවේ ප්‍රථම වරට අශ්ව කෝච්චි ධාවනය වූයේ ලංකාවේ වූ අතර එය 1832 වසරේ සිට කොළඹ හා මහනුවර තෙක් සිදු විය. අශ්ව කෝච්චි මඟින් තැපැල් යැවීමද මේ අවධියේදී දැක්විය හැකි විය.

කන්ද උඩරට ප්‍රදේශයේ හුදකලා භාවය තුරන් කිරීමේ අරමුණින් මෙන්ම කොළඹ, නුවර හා ත්‍රිකුණාමලය යන නගර ඒකාබද්ධ කිරීමේ අරමුණිනුත් ලංකාව තුල මහාමාර්ග පද්ධතියක් ඇති කිරීමට බ්‍රිතාන්‍යයන් කටයුතු කරනු ලැබීය. මෙහි දී ලංකාවේ ප්‍රධානතම මහා මාර්ගය වූ කොළඹ නුවර මහා මාර්ගය ඉදිකිරීම කරවනු ලැබූවේ එඩ්වඩ් බාන්ස් (1820-1822) ආණ්ඩුකාරවරයාගේ කාලයේදී ය. ඊට අමතරව මේජර් ස්කිනර් හා කැප්ටන් ඩෝසන් පුරෝගාමත්වයෙන් කුරුණෑගල සිට මහනුවර දක්වා ගලගෙදර දුර්ගය ඔස්සේ ද, දඹුල්ලේ සිට මහනුවර දක්වා නාලන්දා දුර්ගය ඔස්සේ ද, අඹේපුස්සේ සිට දඹුල්ල දක්වා අලව්ව, පොල්ගහවෙල, කුරුණෑගල හරහා ද මහා මාර්ග ඉදි කෙරිණි. හෙන්රි වෝඩ් ආණ්ඩුකාරයා විසින් ලංකාවේ දුම්රිය මාර්ග තැනීමේ ආරම්භක පියවර ගැනීම හේතුවෙන් ලංකාවේ ප්‍රවාහන අංශයේ වැදගත් ම වර්ධනය සිදුවිය. බ්‍රිතාන්‍යයන් කන්ද උඩ රට අල්ලා ගැනීමෙන් අනතුරුව ඉදි කල මහා පරිමාණ මාර්ගය වූයේ 1821-1831දී අවසන් කළ කොළඹ-නුවර මාර්ගයයි. තේ වගාවත් සමග මහා මාර්ග ඉදි කිරීම ශීඝ්‍රයෙන් වර්ධනය විය. බොහෝ පාරවල් කළු ගල් දමා සකස් කරන ලද අතර සෙස පාරවල් බොරලු අතුරා සකස් කරන ලද්දෙය. දුම්රිය මාර්ග ව්‍යාප්තිය බොහෝ සෙයින් ම වතු වගාවේ ව්‍යාප්තිය සමඟ බැඳී තිබිණි. මේ සියලු මාර්ග තැනීම හා නඩත්තු කිරීම භාරව තිබූයේ රජයේ ප්‍රසිද්ධ වැඩ දෙපාර්තමේන්තුවටය. උඩරට ප්‍රදේශයේ ජනතාව වතු වගාව ආශ්‍රිතව දුම්රිය මාර්ග නඩත්තුව දුම්රිය එන්ජින් යාන්ත්‍රික ශිල්පීන්, යකඩ කම්හල්කරුවන්, වඩුවන්, වෑද්දුම්කරුවන්, බොයිලේරු තැනීම ආදී පුහුණු නුපුහුණු වෘත්තීන් රැසක් එහි සේවය කලේය. සංවර්ධන කටයුතු හා ප්‍රවාහනය, දුම්රිය, මං මාවත් ඉදිකිරීම, වාරිමාර්ග නඩත්තුව, හා එංගලන්ත කිරීටයේ දේශපාලනික බලය ලංකා රාජ්‍ය පුරා ව්‍යාප්ත කර පවත්වා ගැනීමටත් ඉංග්‍රීසි ආණ්ඩුවේ පාලන කටයුතු පහසු කර ගැනීම සඳහා සර්වේ ජනරාල් කාර්යාලය, රජයේ ප්‍රසිද්ධ වැඩ දෙපාර්තමේන්තුව (PWD), ප්‍රසිද්ධ ඉගැන්වීම් දෙපාර්තමේන්තුව, මාහාමාර්ග දෙපාර්තමේන්තුව, දුම්රිය දෙපාර්තමේන්තුව, විදුලි සංදේශ හා තැපැල් දෙපාර්තමේන්තුව, වරාය, රජයේ කර්මාන්තශාලාව, රජයේ මුද්‍රණාලය, වැනි රාජ්‍ය ආයතන ආදී බොහෝ ස්ථානවල රාජකාරී සඳහා ලංකාවේ බ්‍රිතාන්‍ය රාජ්‍ය සේවයේ නිරත ව සිටි සිවිල් නිලධාරීන් හා විශ්‍රාමික සුදුජාතික නිලධාරීන් හා සුදු ජාතික යුධහමුදා නිලධාරීන් යෙදවීය.

1901 ජන සංගණනයට අනුව පාසල් යා යුතු වයසේ ළමයින්ගෙන් 3/4 ක් ම පාසල් නො ගිය ළමයින් අතර විය. ආචාර්ය ආනන්ද කුමාරස්වාමි ගේ නායක්ත්වය යටතේ 1905 දී ඉංග්‍රීසි උගත් ලාංකිකයන් පිරිස් එක්ව “ලංකා ප්‍රතිසංස්කරණ මණ්ඩලය” පිහිටුවා ගැනුණ අතර භාෂාව හා අධ්‍යාපනය සම්බන්ධයෙන් ජනමතය දිරි ගැන්වෙමින් පැවතියේය. ස්වභාෂාවෙන් අධ්‍යාපනය ලැබීමට පහසුකම් නො තිබුණු ගම්බද හා වතුකර ප්‍රදේශවල ගුරුවරුන්ට පහසුකම් සැලසීමත්, දෙමළ හා මුස්ලිම් දරුවන්ට අධ්‍යාපනය අනිවාර්ය කිරීම ආදී අධ්‍යාපන ප්‍රතිසංස්කරන ඇතිවෙමින් පැවතියේය. ලංකාවෙ 20 වන ආන්ඩුකාර වරයා වූ සර් හෙන්රි එඩ්වඩ් මැක්ලම් මහතා වර්ෂ 1912 දී ලංකාවේ ආන්ඩුකාර වරයාව සිටියේ ය. එතුමා අතර මේ වනවිට ලංකාව යටත් විජිතයට නතුවීමත් සමඟම රටේ වෙරළ බඩ පලාත් මෙන්ම රට අභ්‍යන්තරයේද ක්‍රිස්තියානි මිෂනාරි අධ්‍යාපනය ක්‍රියාකාරීව පැවතුණි. 1912 දී “ප්‍රසිද්ධ ඉගැන්වීම් දෙපාර්තමේන්තුව” යන නම වෙනුවට “අධ්‍යාපන දෙපාර්තමේන්තුව” යනුවෙන් බිහිවිය. මේ පසුබිම යටතේ බාලදක්ෂ කටයුතු සාමාන්‍ය පාසල් තුළ පැවැත්වීමට හැකියාවත් නොතිබිණ. ඉංග්‍රීසින් විසින් 1848 මාතලේ කැරැල්ල යුද්ධ නීතිය පනවා දරුණු ලෙස මර්දනය කරනු ලැබීමෙන් පසු නිදහස සඳහා සන්නද්ධ අරගල ක්‍රියාත්මක නොවූ වකවානුවක ව්‍යවස්ථාදායක සභාව තුළ 1912දී මැකලන් ප්‍රතිසංස්කරණ සිදුකරමින් අලුත්ම දේශපාලන සංස්කෘතියක් ලංකා රාජ්‍ය තුළ බිහිවෙමින් පැවති පසුබිමක බාලදක්ෂ ව්‍යාපාරයේ බීජය මුල්වරට මෙරට ‍රෝපණය වූවක් විය.

ෆ්‍රැන්සිස් ජෝර්ජ් ස්ටීවන්ස් මහතා එංගලන්තයේ ඩෙවොන් නුවර ටැවිස්ටොක්හි 1891 ජූනි 02 දින උපත ලැබූ අයෙකි. එතුමා මහා බ්‍රිතාන්‍ය පාලනය පැවති අවධියෙහි බ්‍රිරිතාන්ය ඉංජිනේරු සහ සිවිල් සේවකයෙකු ලෙස ලංකා රජයේ ප‍්‍රසිද්ධ වැඩ දෙපාර්තමේන්තුවට (Public Works Department, PWD) මෙලෙස සේවය‍ට පැමිණි සුදු ජාතිකයෙක් විය. මෙම වකවානුවේදී එංගලන්ත පුවත්පත් දිගින් දිගටම වාර්තා කරනු ලැබූ බාලදක්ෂ කටයුතු සම්බන්ද පුවත් තරමක ප්‍රමාදයක් සහිතව යටත් විජිත රාජ්‍යයන් පුරාද පැතිරෙමින් තිබිණ. 1901 දී දකුණු අප්‍රිකාවේ යුද්ධයෙන් ආපසු පැමිණි ශ්‍රීමත් බේඩ්න් පවෙල් විසින් ලියනු ලැබූ ‘බාලදක්ෂයට ආධාරක පොත’ එංගලන්තය පුරා තරුණ තරුණියන් අතර ජනප්‍රිය වෙමින් පැවතියේය. 1907 දී බ්‍රවුන්සී දූපතේ පැවති එම පළමු ආදර්ශ කඳවුරේදී බාලදක්ෂයින් අතළොස්සක් සිට ලෝක සාමාජිකත්වය ක්‍රමයෙන් වර්ධනය වූ අතර එංගලන්තය පුරා මෙම ළමා ව්‍යාපාරය වේගයෙන් ව්‍යාප්ත විය. 1908 ජනවාරි 24 දින බී.පී. නිශ්චිත බාලදක්ෂ ව්‍යාපාරයක් දියත් කරන බව ප්‍රසිද්ධියේ නිවේදනය කළේය.

