Translate

Wednesday, February 15, 2017

ජෝර්ජ් ඇල්ෆ්‍රඩ් පීරිස් නැමති බාලදක්ෂයා

රෝයි ඇලෝශියස් ෆීලික්ස් ද සිල්වා හෙවත් රෝයි ද සිල්වා "මාස්ටර් බ්ලාස්ට්" යන විරුදාවලි ලබන ශ්‍රී ලාංකීය "බොක්ස් ඔෆිස්" තිර රචකයෙකු, දක්ෂ රංගන ශිල්පියෙකු හා අධ්‍යක්ෂවරයෙක් වේ. පී. නීලකන්ටන් (පලනියාන්දි නීලකන්ටන්) නම් දකුණු ඉන්දීය චිත්‍රපට අධ්‍යක්ෂවරයා අධ්‍යක්ෂණය කළ "ජබීර්.ඒ. කාදර්" නිෂ්පාදනය කළ "සුජාගේ රහස" චිත්‍රපටයෙන් 1964 රෝයි ද සිල්වා සිනමාවට අවතීර්ණ විය. චිත්‍රපට 100කට ආසන්න සංඛ්‍යාවකට තම රංගන දායකත්වය ලබා දෙමින් අවුරුදු විසිපහකට ආසන්න කාලයක් එක දිගටම සිංහල සිනමාවේ කතා නායකයා වූ ඔහුගේ ජීවිත කතාවෙහි කතා නායකයා වූ ජෝර්ජ් ඇල්ෆ්‍රඩ් පීරිස් මහතා ගැන මෙරට වැඩි දෙනා නොදන්නා බව නිසැකය.

"එවකට මොරටුවේ රාවතාවත්තේ විසූ විදුහල්පතිවරයෙකු සහ බාලදක්ෂ කොමසාරිස්වරයකු වන මාගේ පියාණන් ජෝර්ජ් ඇල්ෆ්‍රඩ් පීරිස් බව අද ද සෙනෙහසින් මා සිහිපත් කරමි යනුවෙන් රෝයි ද සිල්වා පසුගිය දිනක සිය පියා පිළිබද අතීතය සිහිපත් කලේය."

චතුර ලෙස දෙමළ භාෂාව හැසිරවීමට හැකිවීමත් දකුණු ඉන්දීය අධ්‍යක්ෂවරුන් එවකට සිංහල චිත්‍රපට තැනීම ආරම්භ කිරීමත් ඉන්දීය හැඩතල සහිත කඩවසම් රුවක් හිමිවීමත් පියාගෙන් ලැබූ දායදයන් වූ අතර භාෂා භේදයකින් තොරව චිත්‍රපට නැරැඹීමවිනෝදාංශය කරගත්තේ ය. මොරටුවේ සිට කොළඹට පැමිණ චිත්‍රපටයක් නැරඹීම සඳහා මා හට රුපියල් පහක් හෝ අටක්පියාගෙන් ලැබූ සහයෝගයක් වූයේය.  

ඔහුගේ සිනමාපට ප්‍රශස්ත තලයේ, හාස්‍ය තලයේ විවිධ තේමාවන් යටතේ චිත්‍රපට නිර්මාණය කරන අධ්‍යක්ෂවරයෙකි. ජනප්‍රිය නළුවකු වශයෙන් ඔහු ලැබූ ජනතා ප්‍රසාදයට වඩා චිත්‍රපට නිර්මාණකරුවකු වශයෙන් ඔහු අද ලබන කීර්තියත්, ප්‍රේක්ෂක ප්‍රතිචාරයත් විශේෂයෙන් ඔහු ලබන තෘප්තියත් අති විශාලය. එඩී ජයමාන්න, රුක්මණී දේවි, ගාමිණී ෆොන්සේකා, ජෝ අබේවික්‍රම, විජය කුමාරතුංග, රවින්ද්‍ර රන්දෙණිය, එච්.ආර්. ජෝතිපාල, සුමනා අමරසිංහ, බන්දු සමරසිංහ, ටෙනිසන් කුරේ මෙන්ම නව පරපුරේ නළු නිළියන් ගණනාවක් අධ්‍යක්ෂණය කිරීමට රෝයි ද සිල්වා හට හැකි විය. පෙර සැලසුමෙන්, අඩු දින ගණනකින් භාෂා ත්‍රිත්වයෙන්ම චිත්‍රපට නිම කිරීමේ දක්ෂතාව ඔහු සතුව ඇත. වැරැදි අවම කරගනිමින් අඩු දළ සේයා පට ප්‍රමාණයකින් රූප ගත කළ හැකි අධ්‍යක්ෂවරයකු වීම ඔහුගේ විශේෂත්වයකි.

පියාණන්ගේ සෙනෙහසත් මගපෙන්වීමත් නොවන්නට මෙතරම් දුරක් මා හට පැමිණෙන්නට නොහැකි බව අද ද සෙනෙහසින් මා සිහිපත් කරන බව රෝයි ද සිල්වා මහතා අවසන් වරට සදහන් කළේය.
------------
පසු සටහන
කිසිදු තොරතුරක් හෝ සැලකිල්ලක් නොදක්වමින් අතීතයෙන් ගිලිහී යන බාලදක්ෂ බාලදක්ෂික කටයුතු වල නිරත වූ දැවැන්ත චරිත බොහෝමයක් තිබේ. ඔබ සතුව මෙවැනි තොරතුරු තිබේනම් අපට යොමුකරන්න. scoutingmagazine@gmail.com






No comments:

Post a Comment