ළමා පරපුර යහපත් පුරවැසියන් බවට පත් කර ගැනීමට බාලදක්ෂ ව්‍යාපාරය වැනි වැඩසටහන් ප්‍රබල ලෙස දායක වන බව නව අග්‍රාමාත්‍ය ආචාර්ය හරිනි අමරසූරිය පැවසුවා.
ශ්‍රී ලංකා බාලදක්ෂ සංගමය මගින් සංවිධාන කළ ජාතික බාලදක්ෂ සම්මාන ප්‍රධානෝත්සවය අග්‍රාමාත්‍යවරියගේ ප්‍රධානත්වයෙන් අරලියගහ මන්දිරයේ දී පසුගිය දා පැවැත්වුණා. ශ්‍රී ලංකා බාලදක්ෂ ව්‍යාපාරය වෙනුවෙන් ස්වේච්ඡාවෙන් වසර 5කට වඩා වැඩි කාලයක් විශිෂ්ට සේවාවක් ඉටුකළ වැඩිහිටි බාලදක්ෂ නායක නායිකාවන් 574 දෙනෙකු මෙහිදි සම්මානයට පාත්‍ර වුණා. ලෝකයේ අනෙකුත් රටවල් සමග පවතින මිත්‍රත්වය වැඩිදියුණු කර ගැනීම සඳහා එම රටවල බාලදක්ෂ කොමසාරිස්වරුන් වෙත ද ජාත්‍යන්තර මිත්‍රත්ව සම්මාන INTERNATIONAL FRIENDSHIP AWARD 11ක් ප්‍රධානය කෙරුණා. එසේම බාලදක්ෂ ව්‍යාපාරය වෙත අනුපමේය දායකත්වයක් ලබාදෙන ත්‍රිවිධ හමුදාවට හා රාජ්‍ය හා රාජ්‍ය නොවන ආයතන 9ක් ද මෙහිදි ඇඟයීමට ලක්වුණා. බාලදක්ෂ ව්‍යාපාරයේ ඉහළම සම්මානය වන ‘Silver Lion ‘ සම්මානය බාලදක්ෂ ව්‍යාපාරයේ නියුතු 08 දෙනකු වෙනුවෙන් පිරිනැමීමත් මෙම උත්සවයේදී සිදු විය.
ශ්‍රී
ලංකා බාලදක්ෂ සංගමයේ ප්‍රධාන බාලදක්ෂ කොමසාරිස් නීතිඥ ජනප්‍රිත්
ප්‍රනාන්දු මහතා ඇතුලු දෙස් විදෙස් නියෝජිතයන් පිරිසක් සහ අග්‍රාමාත්‍ය ලේකම් ප්‍රදීප් සපුතන්ත්‍රී, අධ්‍යාපන අමාත්‍යාංශයේ ලේකම් නාලක
කළුවැව, ශ්‍රී ලංකා බාලදක්ෂ සංගමයේ ප්‍රධාන බාලදක්ෂ කොමසාරිස් නීතිඥ
ජනප්‍රිත් ප්‍රනාන්දු, නියෝජ්‍ය ප්‍රධාන කොමසාරිස් එම්. එෆ්. එස්. මුහීඩ්
මහත්වරුන් ඇතුළු දේශීය විදේශීය ආරාධිතයන් රැසක් මෙම අවස්ථාවට එක්ව සිටියහ.