1911 දී එවකට මාතලේට අනියුක්ත ව ප්‍රසිද්ධ වැඩ දෙපාර්තමේන්තුවේ (PWD) සිවිල් ඉංජිනේරුවෙකු ලෙස සේවය කළ ඉංගිරීසි ජාතික ප්‍රැන්සිස් ජෝර්ජ් ස්ටීවන්ස් මහතා විසින් එංගලන්ත රැගෙන ආ ප්‍රවෘත්ති පත්‍රයක තිබූ පුවත් සටහනක් කියවීමෙන් පසු බ්‍රිතාන්‍ය හමුදාවේ ලුතිනන් ජෙනරාල්වරයකු වූ රොබට් බේඩින් පවෙල් නැමැත්තෙකු විසින් අරඹන ලද ළමා ව්‍යාපාරය ඉන් වසර 5කට පසු ලංකාවේ ලාංකේය දරුවන් වෙත හදුන්වාදීමේ මූලික අදහසක් ඇති විය.

(දුම්රිය ඉතිහාසය තුළ ඉමහත් පෙරළියක් ඇති කළ වාෂ්ප දුම්රිය එන්ජීම නිෂ්පාදනය කල එංගලන්තයේ නොදම්බර්ලන්ඩ්හි උපත ලද ජෝර්ජ් ස්ටීවන්සන්ගේ නාමය හා මේ දෙදෙනා සමග පවතින අහඹු සම්බන්ධය සොයා බැලිය යුත්තකි.)

එෆ්.ජී.ස්ටීවන්ස් හට බාලදක්ෂ කටයුතු පිළිබඳ පෙර අත්දැකීම් නොතිබූ නමුත් ප්‍ර‍ායෝගික විෂය පිළිබඳ තිබූ කැමැත්ත හා පිරිමි ළමුන් සඳහා එංගලන්තයේ ව්‍යාප්ත වෙමින් පැවති මෙම වැඩසටහනේ වටිනාකම හොඳින් වටහා ගෙන තිබුණේය. එංගලන්තයේ බාලදක්ෂ ව්‍යාපාරය හා සම්බන්ධ මුල් මුද්‍රිතයන් වන Scouting for Boys නම්වූ පොත් කට්ටලය හා Scout සඟරාවේ පිටපත් කීපයක් තමන් වෙත ගෙන්වා දේශනා පැවැත්වීම සඳහා මෙම නව ව්‍යාපාරය පිළිබඳව මූලික අවබෝධයක් ලබාගනු ලැබීය.

මෙම කටයුත්ත ආරම්භ කිරීම සඳහා තම ඉංජිනේරු නිල නිවාසයට යාබඳව පිහිටි මාතලේ ක්‍රිස්තුදේව විද්‍යාලය තෝරා ගත්තේ ය. මාතලේ ක්‍රිස්තුදේව විද්‍යාලයේ විදුහල්පති ඩී. ඇල්ප්‍රඩ් ජයසිංහ මහතා සමග ද සාකච්ඡා කොට නියම කරගත් දිනක දී විද්‍යාලයේ ආචාර්ය මණ්ඩලය හා සිසුන් අමතා බේඩන් පවල් සාමිවරයා හා බාලදක්ෂ ව්‍යාපාරය පිළිබඳ ව තමා දන්නා අන්දමින් කරුණු ඉදිරිපත් කරමින් දේශණයක් ද පවත්වනු ලැබිණ. මෙම දේශණයෙන් පසු පාසලේ සිසුන් තුළ මෙන්ම ආචාර්ය මණ්ඩලය තුළ ද බාලදක්ෂ ව්‍යාපාරය පිළිබඳ ව උනන්දුවක් ඇති වූ බව පාසල් ඉතිහාසයෙහි වාර්තා වී තිබේ. එම දේශණාවෙන් ඔද වැඩුණු සිංහල, දෙමළ, මුස්ලිම් හා බර්ගර් ජාතික සිසුන් 07 දෙනෙකු ජාති ආගම් භේදයෙන් තොර ව මෙතෙක් කිසිවෙකුත් නො දත් මේ නව වැඩසටහනට ඇතුලත්වීමට සිය කැමැත්තෙන් ඉදිරිපත්ව ඇත. තම්බෝ නඩරාජා, පීටර් බෝලින්, ආර්.ඩී.කොටුවේගෙදර, ආර්.බී.කපුවත්ත, ඒ.එම්. හමීඩ්, එම්. සහබ්ඩීන් සහ ජෝන් කරුණාරත්න යන සිසුන් 07දෙනා මේ පිරිසට අයත් විය. ලංකාවේ ප්‍රථම බාලදක්ෂයින් ලෙස බාලදක්ෂ ව්‍යාපාරය ශ්‍රී ලංකාව තුළ රෝපණය කිරීමේ මුල් පියවර මෙසේ ආරම්භ විය.

ලංකාවේ අවසාන අග්‍රාණ්ඩුකාරයා මෙන් ම ශ්‍රී ලංකාවේ ප්‍රථම විධායක නොවන ජනාධිපති වූ විලියම් ගොපල්ලව මහතාද, කොළඹ විශ්ව විද්‍යාලයේ ජ්‍යෙෂ්ඨ කථිකාචාර්ය දයා රෝහණ අතුකෝරාළ මහතා ඇතුළු කීර්තිමත් බාලදක්ෂයින් විශාල ප්‍රමාණයක් මෙම ලංකාවේ පළමු බාලදක්ෂ කණ්ඩායම විසින් දැයට දායාද කර ඇත.

එෆ්.ජී.ස්ටීවන්ස් මහතා විසින් මාතලේ ක්‍රිස්තුදේව විද්‍යාලයේ බාලදක්ෂ කණ්ඩායම ආරම්භ කරනු ලැබූව ද එහි භාරකාරත්වය දැරීමට එතුමාට නො හැකි විය. ඒ සදහා ක්‍රිස්තුදේව විද්‍යාලයේ එවක විදුහල්පතිතුමාගේ සොයුරු වූ එම විද්‍යාලයේ ම සේවය කල ඩී. චාල්ස් ජයසිංහ මහතා වෙත මෙම වගකීම පවරනු ලැබිණ. ඒ අනුව ලංකාවේ ප්‍රථම බාලදක්ෂ නායකයා වනුයේ චාල්ස් ජයසිංහ මහතා ‍විය. මුල් බාලදක්ෂ කණ්ඩායමට එවකට රජයේ හා යුධ නිලධරයන් බොහෝ ගණනකගේ සහය ලැබුණ බව පැරණි වාර්තා වල දැක්වේ. මේ වනවිට ස්ටීවන්ස් මහතා තරමක කාර්‍ය බහුල තත්වයක් මත මුල් කාලයේ පලමු බාලදක්ෂ කණ්ඩායමේ බාලදක්ෂ කටයුතු තැපැල් මගින් සිදුකළ බවද පැවසේ. කියවා ලබා ගත් දැනුමින් ලබාගත් අවබෝධය අනුව බාලදක්ෂ කටයුතු ආරම්භ කල ද තවදුරටත් පවත්වා ගැනීම සඳහා අවබෝධයක් නොවූ බැවින් පදක්කම් ලබා ගැනීම හා සෙසු ප්‍රායෝගික කටයුතු සඳහා බ්‍රිතාන්‍ය ඉම්පීරියල් බාලදක්ෂ මූලස්ථානයේ සහයෝගය ලබාගැනීමේ අවශ්‍යතාව තිබුණද ඒ සදහා ප්‍රමාණවත් සම්බන්ධයක් නොවූ බැවින් එංගලන්තයේ සිටි මිතුරන්ගෙන් අසා දැනගත් තොරතුරු හා ගෙන්වා ගනු ලැබූ මුද්‍රිත පතපොතේ දැනුම අනුව මෙරට බාලදක්ෂ කටයුතු ක්‍රියාත්මක කිරීමට සිදුවිය.

