ජනාධිපති අනුර කුමාර දිසානායක මහතාගේ සංකල්පයකට අනුව ක්ලීන් ශ්රී ලංකා (Clean Sri Lanka) වැඩසටහන ආරම්භ කෙරිණි. මීට සමඟාමීව ලෝක බාලදක්ෂ ව්යාපාරයේ නිර්මාතෘ රොබට් ස්ටීවන්සන් ස්මිත් බේඩන් පවල් ස්වාමිවරයගේ 168 වැනි ජන්ම දිනය අනුස්මරණය කරමින් සැමරුම් ද පැවැත්විණි. ක්ලීන් ශ්රී ලංකා (Clean Sri Lanka) ව්යාපෘතියට සමඟාමීව ශ්රී ලංකා බාලදක්ෂ සංගමය මඟින් සංවිධාන කළ දිවයින පුරා පිහිටි දුම්රිය ස්ථාන පිරිසිදු කිරීමේ වැඩසටහන් ප්රධාන උත්සවය ත්රිකුණාමලය දුම්රිය ස්ථානය මූලික කරගනිමින් පැවැත්විණි. 168වන බී.පී. දින සැමරුම හා ක්ලීන් ශ්රී ලංකා ව්යාපෘතියට සමගාමිව දුම්රිය ස්ථාන පිරිසිදු කිරීමේ වැඩසටහනේ ගාල්ල, බෙලිඅත්ත ඇතුලු දුම්රිය පරීශ්රය 33 අතරින් ප්රධාන වැඩසටහන රැසක් ක්රියාත්මක කෙරිණ. දුම්රිය ස්ථාන, බස් නැවතුම් පොළවල ඇතුළු පොදු ස්ථාන පිරිසිදු කිරීම හා පැළ රෝපණයද සිදු කෙරිණි.
බාලදක්ෂ සංගමයේ මීගමුව ශාඛාව පිහිටි කඩොල්කැලේ මූලස්ථාන භූමියේදී බාලදක්ෂ ව්යාපාරයේ නිර්මාතෘ බේඩන් පවෙල් සාමිවරයාගේ ජීවමාන ප්රමාණයේ පිළිරුවක් විවෘත කිරීම, බාලදක්ෂ ප්රධාන කොමසාරිස් නීතිඥ ජනප්රිත් ප්රනාන්දු මහතාගේ ප්රධානත්වයෙන් සිදුකෙරිණි.
බේඩන් පවෙල් සාමිවරයාගේ 168 වැනි සැමරුම් දිනය නිමිත්තෙන් මෙම උත්සවය පැවැත්වුණු අතර පෝතක බාලදක්ෂයින් හත්දෙනකු ජනාධිපති බාලදක්ෂ නිල ලාංඡන පැලැඳවීම ද මෙහිදී සිදුවිය.
මීගමුව ප්රාදේශීය ලේකම් රසිකා මල්ලවාරච්චි මහත්මිය, මීගමුව ශ්රී ලංකා ගුවන් හමුදාවේ කපිතාන් ආදි බාලදක්ෂ පාමින්ද ජයවර්ධන මහතා, උප ප්රධාන බාලදක්ෂ කොමසාරිස් චන්ද්රානි ප්රනාන්දු මහත්මිය, මූලස්ථාන කොමසාරිස් දර්ශන රණතුංග මහතා, මීගමුව දිසා බාලදක්ෂ කොමසාරිස් රොමේෂ් රොඩ්රිගෝ මහතා, මීගමුව දිසා බාලදක්ෂ සංගමයේ නිලධාරී මඬුල්ල, සහාය දිසා කොමසාරිස්වරුන්, බාලදක්ෂ නායකයන්, බාලදක්ෂයන් හා විදුහල්පතිවරුන් ඇතුළු පිරිසක් මෙම උත්සවයට සහභාගී වී සිටියහ.
No comments:
Post a Comment