The first Scout trpop of Christ Church College, Matale

(seated in the right is Mr.T A Sahabdeen)

බාලදක්ෂයන් ලෙස සැලකූවද ආරම්භයේදී සුදුසු නිලඇදුමක් හා පදක්කම් නොවූ අතර මේ ගැටලුව නිරාකරණය කර ගැනීම බෙහෙවින් අසීරු වූ බව පැවසේ. බකල් සහිත හම්පටි ඉනපටි, ගැටියක් සහිත බාලදක්ෂ තොප්පියක් හා පිත්තල පදක්කම් එංගලන්තයෙන් බාලදක්ෂ නිලඇදුම් ආනයනය කිරීම මිලාධික කරුණක් විය. මෙරට පොලිස් නිලධාරීන්ගේ කාකි ඇඳුමට බෙහෙවින් සමාන වූ මුල් නිලඇඳුමක් හඳුන්වා දුන් අතර බාලදක්ෂ යෂ්ඨිය වෙනු‍වට කොහුමිටක් ගෙනයනු ලැබිණ. මෙය බොහෝ දෙනාගේ සමච්චලයට ලක් වූ අතර ‍කොහුමිටි බාලදක්ෂයන් ලෙස උසුළු විසිළු කලහ.

1914 පැන නැගුණු පළමු ලෝක සංග්‍රාමයත් සමග ම එෆ්.ජී.ස්ටීවන්ස් මහතා රාජකීය නාවික හමුදාවේ සේවයට අනුයක්ත කරනු ලැබූ බැවින් මාතලේ සිට කොළඹට මාරු කරනු ලැබු හෙයින් එතැන් සිට මාතලේ ක්‍රිස්තුදේව විද්‍යාලය හා පැවති එතුමාගේ සම්බන්ධතාවය ගිලිහී ගියේය.

1914දී බ්‍රිතාන්‍ය බාලදක්ෂ සංගමයෙහි ලංකා ශාඛාව (British Boy Scout Association Ceylon Branch) වශයෙන් පිළිගැනීම සිදු වූ අතර බ්‍රිතාන්‍ය ඉම්පීරියල් බාලදක්ෂ මූලස්ථානය විසින් පරිපාලන කටයුතු සඳහා එෆ්.ජී.ස්ටීවන්ස් මහතා යටත් විජිත කොමසාරිස් ධුරයට (1st Colonial Commissioner of Ceylon) පත්කරනු ලැබිණ. 1915 වනවිට ආචාර්යවරුන්ද ඇතුළුව ලංකාව පුරා බාලදක්‍ෂයන් ගණන 248ක් සිටි බව සංගණන වාර්තා වල සදහන් වේ.

කොළඹට මාරුවීමෙන් පසු අගනුවර 1914 ජූනි මස 14 දින පළමුවන කොළඹ සමූහය ගාලු මුවදොර පිහිටි ක්‍රිස්තුදේව දෙව්මැදුරේ අරඹන ලදී. ඒ සඳහා උනන්දුවක් දැක්වූ බොහෝ දෙනාගෙන් ඉල්ලීම් හා උනන්දු කිරීම් මත මෙම කණ්ඩායම ආරම්භ කල අතර එය පසුකාලයේදී ආණ්ඩුකාර උතුමන්ගේ කණ්ඩායම ලෙසින් ද හැදින් විය. එය එවකට ලංකාවෙ පළමුවන විවෘත බාලදක්ෂ කණ්ඩායම හා ලංකාවෙ තුන්වෙනි බාලදක්ෂ කණ්ඩායම විය. මෙම කණ්ඩායම පිහිටුවීමේදී එවකට කොළඹ වානිජ සමාගම හෙවත් Colombo Commercial Company - CCC අනුග්‍රහය දැක්වූ බව පැවසේ.

බාලදක්ෂ ව්‍යාපාරය පිළිබඳ ව ලංකාව පුරා දැනුවත් කිරීමේ අරමුණින් සිලෝන් ඉන්ඩිපෙන්ඩන්ස් (Ceylon Independence) පුවත්පතෙහි සතිපතා බාලදක්ෂ ප්‍රවෘත්ති තීරයක් වෙන් කරගැනීමට ද පසු ව The Ceylon Scout නමින් ප්‍රථම නිල පුවත්පත නිකුත් කිරීමට ද එතුමාට හැකි විය. මෙම පුවත්පත් මඟින් මෙන් ම අනෙකුත් ජාතික පුවත්පත් මඟින් ද ව්‍යාපාරයේ අරමුණු හා ප්‍රතිපත්ති එළිදක්වමින් ද බාලදක්ෂ ආචාර්යවරුන් ලෙස බැඳෙන ලෙස ඉල්ලා එකල සිරිලක ප්‍රභූන් වෙත ආයාචනය කරමින් ද ලිපි පළ කරන ලද්දේ ය. මේ සඳහා බී. ඒ.ආර්. හියුස් මහතාගේ දායකත්වය අතිමහත් වේ. ගරු ජේ. ටී. ස්මෝල් (Rev.J.T.Small) දේවගැතිතුමාගේ ද ජේසු නිකායික ගරු සී. රිචඞ් (Rev.C.Reichard) පියතුමාගේ ද රජයේ රස පරීක්ෂක සී. ටී. සීමන්ස් (C.T.Symonds) මහතාගේ ද සහයෝගය එතුමාට ලැබිණ.

මින්පසු මාරුවීම් ලද දිස්ත්‍රික්ක තුළ ද බාලදක්ෂ කණ්ඩායම් ආරම්භ කරමින් බාලදක්ෂ ව්‍යාපාරය ව්‍යාප්ත කිරීමට කටයුතු කරන ලදී. ස්ටීවන්ස් මහතා බස්නාහිර පළාතේ පළමු ප්‍රාදේශීය ශාඛා සංගමය පිහිටුවීමට සමගාමීව 1913 දී මහනුවර ධර්මරාජයේ ද, 1914 දී ගාල්ල මහින්දයේ ද බාලදක්ෂ ව්‍යාපාරය ව්‍යාප්ත කළේ ය. ගාලුදිසා බාලදක්ෂ කොමසාරිස්වරයා ලෙස එෆ්. ජී. පියර්ස් මහතා ක්‍රියා කළේ ය.

1916 දී ලෝක බාලදක්ෂ ව්‍යාපාරයේ වෘක පෝතක අංශය ඇරඹුණ දින දී ම ලංකාවේ ප්‍රථම වෘක පෝතක රැළ වන 2 වන ගාල්ල රිච්මන්ඞ් විද්‍යාලයීය පෝතක රැළෙහි ආරම්භය ද 1918 දී කොළඹ දී අරඹන ලද ලංකාවේ මුහුදු බාලදක්ෂ අංශය ද 1920 දී අරඹන ලද මානවක බාලදක්ෂ අංශය ද ස්ටීවන්ස් යුගයට අයත් වේ.

“සුදු රාජාලියා” යන අන්වර්ථ නාමයෙන් හැඳින්වූ මෙතුමාට එහි සේවය කළ හැකි වූයේ වසර 20 ක් පමණි. 1917 දී යටත්විජිත ආණ්ඩුව විසින් මෙසපොතේමියාවේ යුද සේවය කැඳ වූ අතර යුද සේවය නිමා වූ වහා ම ලංකාවට පැමිණෙන විට මෙරට බාලදක්ෂ කටයුතු මුළුමනින්ම වෙනස්කම් රැසකට භාජනය වී පැවතියේ ය. කොළඹ හැව්ලොක් තුරග තරග පිටියෙහි 1917 දී පැවති සමස්ත ලංකා ප්‍රථම බාලදක්ෂ බටහිර දිසාරැළිය මෙරට බාලදකෂයින්ට නවමු අද්දැකීමක් විය.

නවවසරක රාජකාරියෙන් පසුව ලද නිවාඩුවෙන් පසු එංගලන්තයට ගිය එතුමා ග්ලැඞ්ස් ක්‍රොක්වෙල් (Gladys Crockwell) මෙණෙවිය හා විවාහ වී 1920 දී යළිත් ලංකාවට පැමිණියේය.

1920දී ලන්ඩනයේදී පළමු වන ජාත්‍යන්තර සම්මේලනය ජමිබෝරිය ලන්ඩනයේ කෙන්සිංටන් හි ඔලිම්පියාවේදී පැවැත්විණි. පළමු ලෝක ජම්බෝරිය රටවල් 34 කින් බාලදක්ෂයින් 8,000 ක් මෙම අවස්ථාවට සහභාගී විය.

1921 දී පළමු වරට ලෝක බාලදක්ෂ ව්‍යාපාරයේ නායක බේඩන් පවෙල් සාමිවරයා සහ ඔලේව් සෙන්ට් ක්ලෙයාර් මැතිනියගේ ලංකාවට සැපත්වීම සිදු විය. ඒ වන විට ලංකා බාලදක්ෂ ව්‍යාපාරයෙහි පසුබිම බෙහෙවින් වෙනස් වී තිබිණ. එම අවස්ථාවේ දී ඔවුන් පිළිගැනීමට කොළඹ ගාලූ මුවදොර පිටියේ පැවති රැළියෙන් අනතුරු ව බොහෝ හැල හැප්පීම් මධ්‍යයේ යටත්විජිත කොමසාරිස් ධුරයෙන් ඉවත් වූ අතර බොහෝ කණස්සල්ලෙන් ද සිටි බව වාර්තා වේ. යටත්විජිත කොමසාරිස් ධුරය හේතුවෙන් යටත්විජිත සංකල්පය තවදුරටත් පවත්වා ගැනීමට එරෙහිව ප්‍රසිද්ධියේ විවේචන සිදු කෙරුණු අතර එවකට දේශපාලනික නැගිටීම් අනුව දේශීය වශයෙන් විවිධ සම්බන්ධතා අනුව බාලදක්ෂ සංගමය නියෝජනය කරනු ලැබූ නිලධාරීන් පිරිස් බලයෙන් වැඩිවීම හේතුවෙන් එෆ්. ජී. ස්ටීවන්ස් මහතා නාම මාත්‍රික ධූරයක් දරන්නෙකු ලෙස පසෙකට කර තැබූ අතර අනතුරව ක්‍රමයෙන් නොසලකා හැරීමට කටයුතු කලේය. මේ පිළිබඳ හැඩූ කඳුලින් යුක්තව ලෝක බාලදක්ෂ නායකයා දැනුවත් කිරීමට අවස්ථාවක් උදාකගැනීමට හැකි වූ බවත් අතිශය කම්පනයට පත් එතුමා විසින් ලංකාවේ බාලදක්ෂ කටයුතු අරම්භ කිරීම කෙරෙහි අවධානය යොමු කරමින් එෆ්. ජී. ස්ටීවන්ස් මහතාගේ හිත සනසවමින් වසර 33ක බාලදක්ෂ ව්‍යාපාරයට කරනු ලැබූ විශිෂ්ට සේවය අගයමින් බී.පී. තුමා විසින් පෞද්ගලික ව ඇගයීමට ලක්කරමින් ‘රිදී වෘකයා’ සම්මානය ද ප්‍රදානය කරන ලද බවත් පැවසේ.

බන්ධනාගාර දෙපාර්තමේන්තුවේ පළමු බලදක්ෂ කන්ඩායම BP තුමාගේ විශේෂ අවසරයක් යටතේ 1926 අරම්භය කල බව සදහන්ය. වැලිකඩ බන්ධනාගාරයෙහි රැඳවියන් සඳහා මානවක බාලදක්ෂ කණ්ඩායමක් බ්‍රිතාන්‍ය ඉම්පීරියල් බාලදක්ෂ මූලස්ථානයෙහි ලියාපදිංචි කළ බවත් මේ සියල්ල බාලදක්ෂ ඉතිහාසයෙහි නොලියවුනු ස්ටීවන්ස් යුගයට අයත් බව සඳහන් කලයුතුම වේ. දෙවන ලෝක ජම්බෝරිය 1924 ඩෙන්මාර්කයේදී ද තුන්වන ලෝක ජම්බෝරිය 1929 එක්සත් රාජධානියේ බර්කන්හෙඩ් හි ඇරෝ පාර්ක් හි ද 4 වන ලෝක ජම්බෝරිය 1933 හංගේරියාවහි ද 5 වන ලෝක ජම්බෝරිය 1937 නෙදර්ලන්තයේ දී ද පැවති අතර 81 හැවිරිදි වියේ පසු වූ බේඩන් පවෙල් සාමිවරයා මෙහිදී බාලදක්ෂයින්ට සමු දුන්නේය.

බේඩන් පවෙල් සාමිවරයාගේ දෙවන සංචාරය 1934 නැව් මඟින් සිදු කෙරුණු අතර කොළඹ වරාය ජැටියේදී ඔවුන්ට මහත් හරසරින් පිළිගැනීම සිදුකෙරිණ.

විවිධ ඝට්ටන හමුවේ මෙතුමා නැවත 1939 දී ගිහි සංගමයේ සභාපතිත්වයට පත්විය. මෙම වකවානුවේ දී ජාතික බාලදක්ෂ මූලස්ථානය විසින් එතුමා ගරු ප්‍රධාන කොමසාරිස් වශයෙන් ද පත් කරනු ලැබිණ. ඒ අනුව ලංකා බාලදක්ෂ ව්‍යාපාරයේ පළමු ප්‍රධාන කොමසාරිස් වරයා වන්නේ ද මෙතුමා ය.

මේ වකවානුවේදී ක්‍රිස්තුදේව විද්‍යාලයේ බාලදක්ෂ කණ්ඩාම පෙර තිබු උද්යෝගයෙන් අඛණ්ඩ ව පවත්වාගෙන ගොස් ඇති බව එම කණ්ඩායමේ පැරණි ලොග් සටහන් වලින් පෙනේ. 1940 වර්ෂයේ දී එෆ්.ජී.ස්ටීවන්ස් මහතා එම කණ්ඩායම නැරඹීම සදහා ප්‍රධාන කොමසාරිස්වරයා ලෙස පැමිණි බවත් එය විද්‍යාලීය බාලදක්ෂ ලොග් පොතේ අත්සන් සහිත ව සටහන් තබා තිබේ. 1940.07.30 දින තබන ලද ලොග් සටහනකින් කියවෙන්නේ එතුමාට ගෞරව පිණිස එදින පාසලේ දරුවන් අමතා කතා කිරීමට ද එතුමාට අවස්ථාව ලබා දී ඇති බව ය. කෙසේ හෝ ජේ. එච්. ද සේරම් යුගය දක්වාම නිලනොලත් මට්ටමින් මෙරට බාලදක්ෂ ව්‍යාපාරය තුළ කිසියම් බලපෙරළියක් සිදුවී ඇති බව පෙනෙන්ට තිබේ.

මෙරට බාලදක්ෂ කටයුතු සඳහා පූර්ණ රාජ්‍ය අනුග්‍රහය හා මනා පිළිගැනී‍මක් ලැබෙමින් පැවති අතර ප්‍රධාන කොමසාරිස් සී. බෲක් එලියට් 1922-1925 (2nd Colonial Commissioner of Ceylon) ශ්‍රිමත් වර්නන් ග්‍රේනියර් මහතා ධූරයෙන් 1925-1930 (3rd Colonial Commissioner of Ceylon) ඉල්ලා අස්වීමත් සමග එතුමා විසින් ඒ සඳහා නම්කල ජේ. එච්. ද සේරම් මහතාද 1930-1942 (4th Chief Commissioner) ඇමරිකාවට යාම සඳහා ශිෂ්‍යත්වයක් දිනාගනු ලැබිණ. අනතුරුව පත් වූ කේ.සෝමසුන්දරම් මහතාගේ 1942-1948 වකවානු දක්වාම එෆ්.ජී.ස්ටීවන්ස් මහතා කොළඹ ජීවත් වූ බව පැවසේ.

රට පුරා පැවති සියළු ම බාලදක්ෂ ගිහි සංගම්වලට යමින් සහ ඒවායේ පවතින අඩුපාඩු අවම කර ගැනීමට සහාය වෙමින් බාලදක්ෂ මූලධර්ම අනුව ම බාලදක්ෂ කණ්ඩායම් මෙහෙයවීම සඳහා නායකයන්ට උපදෙස් දෙමින් ද 1945 වසරේ දී නැවත එංගලන්තය බලා යන තුරු ම ඉතා ප්‍රශංසනීය ආදර්ශවත් සේවාවක් කරන්නට එතුමාට හැකි විය.


SCOUTING MAGAZINE® - SRI LANKA \| VOLUME 02 \| ISSUE 02 \| ISSN 2279-1310 \| Page 5, 6

ශ්‍රී ලංකා බාලදක්ෂ ව්‍යාපාරය ආරම්භ කර වසර 100ක් ගත වන 2012 වර්ෂය ශ්‍රී ලංකාවේ බාලදක්ෂ ව්‍යාපාරයට සුවිශේෂී සන්ධිස්ථානයකි. ඒ් වෙනුවෙන් සියවස ජම්බෝරිය මහින්ද රාජපක්ෂ ජනාධිපතිතුමාගේ ප්‍රධානත්වයෙන් දඹුල්ලේ කණ්ඩලම ඩී.එස්.සේනානායක පිටියේ දී පැවැත් විය. මීට සමගාමී ව ආසියා පැසිෆික් අන්තර්ජාතික බාලදක්ෂ ජම්බෝරිය ද දඹුල්ලේ දී පැවැත්විය. බාලදක්ෂ ව්‍යාපාරය පවතින ලෝකයේ සෙසු රටවල් 161 අතරින් සුවිශේෂි ස්ථානයක් ශ්‍රී ලංකාවට ලැබී තිබේ. 1912 සිට මේ වන විට ශ්‍රී ලංකා ජාතික ජම්බෝරි 09ක් ද, පෝතක බාලදක්ෂයින් සඳහා කබෝරි 09ක් ද, විශේෂ අවශ්‍යතා ඇති (ආබාධිත) බාලදක්ෂයින් සඳහා 'අගුනරියක්' ද පවත්වා තිබේ. එමෙන්ම සෑම දිස්ත්‍රික්කයක් පාසා ම වාර්ෂික දිසා බාලදක්ෂ රැළි, ප්‍රජා සේවා, කඳවුරු, ගවේෂණ, පුරෝගාමී, පා ගමන්, කඳවුරු ගිනිමැල ආදී බොහෝ දෑ තුළින් පුළුල් ව මහජන සම්බන්ධතා පුළුල් කරගෙන ඇති අතර, ප්‍රජාව ද මහත් ආදරයෙන් හා සෙනෙහසින් යුතු ව බාලදක්ෂ ව්‍යාපාරයට සමීප වී ඇත. ගතවූ වසර 100 තුළ ශ්‍රී ලංකාවේ අස්සක් මුල්ලක් නෑර ඉතා ශීඝ්‍රයෙන් බාලදක්ෂ ව්‍යාපාරය ව්‍යාප්ත වීමේ ප්‍රතිඵලයක් ලෙස අද වන විට 46000කට අධික සාමාජික සංඛ්‍යාවකින් සැදුම්ලත් විශාලතම ස්වේච්ඡා ළමා ව්‍යාපාරය බවට පත්ව ඇත. මෙහි නිරත සියලුම නිලධාරීන් ස්වේච්ඡාවෙන් කටයුතු කිරීම අනෙකුත් ස්වේච්ඡා ව්‍යාපාර අතර බාලදක්ෂ ව්‍යාපාරයේ දක්නට ලැබෙන සුවිශේෂී ලක්ෂණයකි.

ශ්‍රී ලාංකීය ප්‍රථම බාලදක්ෂ කොමසාරිස් මෙන් ම ක්‍රිස්තු දේව බාලදක්ෂ සමූහයේ නිර්මාතෘතුමා වශයෙන් ද එතුමා සිහිකිරීම පිණිස එම විද්‍යාලෙයහි ඉදිකල බාලදක්ෂ උයනෙහි එෆ්. ජී. ස්ටීවන්ස් මහතාගේ උඩුකය ප්‍රතිමාවක් ද ඉඳිකර තිබේ. එතුමන් වෙනුවෙන් ලංකාවේ ඉදි වූ ඒකම සිහිවටන ප්‍රතිමාව ද මෙය වේ. මෙම නිර්මාණය මාතලේ හිටපු බාලදක්ෂ කොමසාරිස් රෙජිනෝල්ඩ් විල්සන් මහතාගේ ය.

එෆ්. ජී. ස්ටීවන්ස් මහතා සහ ලංකා බාලදක්‍ෂ ව්‍යාපාරයේ ඉතිහාසය ගැන වැඩි විස්තර සදහා SCOUTING MAGAZINE බලන්න...

Monday, April 6, 2015

අති විශිෂ්ඨ බාලදක්ෂයෝ 2014 (අධ්‍යයන පොදු සහතික පත්‍ර සාමාන්‍ය පෙළ)

2014 අ.පො.ස සාමාන්‍ය පෙළ විශිෂ්ට ජය ලැබූ බාලදක්ෂයා

2014 අ.පො.ස සාමාන්‍ය පෙළ විභාගයෙන් ප‍්‍රථම ස්ථානය හිමි කර ගත් කොළඔ නාලන්දා විද්‍යාලයේ තරිදු නිර්මාල් වික‍්‍රමසිංහ බාලදක්‍ෂයාට ශ‍්‍රි ලංකා බාලදක්‍ෂ සංගමයේ , ඇගයීම හා තිලිණ ප‍්‍රදානය කිරීම අපේ‍්‍රල් මස 02 වන දින කොළඔ 02 චිත්තම්පලම් ඒ ගාඩිනර් මාවතේ පිහිටි ජාතික බාලදක්‍ෂ මුලස්ථානයේ දී ප‍්‍රධාන කොමසාරිස් මහාචාර්ය නිමල් ද සිල්වා මැතිතුමාගේ ප‍්‍රධානත්වයෙන් පැවැත්වුනු අතර ඒ සදහා සහය ප‍්‍රධාන කොමසාරිස්වරුන් හා මුලස්ථාන කොමාසාරිස්වරුන් ගේ සහභාගී්තවයෙන් සිදු විය.

මෙම උත්සව අවස්ථාවට ප‍්‍රධාන කොමසාරිස් තුමා අදහස් දක්වමින් අධ්‍යාපන මූලික කර ගත් සමාජයක බාලදක්‍ෂ කටයුතු වලින් අධ්‍යාපනය බාධාවක් බව ඇතැමුන් පැවැසුවද තරිදු බාලදක්‍ෂයා එම අදහස මිත්‍යාවක් මනාව පසක් කර දී ඇත.

32 කොළඔ නාලන්දා විද්‍යාලයේ තරිදු නිර්මාල් වික‍්‍රමසිංහ බාලදක්‍ෂයා

මෙහිදී තව දුරටත් අදහස් දක්වමින් ප‍්‍රධාන කොමසාරිස්තුමා පැවැසුවේ මෙය මුළු මහත් බාලදක්‍ෂ ව්‍යාපාරයටම මහත් ආඩම්බරයක් ගෙන දෙන ජයග‍්‍රහනයක් වන අතර මෙම ජයග‍්‍රහණය මුළු මහත් සිසු පරපුරටම ගෙන දෙන්නේ මහත් අභිමානයක් මෙන්ම මෙමගින් වර්තමාන සිසු දරුවන්ටත් දෙමව්පියන්ටත් උගත හැකි පාඩම් බොහෝ අතර ඔවුන්ට ඔවුන්ගේ අනාගත අධ්‍යාපන කටයුතු වඩාත් විශ්වාසයකින් සාර්ථකව කර ගෙන යාමට තරිදු බාලදක්‍ෂයාගේ ජයග‍්‍රහණය ප‍්‍රබලව ඉවහල් වනු ඇත.

මෙහිදි සභාව අමතමින් කරුණු මතු කරමින් තරිදු නිර්මාල් බාලදක්‍ෂයා පවසා සිටියේ බාලදක්‍ෂ කටයුතු වලින් ලැබුනු දැනුම සහා අවබෝධයන් හරහා තම අධ්‍යාපනික විශය කරුණු දෙස වඩාත් පුළුල් ලෙස බලා එම කටයුතු වල නියැලෙන්නට තමාට ප‍්‍රභල මග පෙන්වීමක් බාලදක්‍ෂ කටයුතු වලින් ලැබුනු අතර වැඩිදුරටත් ඔහු පවසා සිටියේ ඕනෑම දෙයක හොද සහ නරක තීරණය වන්නේ එය තුළ අප කටයුතු කරන ආකාරය අනුව ඔීනෑම දෙයක් මනා අවබෝධයකින් හා නිසි කළමාණාකරනයකින් යුතු ව කල හැකි නම් එය සාර්ථක කරගත හැකි බවය. එහිදී ඇසු පැනයට ඔහූ පිලිතුරු වශයෙන් පවසා සිටියේ නිසි කාල කළමණාකරනයේ වැදගත් කම හා අත්‍යවශ්‍ය දේවලෙ මුලිකත්වය දි කටයුතු කිරීමෙන් මෙම ජයග‍්‍රහණය ලබා ගත් බවය.

එමෙන්ම අනාගතයේ දී දේශිය බාලදක්‍ෂයන්ට මෙවැනි ජයග‍්‍රහණ අධ්‍යාපනික හා ජාතික මට්ටමින් ලබමින් මේ ආකාරයෙන් ඇගයීමට ලක් වීමට හැකි වේවා යයි ඔහු ප‍්‍රාර්ථනා කලේය තරුදු වික‍්‍රමසිංහ බාලදක්‍ෂයා පෝතක බාලදක්‍ෂ අංශයේ ඉහලම ප‍්‍රදානය වන රන්තරුලාභි පෝතක බාලදක්‍ෂයකු වන අතර දැනට බාලදක්‍ෂ අංශයෙන් වනවාසියාගේ රැහැන දක්වා දිනා ඇත. පසුගිය වසරේ නාලන්ද විද්‍යාලයේ හොදම කනිෂ්ඨ බාලදක්‍ෂයා ද විය මෙම වසරේ ජපානයේ පැවැත් වීමට නියමිත ලෝක බාලදක්‍ෂ ජම්බෝරිය සදහා ශ‍්‍රි ලංකාව නියෝජනය කිරීමටත් තරිිදු නිර්මාල් බාලදක්‍ෂයා සදුසුකම් ලබා ඇත.

Congratulations for all of Sri Lankan Scouts and Girl Guides Fabulous Victory!

Tharindu Nirmal Wickremasinghe of Nalanda College, Colombo, has topped the island rankings at the G.C.E Ordinary Level Examination 2014. he is an active SCOUT from 32nd Colombo Scout Group.

Sanduni Nawanjana Jayawardena, a student of Holy Cross College, Gampaha, was ranked at second place. Meanwhile, Amashi Niwarthana of Visakha Vidyalaya, Nuwani Nethsarani of Gampaha Rathnawali Balika Vidyalaya and Garuni Abeysinghe of Mahamaya Girls College, Kandy obtained the 3rd best results at the G.C.E. O/L Examination. Amashi Niwarthana, Garuni Abeysinghe, Dewini Ruwanka, Divyanjali Uththara Rajapaksha also active Girl Guides on their groups.

The Ordinary Level Examination was held from the 9th to the 18th of December 2014 with 377,039 students sitting the exam. The results can be obtained via www.doenets.lk. List of the first ten ‘high flyers’ at G.C.E Ordinary Level Examination 2014 can be seen below.

1. Tharindu Nirmal Wickremasinghe – Nalanda Collage, Colombo
2. Sanduni Nawanjana Jayawardena – Holy Cross College, Gampaha
3. Amashi Niwarthana – Visaka Vidyalaya, Colombo
3. Nuwani Nethsarani – Rathnawali Balika Vidyalaya, Gampaha
3. Garuni Hansapani Abeysinghe – Mahamaya Girls’ College, Kandy
4. Dewini Ruwanka Hemasinghe – Visaka Vidyalaya, Colombo
5. Divyanjali Uththara Rajapaksha – Devi Balika Vidyalaya, Colombo
6. Ransika Lasath Gunasekara – Thurstan College, Colombo
6. Dilini Sandunika Palihakkara – Sujatha Vidyalaya, Matara
6. Anjana Ruchinga Abhayadeepa Madarasinghe – Keerthi Abeywickrama National School, Morawaka

We wish you all the best and good success for the future...!

more on https://www.facebook.com/photo.php?fbid=763311000453824&set=a.116950161756581.17668.100003247947404&type=1&theater

Thursday, April 2, 2015

මීදුම් නගරයට - වසන්තය අැවිල්ලා!

බෝඹුරු ඇල්ල වන අරණේ තැනුණු - ගෝන ගම්මානය සොයා ගිය ගමනක්...

අපේ රට යටත් කරගත්තු ඉංගි‍්‍රසින් ඔවුන්ගේ රටේ දේශගුණයට, සමාන දේශගුණයක් පවතින නුවරඑළිය ප්‍රදේශයට ‘පුංචි එංගලන්තේ’ කියලා නමක් පටබැන්දේ නිකන්ම නොවෙයි. නුවරඑළියේ දේශගුණය, පිහිටීම වගේම අලංකාරයත් එංගලන්තේ ඇතැම් පළාත්වලට බෙහෙවින්ම සමාන නිසයි. නුවරඑළිය පැත්තේ මල්, පලතුරු, එළවළු වගේම තේ කෝපි වගාවත් ප්‍රචලිත කරන්නට සුදු ජාතීන් උනන්දු වුණේ ඒ දේශගුණය නිසයි නුවරඑළිය පැත්තේ පැරැණි නිවාස හා ගොඩනැඟිලි බොහොමයක්ම ඉදි කරලා තියෙන්නෙත් එංගලන්තෙ ගෘහ නිර්මාණ ශිල්පීය ආකෘති අනුව. හැමදාම හැමදෙනාම යන එන සුපුරුදු සංචාරක ආකර්ෂණ ස්ථාන හැරුණාම ගිහින් බලන්නට වටිනා සුන්දර මෙන්ම වටිනා තැන් ගණනාවක්ම නුවරඑළිය හා අවට තිබෙනවා. මෙවර අප ඔබ කැඳවාගෙන යන්නේ තවත් එවන් වූ මනරන්ජනීය ඉසව්වකටයි. නුවරඑළිය නගරයෙන් කිලෝ මීටර් දෙකක් එපිටින් පිහිටි සඳතැන්නේ පීඩෲ බාලදක්ෂ කඳවුරු භූමියයි ඒ. ‘සඳතැන්න’ නමටම ඔබින සුන්දර ගම්මානයක්. නුවරඑළිය නගරයේ සිට වැලිමඩ පාරේ ග්‍රෙගරි වැව කෙළවරේ මාගස්තොට හන්දියෙන් වමට හැරිලා දිගටම ගියාම හමුවෙන්නේ සුන්දර සඳතැන්න ගම්මානයයි.

සඳතැන්නට යන පාර දිගේ කිලෝ මීටර් දෙකක් ඉදිරියට පැමිණියාම අපට ලංකාවේ උසම ස්ථානයේ පිහිටි ජලාශය වන බෝඹුරුඇල්ල ජලාශය හමු වෙනවා. බෝඹුරු ඇල්ල ජලාශයට යන පාර දිගේ පහළටම ගියාම හමුවන්නේ අපේ රටේ මුලින්ම හදාපු බාලදක්ෂ කඳවුරු භූමිය වන පීඩෲ බාලදක්ෂ කඳවුරු භූ®මියයි. බාලදක්ෂ කඳවුරු භූමියක් වුණාට එය බාලදක්ෂ කටයුතු සඳහා පමණක්ම වෙන් වූවක් නොවෙයි.

බාලදක්ෂ පුහුණු කඳවුරු සම්මේලන, ජම්බෝරි පැවැත්වෙනවා හැරෙන්නට ඒ අවට සිරි නරඹන රිසින් එහි යන ඔබ අප වැන්නන්ට එහි නවාතැන් ගන්නටත් පුළුවන්. ශ්‍රී ලංකා බාලදක්ෂ ව්‍යාපාරයේ කොළඹ චිත්තම්පලම් ඒ ගාඩ්නර් මාවතේ පිහිටි ප්‍රධාන කාර්යාලයෙන් හෝ වර්තමානයේ කඳවුරු භාර නිලධාරී අජිත් ජයසේකර මහතාගෙන් අවසර ලබාගෙන ඔබට කඳවුරු බිමට ඇතුළුවන්නට පුළුවන්. කොත්මලේ හරහා තවලන්තැන්න පාරේ ගමන් කළ අපේ කට්ටිය නුවරඑළියට ළඟා වෙන විට මධ්‍යාහ්නය පහුවෙලා. ජූනි මාසෙත් එළැඹුනාට ඒ වන විටත් නුවරඑළියට වැස්ස පටන් අරගෙන තිබුණේ නෑ. වෙනදාට පාර දිගේ තැනින් තැන ඉදිකළ පුංචි පුංචි කඩවල පාට පාටින් ලස්සනට අඩුක්කරලා තියෙන එළවළු ගොඩවල්වලට වඩා මෙදා පාර අපි දුටු එළවළු ගොඩවල් පුංචියි කියලයි මට නම් හිතුණේ. වෙනදාට පෝලිමට ඇරලා තියෙන එළවළු පෙට්ටි කඩ තැනින් තැන විතරක් ඇරලා. මල් කඩ පෙට්ටිත් ඒ තරම්ම දැක්කෙ නෑ. එළවළුත් කොළඹ තරමටම ගණන්. මධ්‍යාහ්නය පහුවෙලාත් කොළඹ වගේ අව්ව තද නෑ. හොඳටම අව්ව පායලාත් හමා යන සුළඟේ සිසිලස ගත කිලිපොළා යන තරම්. නුවරඑළියේ පදිංචි කාරයන්ට දාඩිය දැම්මට අපි නම් මුලින්ම කළේ නගරයේ උණුසුම් ඇඟලුම් සාප්පුවකට වැදිලා කබායක් තොප්පියක් මිලදී ගැනීමයි. නුවරඑළිය නගරයෙන් කිලෝ මීටරයක් දෙකක් දුරින් තිබුණට සඳතැන්න පැත්ත හොඳටම ශීතලයි කියලා අපි අහලා තිබුණා. ටවුම පහු කරලා සඳතැන්න පාරේ කිලෝමීටරයක් විතර ගිහින් අපි බෝඹුරු ඇල්ල වන අඩවියට පිවිසුණා. උසට උසේ වැවුණු ටර්පන්ටයින්, ඇකේශි‍්‍රයා සහ සයිප්‍රස් ගස්වලින් හෙවණ වූ පටු මාවතේ අපේ වාහනේ ඉදිරියට ඇදුණේ හෙමින්. ගස්වල කොළ හැලිලා. වෙනදාට වැඩිය කලඑළියක් මාවතට වැටිලා. තෙතමනය රැඳුණු සීත සුළං රැලි කවුළුවෙන් රිංගලා ගත දාහය නිවා සනහනවා. බෝඹුරු ඇල්ලට යන පාරේ කෙළවරේ පිහිටි කඳවුරු භූමියෙහි අප එනතුරු එහි කඳවුරු පාලක අජිත් ජයසේකර මහතා පෙරමඟ බලා සිටියා. ප්‍රවීණ බාලදක්ෂ ආචාර්යවරයකු වන අජිත් එවරස්ට් කඳු ශිඛරය තරණය කළ පළමු සහ එකම ශ්‍රී ලාංකිකයා. ඒ වගේම ඔහු දාසය වතාවක් හිමාලය කන්ද තරණය කරලා තිබෙනවා. උසින් අඩි පහක් තරම් වත් නැති මේ පුංචි මිනිසා තුළ සැඟව ඇති ආත්ම ශක්තියේ බලය හිමාලය කන්දටත් වඩා උසයි.

ගුවන් ගැබ සිපගන්න තරම් උස් වූ ටර්පන්ටයින් යාය මැද පිහිටි කඳවුරු භූමියට පිවිසෙන කවරකුගේ වුවත් ගත සිත සුවපත් වෙනවා. මෙම කඳවුර නවසිය හතළිස් හයේදී ශ්‍රී ලංකා බාලදක්ෂ සංගමයේ හිටපු ප්‍රධාන කොමසාරිස්වරයා වූ බෲක් විලියම් මහතාගේ පාලන කාලයේදී කර්නල් සී. පී. ජයවර්ධන මහතාගේ යුගයේදී අරඹා තිබෙනවා. බාලදක්ෂ නායකවරුන් සඳහා වන උසස් බාලදක්ෂ පුහුණු පාඨමාලාව පැවැත්වීම අරමුණු කොට ගෙන ඉදි කරන ලද මෙම කඳවුරෙහි වර්තමානයේ දී ජාතික හා පාසල් මට්ටමින් පුහුණු කඳවුරු සහ බාලදක්ෂ කණ්ඩායම්වල වාර්ෂික කඳවුරු පැවැත්වීම ද සිදු කරනුලබනවා. බෝඹුරු ඇල්ල ජලාශයට යාබද අක්කර අටක භූමි ප්‍රමාණයක පිහිටි කඳවුරු භූමිය රමණීය පරිසරයකින් යුක්තයි. උමා ඔයෙහි ප්‍රධාන ජලාශයේ සිට ගලා එන උමා ඇළ, කඳවුරු භූමිය වටා ලතාවකට ගලා බසිනවා. වර්ෂ 1950 දී බාලදක්ෂ ව්‍යාපාරයේ ප්‍රධාන මූලස්ථානය වූ එංගලන්තයේ ගිල්වෙල් පාර්ක් කඳවුරේ කඳවුරු පාලක ජෝන් තෝමන් මහතා ශ්‍රී ලංකා බාලදක්ෂ සංගමයේ පුහුණු කිරීමේ නිලධාරී මණ්ඩලය පුහුණු කිරීම සඳහා මෙරට පැමිණි අවස්ථාවේ එතුමාට නවාතැන් ගැනීම සඳහා ඉදිකළ ජෝන් තෝමස් නිල නිවාසය වර්තමානයේත් කඳවුරු පාලක නිල නිවාසය ලෙස භාවිත කරනවා. කඳවුරු භූමියේ බාලදක්ෂයන් සඳහා කඳවුරු ගිනිමැල කවයක්, ප්‍රධාන රැස්වීම් භූමියක් වගේම දහදෙනා බැගින් නවාතැන් ගන්නට හැකි කඳවුරු කුටි හයකින් සමන්විතයි. උමා ඇළෙන් එගොඩ වූ විට වන මැද දැවයෙන් ඉදිකරන ලද සුව පහසු කුටිවල විසි දෙනකුට පමණ නවාතැන් ගන්නට පුළුවන්.

වරකට සිය දෙනකුට පමණ නවාතැන් ගන්නට තරම් ප්‍රමාණවත් පහසුකම් පීඩෲ කඳවුරෙහි තිබෙනවා. කුඩා කණ්ඩායම් සඳහා සුදුසු දැවමුවා කුටි වෙන්ව තනා තිබෙනවා. හෝටලයක නවාතැන් ගන්නවාට වඩා කඳවුරු බිමක නවාතැන් ගැනීම වෙනස්. බාලදක්ෂයන්ට එය එතරම් අලුත් දෙයක් නොවුණාට ඉඳහිට එහි යනෙන සංචාරකයන්ට එය නැවුම් අත්දැකීමක් වෙනු නිසැකයි. කළුගලින් බිත්ති බැඳ ඇතුළත දැවයෙන් නිමවා ඇති කුටි තුළ දැවයෙන් තැනු ඇඳන් ඇතුළු සියලු අවශ්‍යතා ද සපයා තිබෙනවා. දැව කුට්ටිවලින් තනන ලද අපූරු ආසන සහ මේස කිහිපයකින් ඒ සමන්විතයි. බාලදක්ෂ කඳවුරකදී බාලදක්ෂයන් තම කටයුතු ඔවුන් විසින් ම ඉටු කරගන්නවා. කඳවුරේ නවාතැන් ගන්නට යන අමුත්තන්ට උයා පිහා ගන්නට අවශ්‍ය පහසුකම් සහිත මුළුතැන් ගෙයක් එහි තිබෙනවා. උයාගෙන කන්නට අකමැති නම් කඳවුරු පාලක තුමාට කලින් දැන්වූවාම ඉතාම රසට පිරිසුදුවට ආහාරපාන සකස්කර දෙන දක්ෂ සූපවේදියකුගේ සේවය ඔබට ලබාගන්නටත් පුළුවන්. කඳවුරු බිමක නවාතැන් ගන්නට යන දරුවන්ට එහි බාලදක්ෂයන් සඳහා ඇති ක්‍රීඩා අත්හදා බලන්ටත් අවස්ථාව ලැබෙනවා. ගස් දෙකක් අතර ගැට ගසන ලද සවිමත් දැල්වල එල්ලී දැල් තරණය කිරීමට, උස් ගස්වල එල්ලන ලද ඉණිමංවල නගින්නට කොමාන්ඩෝ බ්‍රිජ්, මන්කි බ්‍රිජ් වැනි උසින් සවිකළ පාලම්වල නැගී ධීර ක්‍රියාකාරකම්වල යෙදෙන්නටත්, කඳවුරු බිම අවට වනන්තරයේ ඇවිදීමටත් ළමුනට ලැබෙන අවස්ථාව නැවුම් අත්දැකීමක් වනවා සිකුරුයි.

අහස්කුස සිප ගන්නට තරගයට ඉහළට ඇදෙන සයිප්‍රස් තුරු අතරින් සඳරැස් ගලා එනවා. කඳවුරු බිමේ සුදෝ සුදු වැලි තලාව සඳරැසින් නෑවිලා කඳු මුදුනේ සිටින අපට දිස්වන්නේ හාත්පස සුදෝ සුදු හිම පළසක් ඇතිරුවා වගෙයි. ඇටමිදුලු පසාරු කරගෙන හමා යන ශීත සුළං රැලි සමඟ පොරබදිමින් අපේ උණුසුම් කබා අප උණුසුම්ව තබන්නට දරුණු අරගලයක යෙදෙනවා. රාත්‍රී සිරි නරඹනු රිසින් කඳවුරු බිමේ මිදුලට බැස්සත් ඒ ශීතල දරාගෙන රෑ සිරිය විඳගන්නත් අමාරු ගානයි. කඳවුර වටා ගලා හැලෙන උමා ඇළේ ජල ධාරාවේ සුමදුර ස්වරය පරයා හෝං හෝං නාදයෙන් දෝංකාර නගමින් සිසිල් මාරුතය හමා යනවා. දසත හමා යන මාරුතය උස් ගස්වල වැදීමෙන් නැගෙන ඒ අමුතු ශබ්දය පරිසරයට එක්කරන්නේ ගූඪ බවක්. වනන්තරේ නිහඬතාව බිඳිමින් ඉඳහිට රාව නඟන නිශාචර පක්ෂියකු හිටිවනම රෑ සිරි නරඹමින් පරිසරය සමඟ දැහැන්ගත වූ අපේ සමාධිය බිඳ දමනවා.

කඳවුරු පාලක දිවා නිරීක්ෂණ කුටිය අසල ඉදිකළ දැවමුවා පීඨිකාවට එපිටින් ගිනිමැලයක් ගසා ගෙන ඒ වටා වාඩිලාගෙන සතුටු සාමීචියේ යෙදෙන්නට, ගීයක් ගයා තුටු පහටු වෙන්නට එහි එන වැඩි දෙනෙකු පි‍්‍රය කරනවා. දැඩි කටුක සීතලත් එක්ක හීන් පිනිබිඳු පතිත වෙනවා. නුපුරුදු දේශගුණයට ඔරොත්තු නොදෙන නැහැපුඬු නොකඩවා කිවිසුම් හරිනවා.“දැන් හොඳයි නිදාගෙන උදේ රැයින් නැගිටලා බෝඹුරු ඇල්ල බලන්න ගියානම්” අජිත්ගේ යෝජනාවට හැමෝම එක සිතින්ම එකඟ වුණා. හොඳහැටි පොරෝණය තුළට ගුලි වෙලා නිදාගන්නට හිතුණත් කුසීතකම ජය අරන් අපි හැමෝම හිමිදිරියෙම අවදි වුණා. මේනක හදා දීපු රසවත් උදෑසන ආහාරයෙන් පස්සේ කඳවුරට ඉහළින් පිහිටි බෝඹුරු ඇල්ල ජලාශය බලන්න අපි ගියේ පයින්.

නුවරඑළියට පායන තරම කොයිතරම් ද කියලා බලා ගන්න ජලාශයේ අඩු වෙලා තිබුණු ජල මට්ටම හොඳම සාක්කියක්. වෙනදාට වේල්ල ළඟටම ජලයෙන් පිරෙන ජලාශයේ පතුල මතු වෙලා. යාන්තම් පෙනෙන නොපෙනෙන තරම් මඩ වතුර. ජලාශය පිසගෙන හමා ආ මාරුතය චණ්ඩයි. ඇඟ හිරිගඩු වට්ටනවා මදිවට සුළඟේ සැරට විසිවී යා දෝයි බයත් හිතෙනව. ජලාශයේ බැම්ම දිගේ සුදු වැලි ඇතිරූ මාවතේ අපි රක්ෂිතයේ ඇරැඹුම දක්වාම ඇවිද ගියා.

බෝඹුරු ඇල්ල ජලාශය ඉතා විරල ගණයේ ජලාශයක්. එය ලංකාවේ වැඩිම උසකින් පිහිටා ඇති ජලාශයයි. ජලාශයේ සොරොව්ව සහ පිටවාන පිහිටා ඇත්තේ ජලාශයෙහි මැද. මෙවැනි පිටවානක් තවත් අපේ රටේ තිබෙන්නේ හම්බන්තොට පිහිටි ඇකිරිය වැවෙහි පමණයි. බෝඹුරු ඇල්ල ජලාශයේ ජල කඳ උඹා ඇළ ඔස්සේ බදුලු ඔයට වැටී අනතුරුව මහවැලි ගංගාවට එකතු වෙනවා. රක්ෂිතයේ තරමක් දුරට ගියාම බෝඹුරු ඇල්ල ජලාශයට දියවර සපයන ගල් පාලම සහ ‘බුලු ඇල්ල’ දිය ඇලි බලාගන්නට පුළුවන්. බුලු ඇල්ල පාමුල පිහිටි ගුහාව සීතා දේවිය සඟවා තැබු ස්ථානයක් බව කියැවෙන අතර එම ගුහාව හග්ගල මල්වත්තට නොදුරින් පිහිටි සීතා අම්මාන් කෝවිළ දක්වාම දිවෙන බවට සාධක හමු වී තිබෙනවා. බෝඹුරු ඇල්ල රක්ෂිතයේ එක් මායිමක් වැලිමඩ දක්වාත් තවත් මායිමක් හග්ගල මල්වත්ත පිහිටි ප්‍රදේශය දක්වාත් උතුරින් කඳවල දක්වාත් විහිදෙනවා. බෝඹුරු ඇල්ල රක්ෂිතයේ සැරිසරන්නට ලැබෙන අවස්ථාවත් ඉතා වටිනවා. වන සරණට රිසි ඔබට එය අපූරු අත්දැකීමක් වනු නිසැකයි. කඳවුරු බිම පිහිටි භූමිය නැවත වගා කරන ලද ටර්පන්ටයින්, රෙඩ්ගම්, ඇකේශියා සහ සයිප්‍රස් ගස්වලින් සෙවණ වෙලා. කඳුරු බිමට මායිම් වන ස්වභාවික වනාන්තරය කඳුකර වැසි වනාන්තර ගණයට අයත්. නුවරඑළිය ප්‍රදේශයට ආවේණික වූ මහරත්මල් (රොටර් ඩැන්ඩ්‍රම්) හා යෝධ මීවන වර්ග එහිදී ඔබට චකගන්නට පුළුවන්. ගල් වෙරළු, වැල් මී, මොනරැස්ස වගේ ඖෂධිය පැළැටිත් එහි හොඳින් වැවෙනවා.

දිවියන්, ගෝනුන්, මුවන්, මී මින්නන් දඬු ලේනුන්, වල් ඌරන්, වගේම දුර්ලභ ගණයේ සතකු වන වලස් වඳුරන් බෝඹුරු ඇල්ල රක්ෂිතයේ බහුලව වාසය කරනවා. ඒ වගේම අපේ රටේ ජාතික පක්ෂියා වන වලි කුකුළන්, ගිරවුන්, මලිත්තන්, බකමූණන් වැනි පක්ෂීන් ද එහිදී දැකගන්නට පුළුවන්. වනන්තරයේ සිරි නරඹන්නට වගේම එහි ජෛව විවිධත්වය ගැන අධ්‍යයනයක යෙදෙන්නටත් සුදුසුම ස්ථානයක් ලෙස බෝඹුරු ඇල්ල රක්ෂිතය හඳුනාගෙන තිබෙනවා. ඒ ප්‍රදේශය සංචාරක ආකර්ෂණ ප්‍රදේශයක් ලෙස හඳුනාගෙන සැබෑවටම සොබාදහමට ආදරය දක්වන සංචාරකයන්ට වගේම නිරීක්ෂකයන්ටත් ඒ සඳහා පහසුකම් සලස්වන්නට ඉදිරියේදී පියවර ගන්නා බව නුවරඑළිය නගරාධිපති මහින්ද දොඩම්පේගම මහතා පවසනවා.

රක්ෂිත වනයකට හිතූ හැටියට ඇතුළු වෙන්නට බෑ. ඒ සඳහා ඔබ වන සංරක්ෂණ දෙපාර්තමේන්තුවෙන් පූර්ව අවසර ලබා ගන්නට ඕනෑ. රක්ෂිතය හරහා සැතැපුම් හයක් පමණ ගිය විට අලංකාර බෝඹුරු ඇල්ල දිය ඇල්ල හමු වෙනවා. දිය ඇල්ලට පහළින් පිහිටි පේරවැල්ල ගම හරහා යළිත් ඔබට මහමඟට පිවිසෙන්නට පුළුවන්. මිනිසුන් වගේම සතා සීපාවොත් ඔවුන්ගේ නවාතැන් පොළ සකස් කරගන්නා බව ඔබ දන්නවා. කුරුල්ලන් කැදලි තනනවා. වලසුන් දිවියන් ගල් ගුහාවල ගාල් වෙනවා. තලගොයින් උරගයන් හුඹහක් තනා ගන්නවා. ඒත් ගෝනුන් හා ඌරන් ලගින්නට ගෙවල් හදාගන්නා බවක් අප අසා නෑ. බෝඹුරු ඇල්ල රක්ෂිතයේ වන මං ඔස්සේ පිය මං කළ අප අපේ නඩේ ගුරා අජිත් ගෝනුන් වාසස්ථාන තනාගත් ගෝන ගම්මානයකට අප කැටුව ගියා. නිතරම කැලෑ ගමන්වල යෙදෙන අජිත් ගෝන ගම්මානයට යන පාර හොයා ගත්තේ ගෝනුන්ගේ අං උලා තුවාල කළ ගස්වැල්වල හෝඩුවාව ඔස්සේ යමින්. ‘සද්ද කරන්නෙ නැතිව මා පස්සෙන් එන්න’ අජිත්ගේ ඉල්ලීමට අනුව ගස්වැල්වල පය පැටලිලා වැටුණත් නිහඬවම අපි ඔහුගේ පිටුපසින් ගියා. “මෙන්න බලන්න ගෝන ගෙදරක්.” හොඳින් අතු පතර විහිදා වැඩුණු රූස්ස ගසක පාමුල තණ පත් තලා ඇතිරූ සුව පහසු ගුහාවක් වැනි සෙවණක් අජිත් අපට පෙන්නනවා.

“මේ දැන් ගෝනා මතන ඉඳලා ගිහින් තියෙන්නෙ.”
ඒ ළඟම තිබු ගහේ ගෝනා අං ඇතිල්ලීමෙන් තුවාල වූ බඳින් තවමත් කිරි වැනි ශ්‍රාවයක් වෑහෙනවා. අපි එන සද්දෙට ගෝනා හෙමිහිට නැගිටලා වනයට වැදිලා. ඒ ආකාරයටම තැනූ ගෝන ගෙවල් රාශියක් අජිත් අපට පෙන්නුවා. උදේ රැයින්ම ආහාර හොයාගෙන කැලෑ වදින ගෝනුන් හැන්දා අඳුරත් එක්කම ගෝන ගම්මානයට ගාල් වෙනවා.

වනන්තරේ නිහැඬියාවට බාධා නොකර ඊළඟට අපි ගියේ ඌරු ගම්මානෙට. ඌරන්ට මඩ තලන්නට ඕනෑ කරන මඩ කඩිති උන් විසින්ම හාරාගෙන ඇති ආකාරය එහිදී අප දුටුවා. හොඳින් ජලය පිරුණු තටාකයක දිය කෙළින්නට දුර බැහැර යනවාට වඩා ළඟම තිබුණු දියකඩිත්තක් අසබඩ වළක් හාරාගෙන ඒ වළ මඩ කරගෙන මඩ තලන එක කොයිතරම් පහසු ද? ඌරු තටාකවල පිංතූර ගන්න ලේසි නෑ. පුංචි සද්දෙටත් සතුන් කලබල වෙලා එහාට මෙහාට වෙලා හැංගෙනවා. නැත්නම් සතුරාට එරෙහිව සටනට එනවා. ඌරු තටාකවල පිංතූර ගන්න අජිත් සුදම් එක්ක තව තවත් කැලෑවෙ ඈතටම ගියා.

බෝඹුරු ඇල්ල රක්ෂිතයේ ඇවිද්දාට කිසිම වෙහෙසක් ඇඟට පතට නොදැනීම ඇත්තෙන්ම මවිතයට කාරණාවක්. උදෙන්ම වනයට වැදුණු අපි වනන්තරයෙන් එළියට එන විට මධ්‍යාහ්නයත් ළඟා වෙලා. ඒත් දහදිය පොදක්වත් වැටී නැත්තේ වනන්තරේ පිසගෙන නිරන්තරෙන් හමා යන පිවිතුරු සිසිල් මදනල ගත සිත නිවා සනසාලන නිසයි. හැමදාම සැපම හොයන්නේ නැතිව කැලේක ඇවිදලා කුරුල්ලන් සතුන් ගහකොළ නරඹලා, කඳු නැඟලා, දිය ඇලි බලලා විඳලා එන එකෙත් අමුතුම මිහිරක් තිබෙනවා. ඉගෙන ගන්න දූ දරුවන්ට ඉගෙන ගන්න බොහෝ දේවල් තිබෙනවා. සුපුරුදු සම්ප්‍රදායික විනෝද චරිකාවකට වඩා එය අතිශයින්ම නැවුම් වූත් විනෝදජනක වූත් සංචාරක අත්දැකීමක් ඔබට ගෙන දෙනවා සිකුරුයි.

විශේෂ ස්තූතිය

සාගරිකා දිසානායක ජයසිංහ

ඡායාරූප - සුදම් ගුණසිංහ